Ɛsekeɛl 46:12 - mzwDBL

¹² Kooro la dɛ ba ba ɛ saraha aa le o bambile ta, dɛ saraha kwaa baa fuah kɛɛ dɛ deŋnesɔɔhna sarahare dɛ kpoa tɛ mɛ naa, bá pili doonyoa o sie aa chaɡɛ wee leebɔr la tɛo ó jo. A chɛ kɛ ó ɛ saraha kwaa baa fuah kɛɛ deŋnesɔɔhna saraha kwaa la ɡɛ waa dɛ ɛ Ona Tɔpere ta la. Ásɛ dɛ o baa le kaa laa, ba laa ɡbera la tɔ.

Ɛsekeɛl 46:12 ပူးပေါင်းရင်းမြစ်များ

Ɛsekeɛl 45:17

A ɛ kooro la toma kɛŋɔ ó kpɔ saraha kwaa baa fuah, ne mea sarahare, dɛ sen sarahare tɛ tɔpejena ne Korobifala dɛ Ona Tɔpera dii ta. Wɛɛ kpɔ wechɔɡa kpɔe dɛ kɛ sarahare, ne mea sarahare, ne sarahare baa dɛ fuah, dɛ deŋnesɔɔhna saraharee ba soŋe Israel tena wechɔɡa n be, ń kpɔ kɛ ba.

Ɛsekeɛl 46:8

Kooro la kpɔ doonyoa la ta jo aa, ó berɛ che bela le.

Ɛsekeɛl 44:3

Kooro ɡboo dɔ ŋwɛnɛ dɛ́ jo ka di kondikwaa aa do ɡoroŋ n sie bela. Bela baa cheɡa dɛɛ jo laanee chɛ kɛ o che jo, dɛ́ berɛ che o ta le.”

2 Webena 29:31

Anee Kooro Hɛsɛkea ŋɔ ba be ŋɔ, “Taraken te, he bwa kpɔ he te do Korowii nɔn ta, doŋa bɛlbwa toole he nɛɛ kpa. Hé kpo kwaa ɛ sarahare, dɛ́ kpɔ jam kwaa ba Korowii Dea.” Anomanta, ba ba sarahare ne jam sarahare ne, asɛ bane le ba bambile bini, dɛ kpɔ saraha kwaa baa dɛ fuah ba.

Lewi Dea Tena 23:38

Gɛ saraha kwaa nɔ ja Ona Tɔpere saraha kwaa ne koŋkɛɛla, ne nyobaɡa chuɡra sarahare dɛ sarahare aa le he bambile ta haa kpɔ baa tɛ men Korowii bwa ta.

Ɛfesos 5:2

A wer kɛŋɔ he so dɔŋa nyina ne kɛŋɔ Yeesu Kristo aa nyin yaa dɛ sewɛ lɛ yaa a ɛ sarahadɛɛɡe dɛ tɛ Korowii la.

Tɔn Pɔɔl Aa Chwerɛ Rom Tena 12:1

Anomanta, yabala, n dɛ soŋe heya. Hé nyiŋi Korowii suna waa sune ya nɛɛ la dɛ́ kpɔ he te tɛo. Gɛ baa kpɔ kondɛɛɡa aa chɛ Korowii dɛɛ su o siwi dɛ kpo dɛ ɛ saraha tɛo dɛɛ tomɔ la, hé ɡe kpɔ he te kɛŋɔ ɡɛ saraha la, dɛ́ laa doŋa bɛlbwa kpɔ he nɛɛ dɛɛ tomɔ he bokpeɡa ne. Gɛɛ a chɛ kɛ hɛɛ tomɛ Korowii.

Ɛsra 6:17

Dea la kpɔe dɛ do Korowii nɔn ta la, ba kpɔ nabala lafa ne pebala lafraanɛ, dɛ pebali lafraanaarɛ ɛ sarahare, dɛ berɛ kpɔ bombala fi dɛ anɛ, bɛlbwa che tɛ Israel deene fi dɛ anɛ la, dɛ kpɔ ɛ wechɔɡa kpɔe dɛ kɛ saraha tɛ Israel tena bwa.

Ɛsra 3:5

A habɔɔ la, ba kpɔ kwaa baa fuah dɛɛ ɛ sarahare tɔpere bɛlbwa kɛŋɔ Korobifale ne saraha kwaa baa lea cheɡ tɔpejena aa do ɡoroŋ tɛ Korowii la ne, dɛ anɔ la aa le nɛra bambile ta, ba kpɔ ba ɛ sarahare tɛ Korowii la.

Ɛsra 1:4

Hé bala bane baa kaa dɛ ta so bojaŋ harɛre ta la, hé tɛɛ ba suuɡapoŋa ne suuɡaswɛm, ne laala baa kpɔ ɛ toma ne kondɛɛra, dɛ saraha kwaa aa le ba bambile ta, bá kpɔ ba Korowii Dea waa lɔ Jerusalam la bini.’ ”

2 Webena 5:6

asɛ Kooro Solomɔn ne Israel tena baa chema la bwa che Korowii Ne Nɛwɛnyina Fɔo Daka la sie, dɛɛ kpoo peera ne nae baa wola won kura ɛ saraha tɛ Korowii.

1 Webena 29:21

Tɔ aa pera la, ba fuh kwaa ɛ saraha tɛ Korowii saraha kon la ta. Nabala kaɡboŋ ne pebala kaɡboŋ ne pebali kaɡboŋ, dɛ kpɔ sen saraha, dɛ sarahare aa wara ja a ta tɛ Israel tena bwa.

1 Koranar 3:4

Kooro Solomɔn la bwɛjen Gebeɔn ta, dɛ belaa kon baa dɛ ɛ saraha o ta do, nɛra bwa ɛɛ la o ta. O kaa ɛ sarahare bele kaɡboŋ o ta dɛ fuah.

Nɛra Kura 29:39

Ŋwɛnɛ haa kpɔ a ta dɛ ɛ saraha kwaa haa dɛ fuah, ne mea sarahare ne sen sarahare, dɛ deŋnesɔɔhna sarahare tɛ Korowii he tɔpejena haa lea cheɡ, dɛ́ɛ dia ta laanee la. He nyobaɡa kwaa haa ba a ne ne kwaa aa le he bambili ta bwa jao.”

Lewi Dea Tena 7:16

Kɛɛ dɛ saraha la ɛ nyobaɡa saraha kɛɛ o ɡbabir bambile ta saraha aa, bá dia awola tenten. Dɛ ane kao tɔɔ per a ta naa, ba won a dii.

Lewi Dea Tena 1:3

Dɛ nawee wɛɛ ba kpɔe dɛ ɛ saraha baa fuh tɛ mɛ naa, ó lawɛ ombal waa wola kirihiah bɛlbwa dii. N Dea Cheremibɔr doonyoa belaa ó che dɛ́ kpɔ ba tɛ mɛ ásɛ n lɛ.

Ɛsekeɛl 44:1

Belaa baa la lawɛ men Ɛsekeɛl ba Korowii Dea la wee leebɔr doonyoa la ta, dɛ o tɔɔ.