Ɛsekeɛl 5:10 - mzwDBL

¹⁰ A ɡɛ nomanta, mɛɛnanar ne nyare ɛɛ chwe ba bii olaa, ásɛ bii ɡe chwe ba mɛɛnanar ne nyare ola. Mɛɛ tɛr he deŋnee, ásɛ dɛ lɔ banɔ la baa ba ka la peɡre bobɛlbwa.”

Ɛsekeɛl 5:10 ပူးပေါင်းရင်းမြစ်များ

2 Koranar 6:29

N sɛoh ya daa n kon la chwe, asɛ tɔ aa pera la n la dɛ ka ŋɔ ó ɡel ya kpo o kon la chwe, asɛ o lawɔ sɔh.

Nehemia 1:8

Lii waa he fa aa do he bonɔɔ Mosis dɛ ŋɔ, ‘Dɛ he Israel tena waa ta kasinteŋ dɔe yaa, mɛɛ lɔ heyaa peɡre harɛre ta,

Yela 44:11

He ɡelɔ ba kpoo yaa kɛŋɔ peera ken, dɛ lɔ yaa peɡre harɛre ta.

Aesaya 49:26

Mɛɛ ɡeloo nɛra baa dɛ yoo heyaa la kpoo ba ɡbaɡba, dɛ́ nyɔ ba ɡbaɡba chale, dɛ́ dɛɛ kɛŋɔ baa nyɔ sen ken, ásɛ nɛwɛnyini bwa jemɛ kɛŋɔ, Men Korowii, menee he Lɛɛ, menee yawɛ he nyu, dɛ berɛ ɛ Jekɔb Kpeɡnɛn waa tomɔ la.”

Aesaya 9:20

Baa kah kondikwaa nɔndiɡ ne ɡal bwa nee dɛɛ di, kɛ baa vaɡɛ, hale dɛ́ larawe ba biirere chwe.

Jeremia 13:14

Mɛɛ laɡ baa lɔ dɔŋa, kɛŋɔ ba yon kpɔ loŋa lɔ dɔŋa a paɡre la ken. Hale mɛɛnanar ne ba bii bwa. Maa bɛlbwa sumii na, kɛɛ dɛ́ dɔ tedoma tɛ nomɛlbwa ŋɔ maa ban chɔɡ. Men Korowiirii bola.”

Jeremia 19:9

Ba dɔma ɛɛ ba bar bwɛjen laanee dɛɛ nyin dɛ́ kpo o bini nɛra. Kwaa baa ma dɛ́ che a ta jo ba be ɛɛ do ɔmaa kohona, a ɡel lɔr chole o nɛra nɛ, ásɛ ba kpoo dɔŋa dɛɛ chwe, hale ba bibaala ne bihaahna bwa.’ ”

Jeremia 44:12

Kɛ Juda tena baa kaa dɛɛ nyin kɛ ba ka so Ijipt harɛ ta la te, mɛɛ chɔɡ ba bwaa. Nomonome ne bechale bwaa dɛɛ ba laa kɛɛ lɔr ta sewa Ijipt harɛ ta. Nɛra ɛɛ nao ba bambile teŋe, dɛ yerɛ ba sɔn dɛɛ taah ba, dɛɛ nyiŋi ba nyubaah.

Jeremia 49:32

Baa lawɛ ba nyoɡmare ne kondɛɛra aa wara kɛŋɔ laa ta kwaa kaa. Mɛɛ lɔ nɛra baa lɔ bojaŋa laanee peɡre, dɛ́ kpɔ wenaale ba ta ba nɛɛ le harɛ nɔ ta bobɛlbwa.

Jeremia 49:36

Mɛɛ ɡeloo dɔma le harɛ nɔ ta bobɛlbwa dɛ́ ba yo Elam tena laa, dɛ́ lɔ ba peɡre bobɛlbwa, harɛ bɛlbwa aa ka baa wola belaa do.

Jeremia 50:17

Israel tena do kɛŋɔ kondɛɛra nyujentena aa chwaa teŋɛ a nɛɛ a peɡre ken. Asiiria koojen do kɛ nyujente dɛ lawɛ Israel tena, asɛ naate waa ka mun paɡre Israel tena hoɡa laanee Babelɔn Kooro Nebukadnesa.”

Jeremia 9:16

Mɛɛ lɔ baa peɡre harɛre ba ɡbabir kɛɛ ba naawa aa wola an jemɛ ta. Dɛ ɡel laa tena ti ba ka tel kɛŋɔ baa kpoo ba bwa kwaraa.’ ”

Wiile 2:20

N Naa Korowii, nyiŋi na. Umee he ɛ ken bwa nɔ? A chɛ kɛ haahna chwe ba bii baa dɛ nyin ba ola aa? A chɛ kɛ bá kpoo sɔfore ne Korowii keamere he Dea la bini naa?

Wiile 4:10

Wenaale aa chiɡ n nɛra nɛɛ nɔ, a ba wedoŋa kohona ne taeh, hale haahna baa dɔ tedoma tɛ ba bii daa ba ola chwe.

Wiile 4:16

Korowii ɡbabirii lɔ ba peɡre, o laa sie kpɔ ba nɛ. Nɛra aa sɔfore duu, baa nomonome ɡe kpɔe dɛɛ ɛ wobɛlbwa.

Wiile 4:3

Kalampoŋa ɡba jemɛ ɡɛ waa ɔr o bie dɛ́ nyiŋi o nɛɛ ó kpeɡ. Kɛ n nɛra Jerusalam tena nyu bini kpeɡri ba bii nɛɛ, kɛŋɔ taataa ken.

Ɛsekeɛl 12:14

Mɛɛ lɔ o nomonome ne o laa tena bwaa peɡre bobɛlbwa, ásɛ dɛ ɡel nɛra teŋɛ ba nɛɛ dɛ́ kpoo ba.

Ɛsekeɛl 12:15

Dɛ n laɡ ba kaa harɛfala ta dɛ lɔ ba peɡre harɛre ta naa, a taa baa ba jema kɛŋɔ menee Korowii.

Ɛsekeɛl 17:21

Baa kpoo o laa tena baa chwaa dɛɛ kaa bwa laa taa, ba bini banɔ la baa ka la peɡre kaa bobɛlbwa. Asɛ he jemɛ kɛŋɔ men Korowiirii bola.”

Ɛsekeɛl 20:23

N berɔ ir nɔn, dɛ ŋwɛɛ baɡ ba pua hɛŋle ɡbo harɛ ta bela kɛŋɔ, mɛɛ lɔ baa peɡre harɛ nɔ ta bwa,

Ɛsekeɛl 22:15

Mɛɛ lɔ baa peɡre harɛre ne bwɛɛre ta, ásɛ dɛ ɡel ba wechɔɡa bwa ba a jaɡa.

Ɛsekeɛl 36:19

N lɔ ba peɡre harɛre ane ta, ba do harɛre ta bobɛlbwa, asɛ n pa ba bolchɔɡe ba we-ɛɛla la wa.

Ɛsekeɛl 5:12

He bɔne he bini bɔre batoro naa, weechɔɡa kɛɛ lɔree dɛ́ kpoo bɔrbeŋkpoŋ nɛra bwɛjen la bini. Baa kpɔ tokobii kpoo bɔrbeŋkpoŋ nɛra ɡe bwɛɛ la dahare, ásɛ bɔrbeŋkpoŋ nɛra baa kaa la ɡe, n lɔ ba peɡre, dɛ́ ti ba n tokobi ne.

Ɛsekeɛl 5:2

Fuh bɔre atoro la bini bɔrbeŋkpoŋ bwɛjen haa ɛo la bini saŋ haa tɔɔ do a ba a jaɡa la. Kpɔ tokobi teŋni bɔrbeŋkpoŋ bini bar bwɛjen la bini, dɛ́ kpɔ bɔrbeŋkpoŋ la aa kaa la ɡe ta, ásɛ peu kpɔa kaa, dɛkalkɛ tokobi nee mɛɛ ba ba kpoora.

Ɛsekeɛl 6:8

Wɛɛ ɡeloo he bini bane dɔ he nyu, bá lawɛ heyaa peɡre kaa harɛre ta.

Daneɛl 9:7

N Naa Korowii, he waa toɡrɔ, ya di sihiih fini. Juda ne Jerusalam tena, ne Israel tena haa lɔ yaa peɡre harɛre aa lɔ bojaŋa ne anɔ la aa bɛna ta bwa, dɛkalkɛ ya waa ta kasinteŋ dɔe tɛɛ.

Lewi Dea Tena 26:29

Lɔr la nomanta, hɛɛ chwe he bibaala ne he bihaahna olaa.

Lewi Dea Tena 26:33

Kɛ he te, mɛɛ ɡeloo he peɡre, dɛ́ ka so nɛra bane harɛre ta. Laa nee mɛɛ ba heyaa doŋa, ásɛ dɛ paɡre he bwɛjena a berɛ dimɡbeeni.

Emɔs 9:9

Mɛɛ bol waa ásɛ dɛ yiiɡi Israel tena harɛre nɛra bwa bini, kɛŋɔ baa dɛ ɡboo boyu beŋkpoŋ ɡba aa wola harɛ le la.

Sekaria 2:6

Korowii berɔ ŋɔ o nɛra be ŋɔ, “Hé ba warane. Hé chwa le weekaŋle nyunduabɔr harɛ la ta ba, dɛkalkɛ menee lɔ heyaa peɡre harɛ nɔ ta bobɛlbwa. Men Korowiirii bola.

Sekaria 7:14

N lɔ ba peɡre harɛfala ta kɛŋɔ kawulewule aa lɔ haahra dɛɛ peɡre la ken, bela ba fa aa kaa ɛ hɔɔhra la. Harɛdɛɛɡe la chɔ pɛɛ, nomɛlbwa toole o ta.”

Amanesoma Luk Aa Chwera Tɔn 21:24

Baa kpɔ kerii kpoo bane, ásɛ dɛ larawe bane dɛ́ kpɔ ba kaa harɛ nɔ ta bobɛlbwa, ásɛ nɛra baa wola Juu tena ɛɛ ɛ Jerusalam bwa posaposa ken ka tel kɛŋɔ ba ɡe saŋ aa ba kaa.

Mmarare 28:64

Wɛɛ lɔ heyaa peɡre harɛre ta bobɛlbwa kaa o jaɡa, ásɛ he kaa tomɛ kwaa baa kpɔ daa ne bwea ɛa. Voɡa he ne he naawa aa wola an jemɛ bwa.

Mmarare 32:26

N fe ŋɔ mɛɛ lɔ he bwaa peɡre, ásɛ nomɛlbwa bɛ he waa lii kpa.

Mmarare 4:27

Korowii dɛ́ ba heyaa lɔe peɡre ja harɛre ta, he bini tama banee dɛ́ ba ka.