Ɛsekeɛl 47:22 - mzwDBL

²² Hé bɔna á ɛ kapɛrɛ tɛ he ne nɛŋhɔɔhra baa soɡe he bini dɛ dɔ bii la. Hé kpɔ ba kɛŋɔ bwɛɛlembii baa lol ba Israel harɛ ta, he ne ba bwaa dɛ́ pɛ dɔ kapɛrɛ Israel harɛ deene bini.

Ɛsekeɛl 47:22 ပူးပေါင်းရင်းမြစ်များ

Aesaya 14:1

Korowii ɛɛ dɔ tedomaa tɛ Israel tena, wɛɛ berɔ lee ba tɛ o te ja, dɛ́ kpɔ ba ba so ba ɡbaɡba harɛ ta. Hɔɔhra ɛɛ ba ja ba nɛɛ ba ne ba pɛ so.

Ɛsekeɛl 45:1

Korowii ŋɔ, “He dɛ ba harɛ la bɔna tɛ Israel dea bɛlbwa ó ɛ o kapɛrɛ kon aa, a chɛ kɛ he le o pera cheɡ tɛ men Korowii, ó ɛ bɔr waa do ɡoroŋ. O jaŋne ɛ naɡale kaɡboŋa fifraatoro dɛ anuanɛ lafraanue, asɛ o paɡri ɡe ɛ naɡale kaɡboŋa fifraatoro. Bela bɔr la bwa ɛɛ do ɡoroŋee.

Ɛsekeɛl 47:21

A chɛ kɛ he bɔne harɛ nɔ tɛ dɔŋa Israel denaa ta.

Ɛsekeɛl 47:23

Dea bɛlbwa hɔɔhra aa ba so o ta la, belaa chɛ kɛŋɔ hé tɛo o kapɛrɛ. Men Nemenɛ Korowiirii bola.”

Ɛsekeɛl 48:29

Gɛɛ harɛ baa dɛ ba bɔna tɛ Israel deene á ɛ ba kapɛrɛ kwaa la waa do, ásɛ bɛlbwa dɔ o kon. Men Nemenɛ Korowiirii bola.”

Lewi Dea Tena 19:34

Hɛ́ɛ ɛɛ ba kɛŋɔ he bala Israel tena, dɛ́ɛ nyin ba wa kɛŋɔ he ɡbaɡba. He na kɛŋɔ he ɡbabir fa ɛ hɔɔhra Ijipt harɛ ta ka. Menee Korowii haa dɛ tom mɛ la.

We-ɛɛla 11:18

Baa no ɡɛ la, ba nyoa sɔɔhnɔ, asɛ ba jam Korowii dɛ ŋɔ, “Amɔ te Korowiirii tɛ nɛra baa wola Juu tena ɛɛ la ɡe ŋwɛnɛ, ásɛ ba charɛ ba liire, dɛ́ le ba wechɔɡa ta, dɛ́ dɔ ba nyu!”

We-ɛɛla 15:9

O ta baɡlɛ kɛŋɔ ba korɔ ya korɛ. Baa yarada Yeesu waa la waa Korowii laa ba wechɔɡa kpɔ ba nɛ.

Tɔn Pɔɔl Aa Chwerɛ Rom Tena 10:12

Juu tena ne nɛra baa wola Juu tena ɛɛ la, ba bwa kɛrɛdɛ Korowii be. Komɛlbwa Dɔɔree Korowii. Nomɛlbwa waa wia dɛɛ yerɔ la, o dɛ chao kohona.

Ɛfesos 3:6

dɛ ɡel ba jemɛ kɛŋɔ pɛɛ banɔ la baa wola Juu tena ɛɛ la ne Yeesu aa pɛa la ne Amanesoma la baa noa la nomanta, ba ja Juu tena nɛɛ dɛ ɛ Korowii kwa, dɛ bwa ja Yeesu Kristo nɛ, dɛ bwa pɛ dɛɛ di Korowii nyobaɡa la ɡe tɔnɔ.

Mmarare 10:19

Anomanta, hé ɡe nyin hɔɔhra wa, dɛkalkɛŋɔ he ɡe fa ɛ hɔɔhra Ijipt harɛ ta ka.

Kolosi 3:11

Anomanta, nɛra Korowii aa ɡela ba do ɡɛ dofale nɔ la, ba ta dɔe kɛ ba peɡri dɔŋa bini kpa kɛŋɔ onɔ ɛ Juu te kɛɛ onɔ nɔ ta Juu te ɛɛ nɔ. Nɛra bini peɡra toole kpa, kɛŋɔ onɔ teŋe o pen, kɛɛ onɔ nɔ ta o pen teŋe nɔ. Hɔɔh kɛɛ daamun te kɛɛ yom kɛɛ nɛn waa dɔ o te toole kpa, ba bwa ɛ beŋkpoŋ. Yeesu Kristo ɡbo waa hiah o nɛra.