Ɛsekeɛl 5:13 - mzwDBL

¹³ N sie aa beɡre ń ba tɛr he deŋne n bandia kohona ne tonɛ n baah sɔɔh mɛ la, hɛɛ jemɔ kɛŋɔ men Korowiirii bola a ɛ ɡɛ.

Ɛsekeɛl 5:13 ပူးပေါင်းရင်းမြစ်များ

Aesaya 1:21

Bwɛɛ kasinteŋ diile fa aa lɔ o ta, taraken ba do kɛŋɔ haah waa le o jaa habɔɔ dɛɛ nyin baala ken. Nɛndɛɛɡa ɡboo fa o bwa, kɛ taraken nɛŋkpoa su o bwa.

Aesaya 1:24

Anomanta, Korowii, Koranar Bwa Kooro, Israel Kpeɡnɛn la ŋɔ, “Namete he berɛ n dɔma n bwaawee ir he nɛ. Mɛɛ tɛr he deŋnee bɔ kem ásɛ n baah sɔɔh mɛ.

Aesaya 59:17

O kpɔ waa aa toɡra ɛ laa batakaare, dɛ kpɔ lɛɛ waa lɛ heyaa la ɛ buni ɡbɛrɛ pi. Dɛ ta tea kohona kpɔ deŋnetɛra waa kpɔa dɛɛ ba ba bɔ nɛra kem la berɛ yal, dɛ kpɔ tɔ.

Aesaya 9:7

O kora ɛɛ do kanee dɛɛ ja saŋ bɛlbwa, ásɛ deŋnesɔɔhna aa wola jaɡa dɔe do le saŋ bɛlbwa dɛɛ la. Wɛɛ chiɡ Kooro Devid naa taa, dɛ́ di kora. O kora ɛɛ che kasinteŋ ne waa aa toɡra taa dɛ́ do kpeɡri, dɛ́ le saŋ nɔ ka tel waa bwa jaɡa saŋ. Koranar Bwa Kooro ɛɛ do siee dɛ́ ɛ anɔ bwa.

Jeremia 14:12

A lole kɛŋɔ ba dɛ vɔwɛ nyoa, kɛ maa wii baa wia dɛɛ noo mɛ laanee no. Ba fuh sarahare dɛ ɛ mea sarahare dɛɛ tɛ mɛ, kɛ n sie aa a ta lɛ. Anomanta, mɛɛ ɡeloo bá kpoo ba laa ta, ásɛ lɔr ne weechɔɡa ɡe kpoo ba.”

Jeremia 15:9

Bii banuanɛ nya bwara ɛɛ yɔroo ó hwaahɡe. Webaŋkpela ɛɛ berɔ jwaanaa, ásɛ sihiih kpoo o bambile ɛɛ weo. Mɛɛ ɡeloo he dɔma ba kpoo he bini banɔ la baa kaa la. Men Korowiirii bola.”

Jeremia 25:12

Kɛ bene fifraanuanɛ la baa kaa laa, wɛɛ tɛr Babelɔn kooro ne o harɛ nɛra deŋnee ba wechɔɡa la wa, ásɛ dɛ chɔɡ harɛ la o berɛ dimɡbia saŋ bɛlbwa dɛɛ la.

Wiile 4:11

Korowii baah diu kohona, asɛ o choŋi nii dɛ fuh Saayɔn bwa dɛɛboo ken.

Wiile 4:22

Saayɔn tena dɔ deŋnetɛra ba wechɔɡa wa, Korowii aa ɡel ba lawɛ heyaa laa ta kaa bojaŋ harɛfale ta kpa. Kɛ he Edom tena te, wɛɛ tɛr he deŋnee, dɛ́ le he nyubinikpeɡ we-ɛɛla ne baŋ.

Ɛsekeɛl 13:15

Danjwɛɛ la ne nɛra baa kpɔ fula lɔɔ la nɛɛ mɛɛ ba n bandia ne bala, dɛ́ ŋɔ he be ŋɔ, ‘Danjwɛɛ la kuuɡo, ɡɛɛ nɛra baa lɔɔ fula la ɡe aa wola lee do kpa.

Ɛsekeɛl 14:21

Nemenɛ Korowii ŋɔ, “Webele anaarɛ aa wola weree mɛɛ ba kpɔe ba tɛr Jerusalam tena deŋne. Laa ne lɔr ne kpɔɡ bini olchɔɡa dɛ weechɔɡaa mɛɛ ba kpɔe ba kpoo nɛra ne kondɛɛra bwa.

Ɛsekeɛl 16:42

Mɔɔ n bandia kohona la nyoa sɔɔh, ásɛ meera maa dɛ mee n baah di la le he nɛ, n bambilee ɛɛ sɔɔhnoo n baah aa wola di kpa.

Ɛsekeɛl 16:63

Mɛɛ kpɔ waa haa ɛa bwaa kɛɛ, kɛ hɛɛ ba liiraa, ásɛ sihiih kpoe kohona he pili nyoa kahonɛ.” Nemenɛ Korowiirii bola.

Ɛsekeɛl 17:21

Baa kpoo o laa tena baa chwaa dɛɛ kaa bwa laa taa, ba bini banɔ la baa ka la peɡre kaa bobɛlbwa. Asɛ he jemɛ kɛŋɔ men Korowiirii bola.”

Ɛsekeɛl 20:21

Ba bii la ɡe ɛɛ mɛ deŋnekpeɡ. Bɛlbwa ta n waa ne me Mmarare la ta teŋɛ kɛrɛdɛ, a lole kɛŋɔ anee fe dɛ́ ɡel ba dɔ mkpa. Ba chɔɡ n Ona Tɔpera la. Asɛ n ŋɔ mɛɛ kpɔ n bandia kohonaa ba ta ba nɛ pua hɛŋle ɡbo harɛ ta bela, dɛ́ tɛr ba deŋne.

Ɛsekeɛl 20:8

Kɛ Israel tena ɛɛ mɛ deŋnekpeɡ, baa n waa no, ba ta voɡa la pae ta, ba ta Ijipt tena voɡare maa kia la ɡe ta leɛ. Anomanta, n ŋɔ mɛɛ kpɔ n bandiaa ba ta ba nɛɛ Ijipt harɛ ta.

Ɛsekeɛl 21:17

N ɡe ɛɛ lɔ kpaŋaa, ásɛ n bandia la nyoa sɔɔh. Men Korowiirii bola.’ ”

Ɛsekeɛl 21:22

O kpoŋe hɛm o nɔndiɡ ta dɛɛ ba tae do Jerusalam. A dɛ chaɡle kɛŋɔ o dɛ ba dajaŋa kpɔe ba teɡli doonyojena la ta, dɛ do laa lɔŋɔ, dɛ kwi sɔɔhbɔra bɔɔne, dɛ ma kon baa che o ta dɛ́ jo bwɛɛ la ta dɛ́ kpoo ba.

Ɛsekeɛl 23:25

N baah aa di he nɛɛ kohona nomanta, mɛɛ ɡeloo ba kpɔ bandia doe sibeɡra kohona. Baa teŋe he mee ne deŋnaa ta, dɛ́ lawɛ he bibaala ne bihaahna kaa, dɛ́ fuh banɔ la baa kaa la.

Ɛsekeɛl 24:13

Jerusalam tena, he wedoŋa la ɡelɔ he kah doŋa. N takapɔ kɛŋɔ ń laa he doŋa bwa kpɔ he nɛ, kɛ n ta wone. Aa won le he nɛ, nemenɛ haa na n bandia kohona la bwa mɔɔ.

Ɛsekeɛl 43:8

Koranar la kpɔ ba doonyoo ne a daa ba kpaɡɛ n Dea doonyoo kwaa la, asɛ danjwɛɛ teŋe n ne ba baah ta. Ba ɛ waa maa kia, dɛ kpɔ doŋa kah n sɔn waa do ɡoroŋ la, asɛ n baah di n kpoo ba.

Ɛsekeɛl 6:10

Anee dɛ́ ɡel ba jemɛ kɛŋɔ onee Korowii, kaeh waa kah ba la, aahra laa o aah ba pɛɛpɛɛ.’ ”

Ɛsekeɛl 6:12

Banɔ la baa lɔ bojaŋa la, weechɔɡaa dɛ́ kpoo ba, ásɛ banɔ la baa bɛna la serewe laa ta. Banɔ la baa kaa la, lɔr ɛɛ kpo ba ɡee ba serewe. Gɛɛ mɛɛ ba ɡela ba na n bandia kohona.

Ɛsekeɛl 7:3

‘Israel tena he chɔɡa telo, n dɛ ba n bandia ne he nɛ, dɛ́ ba bol he waa dɛ́ tɛr he deŋne he wechɔɡa ne waa maa kia he ɛa la wa.

Ɛsekeɛl 7:8

Maa biɡri dɛ́ kpɔ n bandia ba he nɛ, mɛɛ bol he waa haa ɛa la waa dɛ́ tɛr he deŋne waa maa kia he ɛa la wa.

Daneɛl 11:36

Siiria kooro la ɛɛ ɛ ɡɛ waa dɛ nyinii, dɛɛ ɛ mbarafo, dɛɛ ɡɔɔ o te ŋɔ o ɡwaa voɡ bɛlbwa, hale Nemenɛ Korowii waa kana la. Wɛɛ ɛ ɡɛ waa nɔ bwaa ka tel saŋ Korowii aa tɛr o deŋne. Korowii ɛɛ ɛ waa waa bola ŋɔ wɛɛ ɛo laanee.

Daneɛl 9:2

A bena waa di kora la, men Daneɛl nyiŋi tɔne bini, dɛ na waa Korowii aa cheɡɛ o keame Jeremia nɛɛ bol ŋɔ, Jerusalam ɛɛ berɛ dimɡbia, dɛ́ ka tel bene fifraanuanɛ.

Hosia 10:10

Mɛɛ tɛr ba deŋnee, ásɛ harɛre ta nɛra pɛ dɛ́ ba tɛr ba deŋne ba wechɔɡa kohona la wa.

Sekaria 6:8

Ate, Korowii nyundua torome la yer mɛ dɛ ŋɔ, “Jaɡre aa kpɔ sie chaɡɛ weekaŋle nyunduabɔr Babelɔn harɛ dɛ kaa la, kaa sɔɔh Korowii bandia nyoa.”

Mmarare 28:63

Gɛ Korowii tea aa too he waa kɛŋɔ wɛɛ ɡeloo he do wer, ásɛ dɛ berɛ ɡel he ya la, ɡɛ tentenee o tea ɛɛ ba toora he chɔɡa dɛ ta wa, dɛ́ chuɡri heyaa le harɛ haa dɛ la ka so o ta nɔ ta.

Mmarare 32:36

Korowii ɛɛ lɛ o nɛraa ɡɛ saŋ ba bokpeɡa aa ba tonɛ. Wɛɛ dɔ tedomaa tɛ nɛra baa dɛ tomɔɔ, ɡɛ saŋ baa wola nomɛlbwa dɔe ó cha ba.