Ɛsekeɛl 45:19 - mzwDBL

¹⁹ Sɔfo la kpɔ nabale baa kpɔa ba ɛ wechɔɡa kpɔe dɛ kɛ saraha la chal la ane ba ɛ n Dea doonyoa daa la ta, ne saraha kon la loŋkoni anaarɛ ta, dɛ doonyoo daa aa lɔ bini dembaah la ta.

Ɛsekeɛl 45:19 ပူးပေါင်းရင်းမြစ်များ

Ɛsekeɛl 43:14

le o lɔɡa bɔɔ la ta, dɛ́ ba o keŋkeŋ bela waa wola kanɛ la lɔ naɡale atoro, o paɡri ɡe lɔ naɡale beŋkpoŋ ne tama. Le o lɔɡa bela aa wola kanɛ dɛ́ ba o doa waa kana ɡe lɔ naɡale anumɛl, asɛ o paɡri ɡe naɡale beŋkpoŋ ne tama.

Ɛsekeɛl 43:17

O nyundua bela waa kana ɛ fɔɔskwɛɛ. O jaŋne lɔ naɡale fifraanɛ dɛ beŋkpoŋ, o paɡri ɡe do ɡɛ, asɛ kon waa bar o nyoa la ka tama o tel naɡale beŋkpoŋ. Saraha kon la bɔɔ luŋri lɔ naɡale beŋkpoŋ ne tama. Kon baa cheɡɛ o ta dɛɛ teeh ɡe do o wee leebɔr pera.”

Ɛsekeɛl 43:19

A chɛ kɛ he lawɛ nabale ɛ wechɔɡa kpɔe dɛ kɛ saraha tɛ Lewi dea tena baa ɛ sɔfore dɛ ɛ Sadɔk naanar. Banee dɛɛ ba n sie dɛ baa tom mɛ. Men Nemenɛ Korowiirii bola.

Ɛsekeɛl 43:20

Kpɔ o chal la ane ɛ kwaa anaarɛ aa do kɛŋɔ nyeɡlare dɛ paaɡe saraha kon la loŋkoni ta la ta, dɛ́ kpɔ ane ɛ o doa bela waa kana la, ne kon waa bar o nyoo ta bwa bar. Gɛɛ hɛɛ ba ɛɛ dɛ́ laa doŋa bɛlbwa kpɔ saraha kon la ta, ó do ɡoroŋ.

Ɛsekeɛl 46:1

Nemenɛ Korowii ŋɔ, “Doonyoa waa lɔ bini dembaah o sie chaɡɛ wee leebɔr la chɛ kɛŋɔ ó tɔ tɔpera anumɛl baa dɛ ɛ toma la, kɛ Ona Tɔpere ne Korobifale Tɔpejena dii ta te, a chɛ kɛŋɔ hé pilu.

Ɛsekeɛl 46:2

Kooro la chɛ kɛ ó che habɔɔ dembaah bela jo, dɛ kpɔ ŋwɛnɛ baa kpɔ o ta dɛɛ jo, dɛ́ ba che doonyoa ɡbera la jwɛh. Ásɛ sɔfore la kpɔ o saraha kwaa baa fuah, ne deŋnesɔɔhna saraha kwaa ba ɛ saraha tɛ mɛ. Ó tomɛ men Korowii doonyoa bela, dɛ́ berɛ le kaa. A ta chɛ kɛ ba tɔ ɡbera la nemenɛ jɔmɔra.

Lewi Dea Tena 16:16

Gɛɛ wɛɛ ba ɛɛ, dɛ́ fee doŋa ne deŋnekpeɡ, ne wechɔɡa bɛlbwa soo siwi Israel tena aa ɛa bwa ta Boɡoroŋ Tenten bela. A chɛ kɛ ó ɛ ɡɛ tenten n Dea Cheremibɔr la bini ɡe, waa cheɡɛ a baah ta nomanta, a bwaa kah doŋa.