Ɛsekeɛl 48:21 - mzwDBL

²¹ Komɛlbwa waa ka baŋ bɛlbwa ta n Dea la ne bwɛjen la bɔr la ta bwa ɛ kooro la kwa. Le bela dɛ́ kaa wee leebɔr ɛ naɡale kaɡboŋa fifraatoro dɛ anuanɛ lafraanue, dɛ́ teŋe ba kaa wee cholibɔr jwɛh ta, naɡale kaɡboŋa fifraatoro dɛ anuanɛ lafraanue dɛ́ kaa wee cholibɔr jwɛh la ta. Gɛ bɔra anɛ nɔ bwa ɛ́ kooro la kwa, ásɛ n Dea la che baah ta.

Ɛsekeɛl 48:21 ပူးပေါင်းရင်းမြစ်များ

Ɛsekeɛl 37:24

Kooro waa do kɛ n bonɔɔ Kooro Devid la, onee dɛ́ ɛ ba kooro, dɛ́ do kɛ peteɡre beŋkpoŋ dɛɛ nyiŋi ba nɛ. Baa teŋɛ me Mmarare ne waa maa kpɔa tɛɛ ba taa kasinteŋ ne.

Ɛsekeɛl 48:10

Belaa dɛ́ ɛ bɔr waa do ɡoroŋ dɛ tɛ sɔfore. O weekaŋle nyunduabɔr jaŋne ɛ naɡale kaɡboŋa fifraatoro dɛ anuanɛ lafraanue, wee cholibɔr paɡri ɛ naɡale kaɡboŋa fi dɛ anue. O wee leebɔr paɡri ɡe ɛ naɡale kaɡboŋa fi dɛ anue, ásɛ o weekaŋle harɛbɔr pera jaŋne ɛ naɡale kaɡboŋa fifraatoro dɛ anuanɛ lafraanue. O baah taa chɛ kɛ n Dea la che.

Ɛsekeɛl 48:20

Harɛ la bwa ɛ fɔɔskwɛɛ. Naɡale kaɡboŋa fifraatoro dɛ anuanɛ lafraanue baŋ bɛlbwa ta. A chɛ kɛ bá le n Dea la harɛ ó korɛ ja bwɛjen la kon ta.

Ɛsekeɛl 48:22

Gɛɛ Lewi dea tena harɛ ne bwɛjen la harɛ la ɛɛ ba baah ta chɔe, dɛ́ do kooro la kon la baah ta. Bɔr waa ɛ kooro la kon la ɛɛ chɔ jwɛh waa lɔ Juda ne Bɛnjamen deene jwɛh la baah taa.

Ɛsekeɛl 48:8

Harɛ o ne Juda dea tena kon aa do jwɛh, dɛ́ le wee leebɔr ba kaa wee cholibɔr la, bá le cheɡ mɛ o korɛ. O paɡri ɛ naɡale kaɡboŋa fifraatoro dɛ anuanɛ lafraanue, o jaŋne dɛ le o wee leebɔr teŋe ba kaa wee cholibɔr pera ɡe do kɛŋɔ deene la kwaa baa dɔa la dɔŋa, ásɛ n Dea la che o baah ta.

Hosia 1:11

Juda ne Israel tena ɛɛ berɔ pɛ, ásɛ dɛ le nɛmbeŋkpoŋ ó ɛ ba sitɔɔ. Ba harɛ la ɛɛ do werii ba dɔ ba te, awola ɛɛ ɛ tɔpejenii tɛ Jesreel tena.