Ɛsekeɛl 46:9 - mzwDBL

⁹ Harɛ la ta nɛra dɛ ba n sie dɛ ba tomɛ tɔpejena baa lea cheɡ la ta naa, nomɛlbwa waa cheɡɛ weekaŋle nyunduabɔr doonyoa la ta jo dɛ ba tom mɛ la, ó ka che o weekaŋle harɛbɔr doonyoa la ta le. Bɛlbwa ɡe waa che weekaŋle harɛbɔr doonyoa ta dɛ́ jo la, ó che o weekaŋle nyundua doonyoa la ta le. Bela bɛlbwa aa che dɛ́ jo la, ó che baŋ bɛl le.

Ɛsekeɛl 46:9 ပူးပေါင်းရင်းမြစ်များ

Mmarare 16:16

Benanyoa bɛlbwa, a chɛ kɛŋɔ baa bɛlbwa la bela Korowii aa lea tɛ heyaa ŋɔ hɛɛ tomɔ la, dɛ́ ka tomɔ kera atoro. Paanoo Iisi Aa Wola Toole a ta Tɔpejen la ne Koo Kondikwaa Koma Tɔpejen ne Kukure Tɔpejen la ta. Nomɛlbwa bɛ nɔŋɡbayeeɡa ne bela la,

Yela 84:7

Ba dɔ bokpeɡa saŋ bɛlbwa dɛɛ la, ka tel kɛ baa na Korowii o kpeɡri aa ɡwaa voɡa bwa, Saayɔn Bwejen doa la.

Kaala 34:23

Kera atoroo chɛ kɛ baa bɛlbwa ba n sie benanyoa bɛlbwa men Nemenɛ Korowii Israel tena aa dɛ tom mɛ la sie.

Hibru 10:38

Nɛn o wa aa toɡra dɛ su n siwi la te la, wɛɛ yarada mɛɛ dɛ́ dɔ mkpa. Kɛ dɛ o le habɔɔ te naa, n sie aa o nɛɛ lɛɛ ba.”

Malakae 4:4

Hé lii Mmarare ne webaɡla maa cheɡɛ n bonɔɔ Mosis nɛɛ dɛ kpɔ tɛ he Israel tena bwa ŋɔ hɛɛ teŋɛ a ta Sinai Bwejen ta la.

Ɛsekeɛl 1:17

Bobɛlbwa hweera kwaa la aa dɛ kaa la, kaalaa aa kaa, saaker nakpale la aa menɛ dɛɛ kaa bobɛlbwa.

Ɛsekeɛl 1:12

Bobɛlbwa Korowii Doma la aa dɛ kaa ane la, kaalaa aa kaa, aa sie berɛ.

Ɛsekeɛl 8:14

Korowii berɔ laɡ mɛ ba o Dea la weekaŋle nyunduabɔr doonyoa la ta, asɛ n na haahna bane baa soɡa dɛɛ wi ba voɡ bɛl baa dɛ yerɔ Taamus la seo.

Ɛsekeɛl 40:24

Baa la kpɔ mɛ kaa weekaŋle harɛbɔr pera, asɛ n na doonyoa bɛl o sie aa chaɡɛ weekaŋle harɛbɔr. O maɡɛ doonyoa daa la ne bela baa cheɡa dɛɛ jo la, a bwa ne anɔ la maɡa ɛ kɛrɛdɛ.

Maeka 6:6

Bɔkwaa mɛɛ ba kpɔe ba Korowii waa dɛ di kora nyundua sie ba tomɔ wɔ? Ń kpɔ nabiiri aa di benanyoa ba fuah ɛ saraha o sie naa?

Ɛsekeɛl 36:38

Baa warɔɔ kɛŋɔ peera baa teɡa dɛɛ kaa dɛ́ ka kpoo ɛ saraha Jerusalam tɔpejena dii ta ken. Bwɛjena a fa aa paɡra la, nɛra ɛɛ ba su a binii, ásɛ ba jemɛ kɛŋɔ menee Korowii.”

Ɛsekeɛl 44:24

Nomɛl ne o dɔŋ dɔ waane aa, sɔfore laanee dɛ́ nyiŋi a ta, dɛ́ bola, ɡɛ aa lɔ me Mmarare ta la. A chɛ kɛ baa teŋɛ me Mmarare ne n waa maa kpɔa tɛɛ ba bwa ta, n tɔpejena maa lea cheɡ bwa, ásɛ dɛɛ di n Ona Tɔpera la, dɛ́ ɡel a do ɡoroŋ.