Ɛsekeɛl 5:2 - mzwDBL

² Fuh bɔre atoro la bini bɔrbeŋkpoŋ bwɛjen haa ɛo la bini saŋ haa tɔɔ do a ba a jaɡa la. Kpɔ tokobi teŋni bɔrbeŋkpoŋ bini bar bwɛjen la bini, dɛ́ kpɔ bɔrbeŋkpoŋ la aa kaa la ɡe ta, ásɛ peu kpɔa kaa, dɛkalkɛ tokobi nee mɛɛ ba ba kpoora.

Ɛsekeɛl 5:2 ပူးပေါင်းရင်းမြစ်များ

Ɛsekeɛl 5:12

He bɔne he bini bɔre batoro naa, weechɔɡa kɛɛ lɔree dɛ́ kpoo bɔrbeŋkpoŋ nɛra bwɛjen la bini. Baa kpɔ tokobii kpoo bɔrbeŋkpoŋ nɛra ɡe bwɛɛ la dahare, ásɛ bɔrbeŋkpoŋ nɛra baa kaa la ɡe, n lɔ ba peɡre, dɛ́ ti ba n tokobi ne.

Lewi Dea Tena 26:33

Kɛ he te, mɛɛ ɡeloo he peɡre, dɛ́ ka so nɛra bane harɛre ta. Laa nee mɛɛ ba heyaa doŋa, ásɛ dɛ paɡre he bwɛjena a berɛ dimɡbeeni.

Ɛsekeɛl 12:14

Mɛɛ lɔ o nomonome ne o laa tena bwaa peɡre bobɛlbwa, ásɛ dɛ ɡel nɛra teŋɛ ba nɛɛ dɛ́ kpoo ba.

Jeremia 15:2

Asɛ dɛ ba bɔɔre ŋɔ, ‘Leperaa yaa ba kaala aa,’ hé ŋɔ ba be ŋɔ waa Korowii aa dɛ bol laanee nɔ, ‘Weechɔɡaa dɛ́ kpoo bane, baa kpoo bane ɡe laa taa, ásɛ lɔr kpoo bane ɡe, mɔɔ ba lawɛ bane laa ta kaa bojaŋ harɛre ta.’

Jeremia 9:16

Mɛɛ lɔ baa peɡre harɛre ba ɡbabir kɛɛ ba naawa aa wola an jemɛ ta. Dɛ ɡel laa tena ti ba ka tel kɛŋɔ baa kpoo ba bwa kwaraa.’ ”

Jeremia 38:2

“Waa Korowii aa dɛ bol laanee nɔ. Nomɛlbwa waa so bwɛjen Jerusalam ta la, laa kɛɛ lɔr kɛɛ weechɔɡaa dɛɛ ba o kpoe. Kɛ banɔ la baa kpɔ ba te ka do Babelɔn tena lɔɡa la ɛɛ dɔ ba nyuu, baa wola sewɛ.”

Jeremia 24:10

Laa ne lɔr, dɛ weechɔɡaa mɛɛ ba kpɔe ba ta ba nɛ, ka tel kɛŋɔ beŋkpoŋ kwaraa aa wola ka, harɛ maa kpɔa tɛ ba ne ba naawa la ta.’ ”

Jeremia 13:24

“Mɛɛ lɔ heyaa peɡre kɛŋɔ, peu yon ta haahra ɛɛ kaa la ken.

Jeremia 39:1

Waa aa cheɡɛ a ta Jerusalam paɡre laanee nɔ, Kooro Sedekia aa di kora Juda harɛ ta bene anuanaarɛ, korobie fi ta la, Babelɔn Kooro Nebukadnesa kpɔ o laa tena bwa kaa Jerusalam dɛ ka chɔ bar ba, dɛ yoo ba.

Jeremia 39:2

Kooro Sedekia aa di kora bene fi dɛ beŋkpoŋ ta, korobinaarɛ tɔpenuanaarɛ ta la, ba kuuɡi Jerusalam danjwɛjen la, dɛ jo ba be.

Ɛsekeɛl 5:3

Gel pona la tama ka he kpɔ vɔwɛ he batakaare nyoa.

Ɛsekeɛl 5:10

A ɡɛ nomanta, mɛɛnanar ne nyare ɛɛ chwe ba bii olaa, ásɛ bii ɡe chwe ba mɛɛnanar ne nyare ola. Mɛɛ tɛr he deŋnee, ásɛ dɛ lɔ banɔ la baa ba ka la peɡre bobɛlbwa.”

Ɛsekeɛl 17:21

Baa kpoo o laa tena baa chwaa dɛɛ kaa bwa laa taa, ba bini banɔ la baa ka la peɡre kaa bobɛlbwa. Asɛ he jemɛ kɛŋɔ men Korowiirii bola.”

Sekaria 13:8

Korowii ŋɔ, “Harɛ la ta bwa ba bɔne ba bini bɔre atoro naa, baa kpɔ kerii kpoo bɔre anɛ nɛra á ba ka bɔrbeŋkpoŋ nɛra.

Jeremia 9:15

Anomanta, kenii men Koranar Bwa Kooro, Israel tena aa dɛ tom mɛ la ɛɛ bol, ‘Mɛɛ do tɛɡchɔɡa kondikwaa ne nee taa tɛ nɛra nɔ ba di.

Emɔs 9:4

A lole kɛŋɔ ba dɔma laɡ ba laa ta kaa bojaŋ harɛfale ta, mɛɛ ɡeloo bá kpoo ba laa ta. N siwi swɛɛ ba nɛ, ba wedɛɛɡa te waa laa, ba kpoora waa.”