Ɛsekeɛl 5:4 - mzwDBL

⁴ Berɛ kpɔ anɔ la aa lɔ he batakaare nyoa la tama do nii ta á fuh, a taa nii ɛɛ ba lee dɛ́ ba fuh Israel tena bwa.”

Ɛsekeɛl 5:4 ပူးပေါင်းရင်းမြစ်များ

2 Koranar 25:25

Korobie anuanɛ ta la, Nɛtanea bibaa Ismael, waa ɛ koobie, iro dɛ lawɛ baala fi ja o nɛɛ ba la Gedalia be Mispa, dɛ ka kpoo o ne Juda ne Babelɔn tena baa lɔ bela. Ismael nabaa sɔne Elisama.

Jeremia 4:4

Hɛɛ teŋɛ fɔo he ne men Korowii haa dɛ tom mɛ aa fɔwa la ta, dɛ́ kpɔ he te bwa tɛ mɛ, he Juda ne Jerusalam tena bwa. Gɛ laa aa, n baah ɛɛ diu kohona, he wechɔɡa haa ɛa la wa, ásɛ nomɛlbwa aa won sɔɔh o nyoa.

Jeremia 48:45

Nɛra baa koh laa waa chwa ba bwɛjen Hɛsbɔn wilo, dɛɛ nyin ba nyu, dɛkalkɛ nii le Kooro Sihon koodem dɛ fuh le Hɛsbɔn o fa aa di kora o ta. Nii la fuoh jo ba harɛ jwɛhre bwa ta, hale dɛ ka tel Moab tena baa dɛ nyin yoi kohona la harɛ bwejena dor.

Jeremia 52:30

asɛ bene fifraanɛ dɛ atoro ta ɡe, Juu tena lafraanuanɛ fifraanaarɛ dɛ banue. Nebusaradan waa chɔ laa tena nyoa laanee laɡ ba kaa. Ba bwa lɔ nɛra kaɡboŋa banaarɛ lafraanumɛl.

Ɛsekeɛl 5:3

Gel pona la tama ka he kpɔ vɔwɛ he batakaare nyoa.

Ɛsekeɛl 5:5

Nemenɛ Korowii ŋɔ, “Na Jerusalam, n kpɔɔ cheɡ harɛre bwa baah ta a baro cheme.