Ɛsekeɛl 47:8 - mzwDBL

⁸ Baa la ŋɔ n be ŋɔ, “Gɛ moo nɔ palɔ kpɔ wee leebɔr harɛ ta dɛ wili jo Jɔɔdan Felembɔjen ta, dɛ ka jo Yar Mpo ta. O palɔ ka jo mpo la ta naa, mpo nee la dɛ́ do wer.

Ɛsekeɛl 47:8 ပူးပေါင်းရင်းမြစ်များ

Kaala 15:25

Ate, Mosis wi no Korowii asɛ o baɡlo daa bɛl. O kpɔ ta nee la ta nee la do som ba bwa nyɔ. Bela la, Korowii do Mmarare tɛɛ ba asɛ dɛ kpɔ daah ba na.

Aesaya 35:1

Silɛɛ ɛɛ ba pua hɛŋle ɡbo harɛ taa, hɛɡra ba harɛ komɛlbwa aa wola o ta ɛ ta, ásɛ kwaa le o ta dɛ́ fe.

Aesaya 35:6

Ásɛ boobie ir che, dɛɛ jah kɛŋɔ kweɡli ken, amumure ɡe ɡo yela silɛɛ ne. Nee ɛɛ pili pua hɛŋle ɡbo harɛ taa, ásɛ nenabɔɔne chɔ harɛ waa hola ta dɛɛ palɛ.

Aesaya 35:7

Bela wee aa lɔa o hol la ɛɛ berɛ tamee, ásɛ bela nee fa aa wola toole pili ne. Bela kalampoŋare fa aa lole la ɛɛ berɛ kataŋaa, o berɛ moɡɛ kpɔɡa ne pul.

Aesaya 43:20

Kpɔɡ bini ola ɛɛ duu mɛɛ, kalampoŋare ne kwiure ɛɛ duu mɛɛ, nee maa tɛa pua hɛŋle ɡbo harɛ ta la wa. Anee mɛɛ ba n nɛra maa lee ba tɛ n te la tɛɛ bá nyɔ,

Aesaya 49:9

Mɛɛ ŋɔ nɛra baa do ba deene bee ŋɔ, ‘Hé le kaa!’ dɛ́ ŋɔ banɔ la baa lɔ biro ta ɡe be ŋɔ, ‘Hé le ba bɔchaah ta.’ Baa ɛo kɛŋɔ peera aa dɛ di deŋɡarere ta ken,

Jeremia 31:9

Baa ba wii nee, dɛɛ soŋe men Korowii, ɡɛ saŋ maa laɡ ba dɛɛ ba. Mɛɛ laɡ baa kpɔ nenabɔɔne nyoo, harɛ waa chɔa kaa, baa wola naa lɔ o ta, dɛkalkɛ n ɛ Israel tena mɛɛ, Efrem ɡe ɛ n bibanloɡle.”

Malakae 1:11

Harɛre nɛra ɛɛ duu mɛ kohonaa, le wee leebɔr ba kaa wee cholibɔr. Baa fuh daawiile a sɔɔh aa somaa, dɛ́ kpɔ saraha kwaa aa wera le harɛ bɛlbwa ta ba, dɛ́ kpɔ dɛɛ duu mɛ.

Matiu 13:15

dɛkalkɛ ba bambile kpeɡri, ba kpɔ nɔɔra tɔɔɡe deŋna, dɛ tɔɔɡe ba sibie ɡe. A waa laa aa, ba sie fe ɛɛ nao, ásɛ ba deŋna no, ásɛ ba jemɛ a mun, dɛ́ charɛ ba liire, ásɛ n lɛɛ ba.’

Mmarare 3:17

Le wee cholibɔr ɡe, ba bɔr kaa Jɔɔdan Moo ta, dɛ le Galilia Moo weekaŋle nyunduabɔr dɛ kpoŋe kaa Yar Mpo weekaŋle harɛbɔr, dɛ kpɔ ka jaɡɛ Pesɡa Bwejen wee leebɔr.

Mmarare 4:49

ne harɛ waa chɔ Jɔɔdan Moo baŋ wee leebɔr bwa ka tel weekaŋle harɛbɔr Yar Mpo ta dɛ kaa Pesɡa Bwejen la lɔɡa.

Josua 3:16

o nyunduabɔr la tenɛ chɔ kaa kɛŋɔ baa teŋo bio ken. O chɔɔ kaa bojaŋ bwɛjen bɛl baa dɛ yerɔ Adam, o bɛne Saretan. O harɛbɔr pera waa kaa su Yar Mpo ta la hweehrɔ kwaraa, asɛ ba den kpɔ bela ɛɡɛ le, bela ne bwɛjen Jeriko sie chaɡɛ dɔŋa.