Ɛsekeɛl 46:1 - mzwDBL

¹ Nemenɛ Korowii ŋɔ, “Doonyoa waa lɔ bini dembaah o sie chaɡɛ wee leebɔr la chɛ kɛŋɔ ó tɔ tɔpera anumɛl baa dɛ ɛ toma la, kɛ Ona Tɔpere ne Korobifale Tɔpejena dii ta te, a chɛ kɛŋɔ hé pilu.

Ɛsekeɛl 46:1 ပူးပေါင်းရင်းမြစ်များ

Mumpar 3:19

Hɛɛ kwee bɔwɔbee mɔɔ dɛ́ di kwa ka tel kɛŋɔ haa berɛ kaa teera maa kpɔa mae la bini, dɛkalkɛ teera hen, teera binii he berɛ dɛɛ ba kaala.”

1 Webena 9:18

dɛ so doonyoa bɛl nyoa baa yerɔ Kooro Doonyoa wee leebɔr. Dɛ banɔɔ dɛɛ daah bela Lewi dea tena aa soɡa la doonyoo a ɡɛ saŋ.

Kaala 20:9

Tɔpera anumɛlee hé dɔ kɛŋɔ hé ɛ he toma bɛlbwa,

Aesaya 66:23

Korobifale Tɔpejena dii ne Ona Tɔpere bɛlbwa ta la, nɛwɛnyina bwa ɛɛ ba tom mɛɛ Jerusalam bonɔ.

Ɛsekeɛl 10:3

Dɛ Kerobim la cheɡɛ Korowii Dea la weekaŋle harɛbɔr, asɛ baa la ka jo bela. Belaa bam ba tɔ Korowii Dea dembaah bela bwa.

Ɛsekeɛl 40:19

O maɡɔ le bini doonyoa la ta, dɛ ba harɛbɔr doonyoa la ta, dɛ ba bini dembaah la baŋ. O wee leebɔr la ne o weekaŋle nyunduabɔr la lɔ naɡale lafa fifraanunue.

Ɛsekeɛl 43:1

Baa la kpɔ men Ɛsekeɛl ba Korowii Dea wee leebɔr doonyoa la ta,

Ɛsekeɛl 46:12

Kooro la dɛ ba ba ɛ saraha aa le o bambile ta, dɛ saraha kwaa baa fuah kɛɛ dɛ deŋnesɔɔhna sarahare dɛ kpoa tɛ mɛ naa, bá pili doonyoa o sie aa chaɡɛ wee leebɔr la tɛo ó jo. A chɛ kɛ ó ɛ saraha kwaa baa fuah kɛɛ deŋnesɔɔhna saraha kwaa la ɡɛ waa dɛ ɛ Ona Tɔpere ta la. Ásɛ dɛ o baa le kaa laa, ba laa ɡbera la tɔ.

Ɛsekeɛl 46:3

Ona Tɔpera ne Korobifala Tɔpejena dii ta, harɛ la ta nɛra bwa chɛ kɛŋɔ bá ba doonyoa la ta bela, dɛ́ ba tom mɛ.

Ɛsekeɛl 46:6

Korobifale Tɔpejen dii ta, kooro la lawɛ nabale ne pebiiri anumɛl, dɛ pebal a bɛlbwa aa wola kirihiah dii, dɛ́ kpɔ ba ɛ saraha.

Ɛsekeɛl 8:16

O berɔ kpɔ mɛ ba o Dea la dembaah bela, doonyoa bela pato la ne kon baa dɛ ɛ saraha o ta la baah ta, dɛ baala fifraanɛ dɛ banue lɔ bela. Ba habɔɔ chaɡɛ Korowii Dea la, asɛ ba sie chaɡɛ wee leebɔr pera baa tomɛ wee.

Amanesoma Luk Aa Chwera Tɔn 13:14

Cheremi dea bela nomoa la baah diu kɛ Yeesu aa chah nɛn Ona Tɔpere ta la, dɛ ŋɔ nɛra la aa lɔ bela la be ŋɔ, “Tɔpera anumɛlee chɛ kɛŋɔ yá kpɔ dɛɛ ɛ toma. Anomanta, a ɡɛ tɔpera la taa chɛ kɛ hé baa chah he weela, kɛ Ona Tɔpere te ta laa!”