Ɛsekeɛl 45:18 - mzwDBL

¹⁸ Waa Nemenɛ Korowii aa dɛ bol laanee nɔ. Korobiloɡle la tɔpere waa tɔ sie ta, a chɛ kɛ he lawɛ nabale waa wola kirihiah bɛlbwa dii dɛ́ kpo, dɛ́ ba laa doŋa kpɔ n Dea la ta.

Ɛsekeɛl 45:18 ပူးပေါင်းရင်းမြစ်များ

Lewi Dea Tena 16:16

Gɛɛ wɛɛ ba ɛɛ, dɛ́ fee doŋa ne deŋnekpeɡ, ne wechɔɡa bɛlbwa soo siwi Israel tena aa ɛa bwa ta Boɡoroŋ Tenten bela. A chɛ kɛ ó ɛ ɡɛ tenten n Dea Cheremibɔr la bini ɡe, waa cheɡɛ a baah ta nomanta, a bwaa kah doŋa.

Hibru 9:14

ɛrɛɛ a ɛ Yeesu Kristo chal aa wola won laa ya doŋa kpɔ ya nɛɛ kohona nɔ? Korowii Domadɛɛɡe waa lole saŋ bɛlbwa aa wola jaɡa dɔe la, on cha Yeesu Kristo o won kpɔ o te kɛŋɔ konaate waa wola kirihiah bɛlbwa dii dɛ ɛ saraha dɛ tɛ Korowii. Yeesu chal ɛɛ laa ya wechɔɡa aa dɛ kaa ya ne seo ta la bwaa kpɔ ya nɛɛ ásɛ ya tea to, ásɛ a waa bɛ yaa hiah kpa, ásɛ ya won tomɛ Korowii waa lole saŋ bɛlbwa la.

Ɛsekeɛl 43:22

Tɔɔ perɔ aa, a chɛ kɛ he lawɛ bombal waa wola kirihiah bɛlbwa dii, ba ɛ wechɔɡa kpɔe dɛ kɛ saraha, ásɛ dɛ kpɔ o chal laa doŋa kpɔ saraha kon la ta, ɡɛ haa kpɔ nabale la ɛ la.

Lewi Dea Tena 22:20

Nomɛlbwa bɛ kon waa di kirihiah kpɔ ba ɛ saraha tɛ men Korowii, dɛkalkɛ maa lɛ dɛ́ kpɔ ɛ waa waa dɛ nyin tɛo.

Lewi Dea Tena 16:33

dɛ́ ɛ we-ɛɛla Boɡoroŋ Tenten bela ne n Dea Cheremibɔr bini dɛ saraha kon la ta, dɛ́ laa sɔfore la ne Israel tena la wechɔɡa bwa kpɔ ba nɛ.

Kaala 12:2

dɛ ŋɔ, “Hé kpɔ korobie nɔ ɛ he korobiloɡle bena bɛlbwa.

Ɛsekeɛl 43:26

Tɔpera anuanɛɛ sɔfore la kpɔ soŋe men Korowii, dɛ́ laa doŋa bɛlbwa aa lɔ saraha kon la ta kpɔ tɛ mɛ, dɛ́ kpɔ do n nɔn ta dɛ́ pilu.

1 Pita 1:19

Yeesu Kristo waa do kɛ saraha pebie doŋa bɛlbwa aa wola toole o nɛ, waa wola kirihiah bobɛlbwa dii la, o ɡbaɡba chal nee Korowii yawɛ heya.

Hibru 7:26

Maɡraa a den maɡre kɛŋɔ yaa dɔ Sɔfonomoa waa do kɛ Yeesu dɛɛ cha yaa. Doŋa bɛlbwa toole o nɛ, o tea too, o ne wechɔɡ-ɛɛra ta pɛɛ. Korowii tɛo nomonome dɛ keeru kaa o be nyundujaɡla.

Matiu 6:33

Anomanta, hé ɡel he sie beɡre Korowii Kora la ne wedɛɛɡa aa dɛ su o siwi la ta, dɛ bɛ an mun dɛɛ ta, ásɛ o kpɔ anɔ haa dɛ nyin nɔ bwa tɛ heya.

Ɛsekeɛl 43:19

A chɛ kɛ he lawɛ nabale ɛ wechɔɡa kpɔe dɛ kɛ saraha tɛ Lewi dea tena baa ɛ sɔfore dɛ ɛ Sadɔk naanar. Banee dɛɛ ba n sie dɛ baa tom mɛ. Men Nemenɛ Korowiirii bola.

Ɛsekeɛl 43:23

Haa laa doŋa bɛlbwa kpɔ saraha kon la ta tonɛ la, kpɔ nabale ne pebal a bɛlbwa aa wola kirihiah dii le he kondɛɛra bini ba tɛ mɛ.

Ɛsekeɛl 45:20

A chɛ kɛ he berɛ ɛ ɡɛ tenten korobie la tɔpenuanɛ wee ta tɛ nomɛlbwa waa wola saahnɛ, kɛɛ waa wola jemɛ dɛ ɛ wechɔɡa. Gɛɛ hɛɛ ba soŋa le n be dɛ́ laa doŋa bɛlbwa kpɔ n Dea la ta ó do ɡoroŋ.

Ɛsekeɛl 46:1

Nemenɛ Korowii ŋɔ, “Doonyoa waa lɔ bini dembaah o sie chaɡɛ wee leebɔr la chɛ kɛŋɔ ó tɔ tɔpera anumɛl baa dɛ ɛ toma la, kɛ Ona Tɔpere ne Korobifale Tɔpejena dii ta te, a chɛ kɛŋɔ hé pilu.

Kaala 40:2

“Baŋre n Tɛnte Dea waa ɛ n Dea Cheremibɔr la, korobiloɡle tɔpere waa tɔ sie la ta.

Ɛsekeɛl 43:20

Kpɔ o chal la ane ɛ kwaa anaarɛ aa do kɛŋɔ nyeɡlare dɛ paaɡe saraha kon la loŋkoni ta la ta, dɛ́ kpɔ ane ɛ o doa bela waa kana la, ne kon waa bar o nyoo ta bwa bar. Gɛɛ hɛɛ ba ɛɛ dɛ́ laa doŋa bɛlbwa kpɔ saraha kon la ta, ó do ɡoroŋ.