Ɛsekeɛl 45:5 - mzwDBL

⁵ Harɛ la pera naɡale kaɡboŋa fifraanuanɛ dɛ anuanɛ lafraanue waa ɛ o jaŋne, ne naɡale kaɡboŋa fi dɛ anue waa ɛ o paɡri la chɛ kɛ o ɛ Lewi dea tena baa dɛ ɛ toma n Dea la kon. Ásɛ ba vɔrɔwe bwɛɛre o kar la ta.

Ɛsekeɛl 45:5 ပူးပေါင်းရင်းမြစ်များ

Ɛsekeɛl 48:13

Sɔfore harɛ jwɛh ta bela la, Lewi dea tena la ɛɛ dɔ harɛ o jaŋne aa ɛ naɡale kaɡboŋa fifraatoro dɛ anuanɛ lafraanuee, o paɡri ɛ naɡale kaɡboŋa fi dɛ anue.

Ɛsekeɛl 48:20

Harɛ la bwa ɛ fɔɔskwɛɛ. Naɡale kaɡboŋa fifraatoro dɛ anuanɛ lafraanue baŋ bɛlbwa ta. A chɛ kɛ bá le n Dea la harɛ ó korɛ ja bwɛjen la kon ta.

Ɛsekeɛl 48:10

Belaa dɛ́ ɛ bɔr waa do ɡoroŋ dɛ tɛ sɔfore. O weekaŋle nyunduabɔr jaŋne ɛ naɡale kaɡboŋa fifraatoro dɛ anuanɛ lafraanue, wee cholibɔr paɡri ɛ naɡale kaɡboŋa fi dɛ anue. O wee leebɔr paɡri ɡe ɛ naɡale kaɡboŋa fi dɛ anue, ásɛ o weekaŋle harɛbɔr pera jaŋne ɛ naɡale kaɡboŋa fifraatoro dɛ anuanɛ lafraanue. O baah taa chɛ kɛ n Dea la che.

Ɛsekeɛl 40:17

Baa la kpɔ mɛ jo habɔɔ dembaah la bini. Bela la, n na deene fifraatoro baa maa pɛl danjwɛɛ la, ne ŋwɛnɛ bɛl baa mao bwea ne o ir nyundua, dɛ bar dembaah la cheme.

Lewi Dea Tena 23:42

Israel tena bwa chɛ kɛŋɔ hɛ́ɛ so kukure lɔɡre tɔpera anuanɛ,

Nɛra Kura 35:2

“Do Israel tena la dɛ́ ŋɔ bwɛjena baa dɔ la, bá tɛ Lewi dea tena la ane bá so a ta. Bwɛɛre la dahare harɛre ɡe ɛ ba kondɛɛra dibɔra.