Ɛsekeɛl 45:9 - mzwDBL

⁹ Nemenɛ Korowii ŋɔ, “Israel koranar, he wechɔɡa la ɡwaalɔ to. Hé ɡel naɡrenyin, ne fiiɡa haa dɛ fiiɡi nɛra la, dɛɛ ɛ anɔ la aa wera dɛ toɡre. He bɛ n nɛra doŋi le ba harɛ ta dɛ́ kpɔ ɛ he kon. Men Korowiirii bola.

Ɛsekeɛl 45:9 ပူးပေါင်းရင်းမြစ်များ

Job Tɔn 20:19

dɛkalkɛ ba fiiɡi nyaara dɛ vɛɛh ba, dɛ lɛ deene ba laa maa.

Job Tɔn 22:9

He doŋi luhaahna ba kaa nɔŋɡbala ne, dɛ fiiɡi bilalbii ɡe.

Aesaya 1:17

dɛ́ do sie wedɛɛɡa ɛɛ ta! Hɛ́ɛ teŋɛ kasinteŋ ŋwɛnɛ ta, dɛɛ cha nɛra baa dɛ ɛɛ ba hɔhɔrɔwa. Hɛ́ɛ bol bilalbii ne luhaahna waa dɛɛ tɛɛ ba.

Jeremia 22:3

Hɛ́ɛ ɛ waa aa wera dɛ toɡre. Hé lɛ nɛn baa dɛ fiiɡu, dɛ́ lɛ o laala le o nomoa nɔn ta. He bɛ naɡra kɛɛ wechɔɡa kpɔ ba nɛŋhɔɔhra ne bilalbii, kɛɛ luhaahna nɛ, he bɛ nɛn waa wola wechɔɡa ɛɛ kpo harɛ nɔ ta.

Jeremia 6:7

Gɛ nee yon bule dɛɛ le bule ta la, ɡɛɛ wechɔɡa le Jerusalam dɛɛ ba. Kwaa chɔɡa ne yoi ɡbɔɡa su o ta. Weela ne dɔŋa bola doe ɡboo mɛɛ na bobɛlbwa.

Ɛsekeɛl 44:6

Ŋɔ Israel lwɛmkpeɡ tena la be ŋɔ men Nemenɛ Korowii dɛ bol kɛŋɔ, ‘Israel tena, waa maa kia hɛɛ ɛ la maɡre ɡɛ.

Ɛsekeɛl 7:11

He naɡrenyin we-ɛɛla la ɛɛ berɛ daŋɡbalaa, dɛ́ tɛr wechɔɡ-ɛɛra deŋne, ba komɛlbwa aa kae ba, ba kondɔɔh ne kwaa aa dɛ tɛɛ ba jirima la bɛlbwa aa kae ba.

Ɛsekeɛl 7:23

Hé nyin jɔɡrɔre cheɡ, nɛŋkpoa ɡboo harɛ la bwa, yoi ɡboo bwɛjen la bwa.

Ɛsekeɛl 8:17

Korowii berɔ ŋɔ n be ŋɔ, “Nɛwɛnyini bie, he na anɔ kenɛ? Juda tena dɛ ɛ waa maa kia la, a ɡbo ta ba ne maɡrɛ, ba berɔ kpɔ naɡrenyin we-ɛɛla perɛ bwɛɛre la bwa, dɛɛ muɡli n baah, dɛɛ chɛɡ mɛ kohona.

Emɔs 5:15

Hé hah wechɔɡa, dɛ́ nyin wedɛɛɡa, hé ɡel kasinteŋ ɛɛ ɛ toma kɔɔto deene. Nemenɛ Korowii ken ɛɛ sune Josef dea nɛra baa kaa nɛɛ.”

Emɔs 5:24

Kɛ, hé ɡel kasinteŋ do le saŋ bɛlbwa, kɛŋɔ moo aa dɛ palɛ, waa aa toɡra ɡe do kɛŋɔ nenabɔɔ waa wola hweeh bwa.

Maeka 2:9

He dɛ doŋi n nɛra haahna dɛɛ le ba deremi aa wera ta. He laa wedɛɛɡa maa sweera tɛ ba bii saŋ bɛlbwa la dɛɛ kpɔ.

Maeka 6:10

Mɛɛ won soh he nyubinikpeɡ tena kondɔɔh haa cheɡa ka su deene, ne kwaa haa kpɔa maɡɛ kwaa dɛɛ faah nɛra n haah la wa aa?

Sekaria 7:9

ń bol o nɛra be ŋɔ “Hɛ́ɛ nyiŋi dɔŋa nɛɛ kasinteŋ ne, dɛ́ dɔ tedoma dɛɛ tɛ dɔŋa dɛɛ ɛ wedɛɛɡa.

Sekaria 8:16

Waa aa chɛ kɛ he ɛ laanee nɔ, hé bol kasinteŋ dɛɛ tɛ dɔŋa, dɛ nomɛl ne o dɔŋ dɔ waa kɔɔto aa, hé bol a kasinteŋ a ba deŋnesɔɔhna ne,

Amanesoma Luk Aa Chwera Tɔn 3:14

Soojare bane ɡe ba o be dɛ ba bɔɔro ŋɔ, “Asɛ ya ɡe sɛh? Ɛrɛɛ chɛ kɛŋɔ yá ɡee ɛɔ?” Asɛ o ŋɔ ba ɡe be ŋɔ, “He bɛ nɛra ɛɡre dɛɛ lɛ suuɡa ba be, dɛ bɛ nomɛlbwa ɡe suuɡa lɛ dɛ tɔ o wechɔɡa ta. Hé ɡel he kembɔr ɛɛ su he siwi.”

1 Pita 4:3

Waa nɛra baa wola Korowii tomɛ aa dɛ ɛa asɛ he fa aa ɛa la, he ta a nyoa nae yaa? Dɛ he sie dɛ lɛ jwamane ne pɛlchɔɡa we-ɛɛla ta. Dɛ he dɛ sɔ sen, dɛɛ ɛ saɡasaɡa, dɛ lawɛ dɔŋa dɛɛ nyɔ sennyɔbala. Dɛ he dɛ tomɛ voɡa dɛɛ jo Korowii kii nɛ.