Ɛsekeɛl 47:11 - mzwDBL

¹¹ Kɛ o nyoo aa do kɛ chɛɡbɔra la nee la te aa won do wer, aa chɔɔ bá dɔ yar dɛɛ le a ta.

Ɛsekeɛl 47:11 ပူးပေါင်းရင်းမြစ်များ

Yela 107:34

dɛ ɡel harɛ waa wera berɛ harɛ komɛlbwa aa wola won do wer o ta, nyubinikpeɡ tena ba fa aa soɡe bela la wa.

Jeremia 17:6

Naate ɛɛ doo kɛŋɔ dajeɡa waa cheɡɛ pua hɛŋle ɡbo harɛ ta. Wobɛlbwa aa werii do tɛo. Harɛ waa hola dɛ peɡri, nomɛlbwa aa wola won so o ta, komɛlbwa ɡe aa wola won kpeɡ o ta la, o taa wɛɛ ba cheɡa.

Ɛsekeɛl 47:12

Daa aa dɛ nɔnɛ bwa soo siwi ɛɛ le nee la nyoa baŋ bɛlbwa taa. A papooni aa hola ba, aa nɔnaa ɡel. Korobie bɛlbwa taa aa ba nɔna, dɛkalkɛ nee le Korowii Dea bela palɛ dɛɛ ba bela. A nɔna la ɛɛ ɛ kondikwaa, ásɛ ba kpɔ a papooni ɡe dɛɛ chah weela.”

Mmarare 29:23

He harɛ ɛɛ chɔɡoo komɛlbwa aa wola won le o ta. Jebɔrɔwe ne yaree dɛɛ ba chura ta o ta. Haa won du komɛlbwa, kpɔɡa kwaraa aa won le o ta. Ásɛ he harɛ la do kɛŋɔ Sodom ne Gomoora ne Adma dɛ Seboiim, Korowii aa kpɔ bandia chɔɡa la.

Wepila 21:8

Kɛ ɔmeera ne nɛra baa wola men yarada, ne nɛra baa dɛ ɛ waa maa kia, ne nɛra baa dɛ kpoo nɛra, ne nɛra baa dɛ bɔ jwamane, ne nɛra baa dɛ ɛ bebeewa, ne voɡtoroma dɛ nyosonteŋna. Ba bwa bɔree nii ne jebɔrɔwe aa yɛɛra chɔ kɛŋɔ moo dɛɛ fuh la ta. Anee seo nɛɛtena la.”

Wepila 22:11

Nomɛlbwa waa dɛ ɛ wechɔɡa la, ó te ɛ dɛɛ la. Nomɛlbwa waa dɛ ɛ wedoŋa la, ó te ɛ dɛɛ la. Nomɛlbwa waa dɛ ɛ wedɛɛɡa la, wɛ́ɛ ɛ o wedɛɛɡa, ásɛ nomɛlbwa ɡe wa aa toɡra la teŋɛ dɛ́ do ɡɛ dɛɛ la.”

Sitɔɔla 9:45

Awola tɔpere la bwa, Abemɛlɛk yo bwɛjen la tena, ka tel kɛŋɔ waa kpoo ba bwa. O paɡre bwɛjen la dɛ kpɔ yar merɛ o ta.