Ɛsekeɛl 47:21 - mzwDBL

²¹ A chɛ kɛ he bɔne harɛ nɔ tɛ dɔŋa Israel denaa ta.

Ɛsekeɛl 47:21 ပူးပေါင်းရင်းမြစ်များ

Ɛsekeɛl 45:1

Korowii ŋɔ, “He dɛ ba harɛ la bɔna tɛ Israel dea bɛlbwa ó ɛ o kapɛrɛ kon aa, a chɛ kɛ he le o pera cheɡ tɛ men Korowii, ó ɛ bɔr waa do ɡoroŋ. O jaŋne ɛ naɡale kaɡboŋa fifraatoro dɛ anuanɛ lafraanue, asɛ o paɡri ɡe ɛ naɡale kaɡboŋa fifraatoro. Bela bɔr la bwa ɛɛ do ɡoroŋee.

Ɛsekeɛl 47:20

O wee cholibɔr jwɛh la, Mɛdetereenea Mpo laanee dɛ́ ɛ jwɛh, dɛ́ kaa bobɛl o ne bela baa cheɡa dɛɛ kaa bwɛjen Hamat sie aa chaɡɛ dɔŋa. Wee cholibɔr jwɛh laanee la.

Ɛsekeɛl 47:22

Hé bɔna á ɛ kapɛrɛ tɛ he ne nɛŋhɔɔhra baa soɡe he bini dɛ dɔ bii la. Hé kpɔ ba kɛŋɔ bwɛɛlembii baa lol ba Israel harɛ ta, he ne ba bwaa dɛ́ pɛ dɔ kapɛrɛ Israel harɛ deene bini.

Ɛsekeɛl 48:29

Gɛɛ harɛ baa dɛ ba bɔna tɛ Israel deene á ɛ ba kapɛrɛ kwaa la waa do, ásɛ bɛlbwa dɔ o kon. Men Nemenɛ Korowiirii bola.”