Ɛsekeɛl 45:20 - mzwDBL

²⁰ A chɛ kɛ he berɛ ɛ ɡɛ tenten korobie la tɔpenuanɛ wee ta tɛ nomɛlbwa waa wola saahnɛ, kɛɛ waa wola jemɛ dɛ ɛ wechɔɡa. Gɛɛ hɛɛ ba soŋa le n be dɛ́ laa doŋa bɛlbwa kpɔ n Dea la ta ó do ɡoroŋ.

Ɛsekeɛl 45:20 ပူးပေါင်းရင်းမြစ်များ

Yela 19:12

Umee dɛ́ won jemɛ o ɡbaɡba wechɔɡa waa ɛaɔ? N Naa Korowii, lɛɛ mɛ le wechɔɡa maa wola jemɛ dɛ ɛ la ta.

Ɛsekeɛl 45:15

Pee beŋkpoŋii chɛ kɛ hé lawɛ le kondɛɛre lafraanɛ bɛlbwa aa dɔ dibɔrdɛɛɡe Israel harɛ ta dɛɛ di ba tɛ mɛ. A ɡɛ peera laanee baa ba kpɔe ja mea sarahare ne saraha kwaa baa fuah, dɛ deŋnesɔɔhna sarahare ta, dɛ́ kpɔ soŋe nɛra la wechɔɡa n be n kpɔ kɛ ba. Men Nemenɛ Korowiirii bola.

Ɛsekeɛl 45:18

Waa Nemenɛ Korowii aa dɛ bol laanee nɔ. Korobiloɡle la tɔpere waa tɔ sie ta, a chɛ kɛ he lawɛ nabale waa wola kirihiah bɛlbwa dii dɛ́ kpo, dɛ́ ba laa doŋa kpɔ n Dea la ta.

Lewi Dea Tena 16:20

Arɔn laa ba doŋa kpɔ Boɡoroŋ Tenten bela, ne n Dea Cheremibɔr la bini dɛ saraha kon la ta tonaa, a chɛ kɛ ó kpɔ booh la o siwi aa lole la ba che n sie.

Hibru 5:2

A ɡɛ Sɔfonomoa nɔ ɛɛ wonoo dɛɛ sune nɛra baa wola waa jemɛ dɛɛ koni la nɛ, dɛkalkɛŋɔ o ɡba kwaraa ta kpeɡri dɔe dɛ́ won dɛɛ vɛh wechɔɡa ɛɛ.