Ɛsekeɛl 5:11 - mzwDBL

¹¹ Anomanta, Nemenɛ Korowii ŋɔ, “N ŋwɛɛrɔ kɛŋɔ, haa kpɔ voɡare ne we-ɛɛla maa kia dɛ kpɔ doŋa ba kah n Dea nɔ, n laa sie kpɔ he nɛ, maa he nɛɛ sune, maa he bwaraa kpɔ kɛ heyaa kpa.

Ɛsekeɛl 5:11 ပူးပေါင်းရင်းမြစ်များ

2 Koranar 21:4

O ɛ kwaa voɡtoroma aa dɛ ɛ saraha a ta Korowii Dea, bela Korowii aa ŋɔa belaa a chɛ kɛ baa tomɔ la.

2 Koranar 21:7

Kooro Manasɛ sɛh Asera voɡ dajaŋ, dɛ kpɔ ka pa Korowii Dea, bela Korowii aa ŋɔ Kooro Devid ne o bibaa Kooro Solomɔn be ŋɔ, “Dea nɔ ne Jerusalamee n le cheɡ, dɛ le Israel deene bwa bini kɛŋɔ baa tom mɛ o bini saŋ bɛlbwa dɛɛ la la.

2 Koranar 23:12

O ɡelɔ ba paɡre Juda koranar kwaa baa dɛ ɛ saraha a ta Kooro Ahas abrɔsane doa, ne ane Kooro Manasɛ ɡe aa kwaara a do Korowii Dea dembaahna anɛ ta. Dɛ paɡra a do mohooh ken ka ta Kedrɔn Fɛlembɔjen ta.

2 Webena 33:4

O ɛ kwaa voɡtoroma aa dɛ ɛ saraha a ta Korowii Dea, bela Korowii aa ŋɔa belaa a chɛ kɛ baa tomɔ saŋ bɛlbwa la.

2 Webena 33:7

Kooro Manasɛ sɛh voɡ dɛ kpɔ ka cheɡ Korowii Dea, bela Korowii aa ŋɔ Kooro Devid ne o bibaa Kooro Solomɔn be ŋɔ, “Dea nɔ ne Jerusalamee n le cheɡ, dɛ le Israel deene bwa bini kɛŋɔ baa tom mɛ o bini saŋ bɛlbwa dɛɛ la la.

2 Webena 36:14

Anɔ la aa bera ja laanee kɛŋɔ, Juda harɛ nomonome ne sɔfore, dɛ bela tena teŋɛ harɛre aa bar ba cheme kii we-ɛɛla Korowii aa kia ta, dɛ kaa tomɛ voɡa. A che a ta, ba kpɔ doŋa kah Korowii Dea Korowii ɡbaɡba aa ɡela o do ɡoroŋ Jerusalam la.

Job Tɔn 27:22

Wɛɛ ba taɡ baa ta, waa wola ba nɛɛ sune, ba chwa dɛɛ le o be.

Yela 107:39

Korowii nɛra dɔma aa fiɡ ba dɛ pɔ ba nɛɛ nomanta, a ɡelɔ ba nyoa sɔɔh baa di suna.

Yela 95:11

N baah aa dia la, n ŋwɛɛrɔ ŋɔ, ‘Baa ona maa tɛɛ ba ŋɔ bá ba onɛ ɡɛ maa dɛ onɛ la dɔe ba bwa.’ ”

Jeremia 10:24

Kpɔ kasinteŋ ŋwɛnɛ ta toɡ mɛ, he bandia ne laa, ɡɛ laa aa, hɛɛ chɔɡ mɛɛ.

Jeremia 16:18

Dɛ wɛɛ bɔ ba kem bele anɛɛ, ba nyubinikpeɡ ne wechɔɡa baa ɛa la wa, dɛkalkɛ ba teŋɛ voɡare waa kia aa wola mkpa dɔe nɛ, a su harɛ la bwa dɛ kpɔ doŋa kaoh.

Jeremia 32:34

Hale ba kpɔ voɡa maa kia la ba cheɡ n Dea maa ŋɔa baa tom mɛ o bini la ta, dɛ kpɔ doŋa kaoh.

Jeremia 44:4

Keraŋwɛnɛ bwaa n tomɛ n bonɔɔna baa ɛ n keamere he be, ba bol he be ŋɔ he bɛ wedoŋa aa do ken maa kia nɔ ɛ.

Wiile 2:17

Korowii teŋɛ o nyobaɡa ta, dɛ ɛ waa o fa aa vɔrɔwa bil ŋɔ wɛɛ ɛo la. O chɔɡe, o ta he nɛɛ sune, dɛ ɡel he dɔma pɔ he nɛ, dɛɛ di he loro, he chɔɡa la wa.

Wiile 2:21

Bechale ne nomonome bwa serewɔ chɔ fɔɡbaahna, ya dɔma kpoo bonɔɔna ne toli laa ta. He ta ba nɛɛ sune dɛ kpoo ba awola he baah aa dia la.

Ɛsekeɛl 11:18

Baa berɔ ba, dɛ́ ba laa voɡdoŋa maa kia bwa kpɔ le harɛ la ta.

Ɛsekeɛl 11:21

Kɛ banɔ la ba bambili taa lɔ kondoŋa ne voɡa maa kia ta la te, mɛɛ tɛr ba deŋne a waa. Men Nemenɛ Korowiirii bola.”

Ɛsekeɛl 23:28

Nemenɛ Korowii ŋɔ, “N dɛ ba he kpɔe do nɛra ba wa aa pee he hah ba la nɔn ta.

Ɛsekeɛl 23:38

A ɡbo laa. Ba kpɔ doŋa kah n Dea la dɛ vɛh n Ona Tɔpera dii.

Ɛsekeɛl 23:39

Awola tenten baa kpɔ ba bii tɛ ba kpoo ba voɡa ta tonɛ la, ba baa jo n Dea dɛ kpɔ doŋa kaoh.

Ɛsekeɛl 24:14

Men Nemenɛ Korowii bola. Saŋ telo kɛŋɔ ń ɛ waa maa ɛ name. Maa sie laa kpɔ he wechɔɡa ta, maa he sum ɡee na. Hɛɛ dɔ deŋnetɛraa, waa haa ɛa la wa. Men Nemenɛ Korowiirii bola.’ ”

Ɛsekeɛl 29:15

Wɛɛ ɛ kora waa wola kpeɡrii do kpa harɛre koranar bwa bini. Waa ir dɛ́ do kpeɡri dɛɛ nyiŋi harɛfala ane ta kpa.

Ɛsekeɛl 33:11

Ŋɔ ba be ŋɔ men Nemenɛ Korowii taa lole nɔ, n ŋwɛɛrɔ ŋɔ, ‘Ń sie aa wechɔɡ-ɛɛra seo ta lɛ, n dɛ nyin kɛ ba le a ta, dɛ́ dɔ ba nyu. Israel tena, hé charɛ! He charɛ he liire, dɛ́ le liichɔɡa ŋwɛnɛ bɛlbwa ta. Hé ɡel wechɔɡa haa dɛ ɛ la. Ɛrɛɛ hɛɛ nyin seo nɔɔ?’

Ɛsekeɛl 43:8

Koranar la kpɔ ba doonyoo ne a daa ba kpaɡɛ n Dea doonyoo kwaa la, asɛ danjwɛɛ teŋe n ne ba baah ta. Ba ɛ waa maa kia, dɛ kpɔ doŋa kah n sɔn waa do ɡoroŋ la, asɛ n baah di n kpoo ba.

Ɛsekeɛl 44:7

A bwa habɔɔ, he ɡelɔ nɛŋhɔɔhra baa wola ba pena teŋe, baa wola men duu, ba jo n Dea la ta, dɛ kpɔ doŋa kaoh, ɡɛ saŋ haa kpɔ kondikwaa ne ola noorare, dɛ a chale ba ɛ saraha dɛɛ tɛ mɛ. A cheɡɛ a ta he chɔɡ n ne he fɔo la.

Ɛsekeɛl 5:7

Anomanta, men Nemenɛ Korowii bolɔ ŋɔ he Jerusalam tena wechɔɡa ɡwaa nɛra baa bar heyaa cheme la. He ta me Mmarare ta teŋɛ, dɛɛ ɛ waa aa chɛ kɛŋɔ ń pa heyaa bolchɔɡe. He teŋɛ nɛra baa bar heyaa cheme la we-ɛɛla ta.

Ɛsekeɛl 7:20

Ba maŋkura ba te ba suuɡaswɛm nɔnloɡa ne baŋa kwaa ne noniseɡa aa wera la, dɛ kpɔ ɛ voɡa maa kia ne kondoŋa. A waa mɛɛ ba ɡela ba kondɔɔh ɛ kondoŋa tɛɛ ba.

Ɛsekeɛl 7:4

Maa he nɛɛ sune, maa kpɔ kɛ heya, mɛɛ tɛr he deŋnee he wechɔɡa ne waa maa kia he ɛa la wa. Ásɛ he jemɛ kɛŋɔ menee Korowii.’ ”

Ɛsekeɛl 7:9

Maa he nɛɛ sune, maa kpɔ kɛ heya. Mɛɛ tɛr he deŋnee waa haa ɛa la ne waa maa kia he ɛ la waa, ásɛ he jemɛ kɛŋɔ men Korowiirii ba a ne.

Ɛsekeɛl 8:15

O berɔ ŋɔ, “Nɛwɛnyini bie, he na anɔ ɡe kenɛ? Hɛɛ na anɔ la maa kia kohona á ɡwaa anɔ kwara.”

Ɛsekeɛl 8:16

O berɔ kpɔ mɛ ba o Dea la dembaah bela, doonyoa bela pato la ne kon baa dɛ ɛ saraha o ta la baah ta, dɛ baala fifraanɛ dɛ banue lɔ bela. Ba habɔɔ chaɡɛ Korowii Dea la, asɛ ba sie chaɡɛ wee leebɔr pera baa tomɛ wee.

Ɛsekeɛl 8:18

Mɛɛ tɛr ba deŋnee bandia ne, maa ba nɛɛ sune, maa ba bwaraa kpɔ kɛ ba. Ba wio noo mɛ kohona noo, maa ba bee no.”

Ɛsekeɛl 9:10

Anomanta, maa ba nɛɛ sune, maa ba bwaraa kpɔ kɛ ba, mɛɛ ɛɛ ba ɡɛ baa ɛ bane la.”

Ɛsekeɛl 9:5

N taa dɛ no Korowii be la, o berɔ ŋɔ baala la ɡe be ŋɔ, “Hé teŋɛ o nɛɛ jo bwɛjen la bini, dɛ́ ka kpoo nɛra la. He bɛ bɛlbwa ɡel, he bɛ tedoma dɔ tɛ bɛlbwa.

Lewi Dea Tena 15:31

Anɔɔ hɛɛ ba ɛɛ dɛ́ ɡel Israel tena laa ba te dɛɛ kpɔ doŋa waa ta, dɛ bɛ doŋa kpɔ kah n Tɛnte Dea waa lɔ he bini la dɛ́ ba serewe.”

Emɔs 8:7

Korowii Israel tena aa dɛ tomɔ la ŋwɛɛrɔ ŋɔ, “Maa ba waa baa ɛa bɛlbwaa soh bwa.

Sekaria 11:6

Korowii ŋɔ, “Maa nɛra baa lɔ harɛ la ta bɛlbwa sumii na. Mɛɛ le bɛlbwaa tɛ o dɔŋ ne o kooro. Baa fiiɡi ba harɛ la ta nɛraa, kɛ maa ban lɛ.”

Malakae 3:17

Koranar Bwa Kooro ŋɔ, “Awola maa ɛ a ɡɛ waa nɔ la, mɛɛ kpɔ baa ɛ n bii maa dɛ nyin ba kohona. N tea ɛɛ domɛ ba nɛɛ ń lɛɛ ba, kɛŋɔ mɛɛ yon dɔ tedoma tɛ o bie waa dɛ tomɔ dɛɛ lɛo la ken.

Tɔn Pɔɔl Aa Chwerɛ Rom Tena 11:12

Israel tena wechɔɡa baa ɛa la ba wedɛɛɡa ne ba tɛ nɛwɛnyina, asɛ ba chola baa chola dɛ paŋɛ kwaa Korowii be la ɡe ba wedɛɛɡa tenten ne dɛ ba tɛ nɛra baa wola Israel tena ɛɛ. Israel tena chola la kwaraa aa ba wedɛɛɡa ne ba tɛ nɛwɛnyina nɔ, dɛ ba bwa lɛ Korowii wa aa, ɛrɛɛ aa ba doe yɔ?

Tɔn Pɔɔl Aa Chwerɛ Rom Tena 11:21

Israel tena kwaraa baa ɛ daa la tenten pera la, Korowii kɛ ba ta. He tenee dɛ ɛ deŋnekpeɡ, waa wola heyaa kɛ ta aa?

Tɔn Pɔɔl Aa Chwerɛ Rom Tena 8:32

Nɛn waa wola yaa o Bie kwaraa vɔmɛ, dɛ koh ya bwa waa kpɔɔ do nɛwɛnyina nɔn ta ba kpoo la, bɔkwaa bala waa wola tea ta dɛ́ tɛ yaa komɛlbwa dɛ ja o Bie la nɛɔ?

Mmarare 29:20

Korowii aa kpɔ kɛ ɡɛ nɛn la. Anee dɛɛ ba ɡela o baah di naate nɛɛ kohona, ásɛ taahna waa bol a waa tɔn nɔ bini la bwa dawɛ he nɛɛ ka tel kɛŋɔ waa chɔɡo le harɛ nɔ ta kwara.

Hibru 6:13

Korowii baɡɛ Abraham nyoa. Waa baɡɔ nyoa la, komɛlbwa aa wola toole dɛ ɡwaalo la, o ɡbaɡbaa o ŋwɛɛ, dɛ ŋɔ,