Ɛsekeɛl 48:13 - mzwDBL

¹³ Sɔfore harɛ jwɛh ta bela la, Lewi dea tena la ɛɛ dɔ harɛ o jaŋne aa ɛ naɡale kaɡboŋa fifraatoro dɛ anuanɛ lafraanuee, o paɡri ɛ naɡale kaɡboŋa fi dɛ anue.

Ɛsekeɛl 48:13 ပူးပေါင်းရင်းမြစ်များ

Amanesoma Luk Aa Chwera Tɔn 10:7

Hé so a ɡɛ dem la ta, dɛɛ di ba kondikwaa baa dɛ di dɛ tɛ heyaa la ane, dɛkalkɛŋɔ tom-ɛɛ kembɔr chɛo. A ɡɛ dem la te habɔɔ, he bɛ le ka so dem bɛlbwa ta kpa.

Ɛsekeɛl 45:5

Harɛ la pera naɡale kaɡboŋa fifraanuanɛ dɛ anuanɛ lafraanue waa ɛ o jaŋne, ne naɡale kaɡboŋa fi dɛ anue waa ɛ o paɡri la chɛ kɛ o ɛ Lewi dea tena baa dɛ ɛ toma n Dea la kon. Ásɛ ba vɔrɔwe bwɛɛre o kar la ta.

Ɛsekeɛl 45:3

Bɔne harɛ la bini, dɛ maɡɛ bɔr o jaŋne aa ɛ naɡale kaɡboŋa fifraatoro dɛ anuanɛ lafraanue, ásɛ o paɡri ɡe ɛ naɡale kaɡboŋa fi dɛ anue. Belaa n Dea waa ɛ Boɡoroŋ Tenten la ɛɛ ba cheɡa.

Mmarare 12:19

Hé nyiŋi kɛrɛdɛ dɛ bɛ Lewi dea tena la ba ta he soɡa bini bwa harɛ la ta.

Ɛsekeɛl 48:12

A ɡɛ harɛ laanee dɛ́ ɛ ba dibɔr maa kpɔa tɛɛ ba ó korɛ le harɛ la ta. O ɛ harɛ waa do ɡoroŋ kohona dɛ do ba ne Lewi dea tena jwɛh ta.

Ɛsekeɛl 48:14

A ta chɛ kɛ bá yoɡ harɛ la kɛɛ bá kpɔ charɛ komɛl. Harɛ la pera waa dena do ɡoroŋ dɛ do wer ɡwaa a bwa laanee. A ta chɛ kɛ ó kaa nɛnfala be, dɛkalkɛ o do ɡoroŋ dɛ tɛ men Korowii.

Kaala 23:19

Hé kpɔ he koo kondikonloɡla ba men Korowii haa dɛ tom mɛ la Dea. He bɛ bombie daa o nya elnee ne.

Lewi Dea Tena 25:34

Kondɛɛra dibɔra aa bar Lewi dea tena bwɛɛre dahare la ta chɛ kɛ ba yoɡa. A ɛ ba kondɔɔh aa wola chɛɛ kɛŋɔ a le ba nɔn ta saŋ bɛlbwa bwa.