Ɛsekeɛl 5:6 - mzwDBL

⁶ Jerusalam tena ɛ deŋnekpeɡ dɛ vɛh me Mmarare ne n waa maa kpɔa tɛɛ ba la ta teŋa. Ba deŋnekpeɡ berɔ ɡwaa harɛre aa bar ba cheme nɛra la kwara.

Ɛsekeɛl 5:6 ပူးပေါင်းရင်းမြစ်များ

2 Koranar 21:11

“Juda Kooro Manasɛ ɛ kii wa. O ɛ wechɔɡa dɛ ɡwaa ɡɛ Amɔre tena ba fa aa soɡe bonɔ la, dɛ ɡel Juda tena ɛ wechɔɡa dɛɛ tomɛ o voɡa.

2 Koranar 21:9

Kɛ Juda tena vɛoh, Kooro Manasɛ ɡelɔ ba nyoɡre, dɛ ɛ wechɔɡa ɡwaa harɛre nɛra Korowii fa aa doŋ ba le o nɛra Israel tena sie la.

Nehemia 9:34

Ya koranar ne nomonome ne sɔfore, dɛ ya naawa ta he Mmarare ta teŋɛ. Ba ta waa haa do ba a ta ne waa haa kah ba ta teŋɛ.

Nehemia 9:35

He swee koranar andɛɛɡa ba nyiŋi he nɛra nɛ, ɡɛ saŋ baa soɡe harɛpare ondɛɛɡe waa kana he kpɔ tɛɛ ba la ta, kɛ ba vɛh ba liire chara, dɛ le ba wechɔɡa ta dɛ tomɛ.

Yela 106:20

Ba kpɔ jirima baa kpɔ tɛ hen Korowii la, berɛ kaa tɛ kon o mar aa le nabale, waa dɛ chwe kpɔɡa.

Yela 78:10

Ba ta Korowii fɔo o ne baa fɔwa la ta teŋɛ, dɛ vɛh o Mmarare la.

Kaala 16:28

Belaa Korowii ŋɔ Mosis be ŋɔ, “Dɛ ka tel saŋ besoo hɛɛ nyin he vɛh waa maa do heyaa ta teŋa ɔ?

Jeremia 11:10

Ba charɛ ba liire dɛɛ ɛ ba naawa wechɔɡa baa ɛa la, dɛ vɛh n waa ta teŋa. Ba kaa teŋɛ voɡare ane nɛɛ dɛɛ toma. Israel ne Juda tena bwa chɔɡ fɔo n ne ba naawa aa fɔwa la.

Jeremia 5:3

Belaa n lii ŋɔ, “N Naa Korowii, kasinteŋ ɡbo laa hɛɛ nyin aa? He tɛr ba deŋne, kɛ ba ta weweele bɛlbwa nae, he do ba sibeɡra, kɛ ba ta wobɛlbwa hwele le a ta. Ba ɡelɔ ba bambile do kpeɡri kɛŋɔ bwe ken, dɛ vɛh kɛ baa charɛ ba liiree.”

Jeremia 8:5

Bɔkwa waa bala nɛra nɔ berɛ habɔɔ kpo mɛ nɔɔ? Ɛrɛɛ saŋ bɛlbwa Jerusalam tena ɛɛ le habɔɔ nɔɔ? Ba sie ta dɛ lɛ waa aa ɛ nyosone ta, baa nyin kɛ bá berɛ ba n be.

Jeremia 9:6

Jeremia, nyosonteŋna binii he so, ba nyosone teŋa nomanta, ba vɛɛh mɛ kɛ menee Korowii baa dɛ tom mɛ. Men Korowiirii bola.”

Ɛsekeɛl 11:12

Ásɛ he jemɛ kɛŋɔ menee Korowii, dɛkalkɛ he ta me Mmarare ne n waa ta teŋɛ, dɛ kaa teŋɛ harɛre aa bar heyaa cheme nɔ tena mmarare ta.’ ”

Ɛsekeɛl 16:51

He wechɔɡa haa ɛa la, Samaria ta a dɔŋa ɛɛ. He ɛ waa maa kia kohona ɡwaa ba, he nime ne he nahaah waa toɡrɔ ɡwaale.

Daneɛl 9:15

N Naa Korowii yaa dɛ tomɛ, henee cheɡɛ he kpeɡri ta lɛ he nɛra le Ijipt harɛ ta, dɛ lɛ sɔn tɛ he te a ta chɔ le ba le fini, kɛ ya ɡarɔ ɛ wechɔɡa kohona.

Daneɛl 9:5

Ya ɛ wechɔɡa dɛ koni, dɛ ɛ nyubinikpeɡ, dɛ le he habɔɔ. Ya bɛɡɔ le waa haa do yaa a ta ne he Mmarare ta.

Daneɛl 9:8

N Naa Korowii, ya ne ya koranar ne nomonome ne ya naawa di sihiih kohona, dɛkalkɛ ya ɛ wechɔɡa dɛ jo he nɛ.

Sekaria 7:11

Kɛ n nɛra ɛ deŋnekpeɡ dɛ vɛh noe, dɛ berɛ habɔɔ kpo mɛ, dɛ kuuɡi kwaa tɔ deŋne.

1 Kɔrent 5:1

N dɛ no kɛ he bini bane dɛ bɔ jwamane aa wola were, hale nɛra baa wola Korowii tomɛ kwara aa wola ɡɛɛ ɛ. Ba ŋɔ he bini bɛl lawɛ o mɛɛ haah kwaraa dɛɛ chɔ.

Tɔn Jud Aa Chwera 1:4

Nɛra bane sɔɔh dɛ ba koo he baah haa wola jemɛ. Baa Korowii tomɛ, dɛɛ bol ŋɔ nɛra ɛɛ wonoo dɛɛ ɛ wedoŋa, dɛkalkɛ Korowii dɛ sune nɛra nɛ. Ba dɛ ɛ ɡɛ ásɛ dɛ fe dɔ bɔr che dɛ́ɛ ɛ wedoŋa baa dɛ nyin. A ɡɛ nɛra nɔ vɛh ya Nomoa beŋkpoŋ Yeesu Kristo waa dɔ yaa la kɛŋɔ ba Dɔɔree on. Saŋ la bwaa Korowii Tɔn baɡle ɡɛ Korowii aa pa ba bolchɔɡe dɛɛ ba ba deŋne tɛra.