Ɛsekeɛl 46:2 - mzwDBL

² Kooro la chɛ kɛ ó che habɔɔ dembaah bela jo, dɛ kpɔ ŋwɛnɛ baa kpɔ o ta dɛɛ jo, dɛ́ ba che doonyoa ɡbera la jwɛh. Ásɛ sɔfore la kpɔ o saraha kwaa baa fuah, ne deŋnesɔɔhna saraha kwaa ba ɛ saraha tɛ mɛ. Ó tomɛ men Korowii doonyoa bela, dɛ́ berɛ le kaa. A ta chɛ kɛ ba tɔ ɡbera la nemenɛ jɔmɔra.

Ɛsekeɛl 46:2 ပူးပေါင်းရင်းမြစ်များ

1 Webena 17:16

Belaa Kooro Devid ka jo Korowii Dea Cheremibɔr waa baŋro la bini, dɛ ka so Korowii sie dɛ ŋɔ, “N Naa Korowii, umee n ɡe ne n lolanar asɛ he ɛ ɡɛ waa nɔ dɔŋa bwa tɛ mɛ ken nɔɔ?

1 Webena 9:18

dɛ so doonyoa bɛl nyoa baa yerɔ Kooro Doonyoa wee leebɔr. Dɛ banɔɔ dɛɛ daah bela Lewi dea tena aa soɡa la doonyoo a ɡɛ saŋ.

2 Webena 23:13

O baa na kɛŋɔ kooro la cheɡɛ Korowii Dea la sie pila bɛl jwɛh ɡɛ ba nawee wa aa doa. Asɛ laa sitɔɔla ne bɛlhoohla che kooro jwɛh. Asɛ harɛ la ta nomɛlbwa sie lɛ, baa hoh bɛle, dɛɛ lɔ kwaa bwa soo siwi baa kpɔa dɛɛ hɛlɛ, asɛ yelɡoola ɡo yela tɔ ba sie. Belaa haŋkooro Atalia laa o batakaare kɛɛ, a baɡle kɛ o baah diu kohona, dɛ ŋɔ, “He bwa lee mɛ tɛ! He ɛɛ mɛ dɔm!”

2 Webena 29:29

Baa tonɛ saraha kwaa baa fuah tonɛ la, kooro ne nɛra baa ja o nɛɛ la ɡuŋo, dɛ tomɛ Korowii.

2 Webena 34:31

Kooro Josia cheɡɛ o koochebɔr pila bɛl jwɛh, o ne Korowii berɛ kwaa fɔwɛ fɔo ŋɔ wɛɛ teŋɛ Korowii nɛɛ, dɛɛ teŋɛ waa waa bola ne o Mmarare ta o bambile ne o liire bwa ne.

2 Webena 6:13

Dɛ Kooro Solomɔn ɛ ayaawa ɛ komɛl baa dɛ che o ta Dea la dembaah. O jaŋne lɔ naɡale anuanɛ ne tama, o paɡri ɛ naɡale anuanɛ ne tama, o jaŋne dɛ́ kaa nyundua ɡe ɛ naɡale anaarɛ ne tama. O baa ɡuŋi o ta Israel nɛra la bwa sie dɛ paɡri o nɔɔra nyundua.

Ɛsekeɛl 40:19

O maɡɔ le bini doonyoa la ta, dɛ ba harɛbɔr doonyoa la ta, dɛ ba bini dembaah la baŋ. O wee leebɔr la ne o weekaŋle nyunduabɔr la lɔ naɡale lafa fifraanunue.

Ɛsekeɛl 40:39

Bela baa cheɡa dɛɛ jo doonyoa ta la, teeburre anɛ cheɡɛ baŋ bɛlbwa ta. A taa baa kpoo saraha kwaa baa dɛ fuah, ne wechɔɡa kpɔe dɛ kɛ saraha, dɛ bolchɔɡe dii saraha kwa.

Ɛsekeɛl 44:3

Kooro ɡboo dɔ ŋwɛnɛ dɛ́ jo ka di kondikwaa aa do ɡoroŋ n sie bela. Bela baa cheɡa dɛɛ jo laanee chɛ kɛ o che jo, dɛ́ berɛ che o ta le.”

Ɛsekeɛl 45:19

Sɔfo la kpɔ nabale baa kpɔa ba ɛ wechɔɡa kpɔe dɛ kɛ saraha la chal la ane ba ɛ n Dea doonyoa daa la ta, ne saraha kon la loŋkoni anaarɛ ta, dɛ doonyoo daa aa lɔ bini dembaah la ta.

Ɛsekeɛl 46:12

Kooro la dɛ ba ba ɛ saraha aa le o bambile ta, dɛ saraha kwaa baa fuah kɛɛ dɛ deŋnesɔɔhna sarahare dɛ kpoa tɛ mɛ naa, bá pili doonyoa o sie aa chaɡɛ wee leebɔr la tɛo ó jo. A chɛ kɛ ó ɛ saraha kwaa baa fuah kɛɛ deŋnesɔɔhna saraha kwaa la ɡɛ waa dɛ ɛ Ona Tɔpere ta la. Ásɛ dɛ o baa le kaa laa, ba laa ɡbera la tɔ.

Ɛsekeɛl 46:8

Kooro la kpɔ doonyoa la ta jo aa, ó berɛ che bela le.

Matiu 26:39

Yeesu la sie tama dɛ ka kpɔ sie pi harɛ dɛ soŋe Korowii ŋɔ, “N Mɛɛ, dɛ a fe ɛɛ maɡroo waa, he bɛ ɡel a ɡɛ wahala nɔ ba n nɛ. Kɛ anla aa too n tea laa mɛɛ nyin, kɛ ɛ he tetoowa.”

Kolosi 1:28

Ya waa yaa dɛ baɡle bwaa Yeesu Kristo la. Ya dɛ ja nomɛlbwa, dɛɛ baɡle nɛra bwa wejema bwa ne, ásɛ dɛ ba won kpɔ bɛlbwa ba Korowii be kɛ ba kpeɡ Yeesu Kristo waa ta, pɛɛ ba ne waa pɛa la nomanta.