Ɛsekeɛl 48:9 - mzwDBL

⁹ Harɛ la pera waa kora he le cheɡ mɛ la chɛ kɛ o jaŋne ɛ naɡale kaɡboŋa fifraatoro dɛ anuanɛ lafraanue, o paɡri ɡe ɛ naɡale kaɡboŋa fi dɛ anue.

Ɛsekeɛl 48:9 ပူးပေါင်းရင်းမြစ်များ

Ɛsekeɛl 45:1

Korowii ŋɔ, “He dɛ ba harɛ la bɔna tɛ Israel dea bɛlbwa ó ɛ o kapɛrɛ kon aa, a chɛ kɛ he le o pera cheɡ tɛ men Korowii, ó ɛ bɔr waa do ɡoroŋ. O jaŋne ɛ naɡale kaɡboŋa fifraatoro dɛ anuanɛ lafraanue, asɛ o paɡri ɡe ɛ naɡale kaɡboŋa fifraatoro. Bela bɔr la bwa ɛɛ do ɡoroŋee.

Ɛsekeɛl 48:8

Harɛ o ne Juda dea tena kon aa do jwɛh, dɛ́ le wee leebɔr ba kaa wee cholibɔr la, bá le cheɡ mɛ o korɛ. O paɡri ɛ naɡale kaɡboŋa fifraatoro dɛ anuanɛ lafraanue, o jaŋne dɛ le o wee leebɔr teŋe ba kaa wee cholibɔr pera ɡe do kɛŋɔ deene la kwaa baa dɔa la dɔŋa, ásɛ n Dea la che o baah ta.

Ɛsekeɛl 48:10

Belaa dɛ́ ɛ bɔr waa do ɡoroŋ dɛ tɛ sɔfore. O weekaŋle nyunduabɔr jaŋne ɛ naɡale kaɡboŋa fifraatoro dɛ anuanɛ lafraanue, wee cholibɔr paɡri ɛ naɡale kaɡboŋa fi dɛ anue. O wee leebɔr paɡri ɡe ɛ naɡale kaɡboŋa fi dɛ anue, ásɛ o weekaŋle harɛbɔr pera jaŋne ɛ naɡale kaɡboŋa fifraatoro dɛ anuanɛ lafraanue. O baah taa chɛ kɛ n Dea la che.

Josua 21:2

dɛ ka ŋɔ, “Korowii cheɡɛ Mosis nɛɛ dɛ ŋɔ hé tɛ yaa bwɛjena ya so, ne bɔra ya kondɛɛra aa dɛɛ di.” Gɛ saŋee Israel tena la bwa baŋre ba tɛnte deene, dɛ ta so Silo waa lɔ Keenan harɛ ta bela la.

Ɛsekeɛl 44:28

Menee dɛ́ tɛ sɔfore la komɛlbwa baa dɛ nyin. He bɛ ban Israel harɛ la pera tɛ. Menee ba kondɔɔh.