Ɛsekeɛl 48:28 - mzwDBL

²⁸ Gad dea tena harɛ ɛɛ le weekaŋle harɛbɔr jwɛh taa dɛ́ le Taama, dɛ́ ba neerare aa lɔ Mɛreba Kades, dɛ́ kpoŋe kaa nenabɔɔ waa lɔ Ijipt harɛ jwɛh ta, dɛ́ kaa Mɛdetereenea Mpo ta.

Ɛsekeɛl 48:28 ပူးပေါင်းရင်းမြစ်များ

Mumpar 14:7

Ba berɔ laa berɛ dɛ yo ba Kades, o sɔn bɛl ɡee Ɛn Mispat. Ba yoo dɛ lɛ Amalɛk tena harɛ bwa, asɛ dɛ pɔ Amɔre tena baa soɡe Hasasɔn Taama la ɡe nɛ.

Mumpar 15:18

Awolaa Korowii ne Abram fɔwɛ fɔo. Asɛ Korowii ŋɔ o be ŋɔ, “He naanaree n kpɔ a ɡɛ harɛ nɔ dɛɛ tɛ. O le Ijipt harɛ jwɛh ta dɛ ba Yufretis Moo ta.

2 Webena 20:2

Asɛ nɛra bane ba ŋɔ Kooro Jehosafat be ŋɔ, “Laa tena damanta le Edom harɛ Yar Mpo baŋ le dɛɛ ba dɛ́ ba yoi. Ba tel Hasasɔn Taama.”

Yela 106:32

Ba ɡelɔ hen Korowii baah di ba nɛɛ bule waa lɔ Mɛreba la ta, a kpɔ sibeɡra ta Mosis nɛ.

Aesaya 27:12

Awola tɔpere la, Korowii ɛɛ boa o nɛra nyoa le Yufretis Moo, dɛ kaa Ijipt harɛ jwɛh ta, dɛ lɔɔ ba kɛŋɔ mea ken, dɛ́ tɔɔ Israel tena beŋkpoŋa beŋkpoŋa pɛ.

Ɛsekeɛl 47:10

Nɛra baa dɛ ɛ pɛŋa toma ɛɛ ba che o nyoaa, dɛ́ le Ɛn Gedi dɛ́ nyenɛ ba asauri ba Ɛn Eɡlaim. Pɛŋa bwa soo siwii dɛɛ ba o ta doe kɛŋɔ Mɛdetereenea Mpo pɛŋa ken.

Ɛsekeɛl 47:15

Kenii harɛ la jwɛh ɛɛ ba doe. O weekaŋle nyunduabɔr jwɛh la, le Mɛdetereenea Mpo ta, dɛ́ kpɔ bwɛjen Hɛtlɔn ŋwɛnɛ ta, dɛ́ ɡale kaa bela baa cheɡa dɛɛ kaa bwɛjen Hamat, dɛ́ kaa Sedad,

Nɛra Kura 20:1

Israel tena la bwa tel Sin pua hɛŋle ɡbo harɛ korobiloɡle ta, dɛ bwa baŋre ba tɛnte deene dɛ so Kades. Belaa Miriam sewɛ ba huɡo.

Nɛra Kura 20:13

Ba pa bela sɔn Mɛreba, dɛkalkɛ belaa Israel tena naɡre Korowii wa, asɛ o baɡ ba kɛŋɔ o do ɡoroŋ.

Nɛra Kura 34:5

Belaa wɛɛ ba ɡola le Asmɔn dɛ́ kaa Ijipt Fɛlembɔjen jwɛh ta, dɛ́ ka jaɡɛ Mɛdetereenea Mpo ta.

Josua 13:3

dɛ kpɔ le Sehɔ Moo waa lɔ Ijipt wee leebɔr, dɛ ka tel Ekron tena jwɛh ta weekaŋle nyundua, a bwa lɔ Keenan harɛ ta. Dɛ Filisti tena koranar banue soɡe bwɛjena Gasa ne Asdɔd ne Askɛlɔn ne Gat dɛ Ekron, dɛ Avi tena ɡe harɛ.