Ɛsekeɛl 45:17 - mzwDBL

¹⁷ A ɛ kooro la toma kɛŋɔ ó kpɔ saraha kwaa baa fuah, ne mea sarahare, dɛ sen sarahare tɛ tɔpejena ne Korobifala dɛ Ona Tɔpera dii ta. Wɛɛ kpɔ wechɔɡa kpɔe dɛ kɛ sarahare, ne mea sarahare, ne sarahare baa dɛ fuah, dɛ deŋnesɔɔhna saraharee ba soŋe Israel tena wechɔɡa n be, ń kpɔ kɛ ba.

Ɛsekeɛl 45:17 ပူးပေါင်းရင်းမြစ်များ

2 Samoɛl 6:19

Belaa o kpɔ paanoo ne daa nɔna ane aa hola dɛ ɛ nɔndel, dɛ ɡrepo daa nɔna aa hola nɔndel tɛ Israel haah ne baa te bɛlbwa. Asɛ bɛlbwa berɛ kaa o dem.

2 Webena 30:24

Juda Kooro Hɛsɛkea tɛ nɛra baa cheme bela nabala kaɡboŋ, dɛ boohna ne peera kaɡboŋa anuanɛ, asɛ o nomonome la ɡe tɛɛ ba nabala kaɡboŋ, dɛ boohna ne peera kaɡboŋa fi. Asɛ sɔfore baa wara laa doŋa bɛlbwa kpɔ ba nɛ, ba do ɡoroŋ.

2 Webena 31:3

Kooro Hɛsɛkea lawɛ o ɡbaɡba nae ne boohna ne peera tɛ ŋɔ, bá kpɔ ɛ sarahare baa dɛ fuah chɔɔ ne jɔmɔra, ne Ona Tɔpera ne Korobifala Tɔpejena, dɛ tɔpejena ane baa lea cheɡ ta, ɡɛ baa chwera do Korowii Mmara tɔn bini la.

2 Webena 5:6

asɛ Kooro Solomɔn ne Israel tena baa chema la bwa che Korowii Ne Nɛwɛnyina Fɔo Daka la sie, dɛɛ kpoo peera ne nae baa wola won kura ɛ saraha tɛ Korowii.

Ɛsra 1:5

Asɛ Juda ne Bɛnjamen deene nomonnyuune, ne sɔfore ne Lewi dea tena, dɛ nomɛlbwa Korowii aa ɡela o bambile aa lawa ir, dɛ́ ka berɛ kwaa ma Korowii Dea waa lɔ Jerusalam la.

Yela 22:29

Nɛra baa dɛ ɛ mbarafo bwa ɛɛ ba tomɔɔ, nɛwɛnyina bwa ɛɛ ba ɡuŋuu.

Yela 68:18

O teehnɔ kaa nyundua, dɛ lawɛ nɛra waa laɡ ba laa ta kaa, asɛ deŋnekpeɡ tena kpɔ koŋkɛɛla baa tɛo dɛ ŋɔ, Korowii ɛɛ ba so belaa.

Aesaya 66:23

Korobifale Tɔpejena dii ne Ona Tɔpere bɛlbwa ta la, nɛwɛnyina bwa ɛɛ ba tom mɛɛ Jerusalam bonɔ.

Ɛsekeɛl 43:27

Tɔpera anuanɛ nɔ ba a jaɡa aa, tɔpenuatoro wee la, sɔfore la chɛ kɛŋɔ bá kpɔ saraha kwaa haa fuah, ne deŋnesɔɔhna sarahare la ba saraha kon la ta, ásɛ n lɛ heyaa do. Men Nemenɛ Korowiirii bola.”

Ɛsekeɛl 45:15

Pee beŋkpoŋii chɛ kɛ hé lawɛ le kondɛɛre lafraanɛ bɛlbwa aa dɔ dibɔrdɛɛɡe Israel harɛ ta dɛɛ di ba tɛ mɛ. A ɡɛ peera laanee baa ba kpɔe ja mea sarahare ne saraha kwaa baa fuah, dɛ deŋnesɔɔhna sarahare ta, dɛ́ kpɔ soŋe nɛra la wechɔɡa n be n kpɔ kɛ ba. Men Nemenɛ Korowiirii bola.

Ɛsekeɛl 46:1

Nemenɛ Korowii ŋɔ, “Doonyoa waa lɔ bini dembaah o sie chaɡɛ wee leebɔr la chɛ kɛŋɔ ó tɔ tɔpera anumɛl baa dɛ ɛ toma la, kɛ Ona Tɔpere ne Korobifale Tɔpejena dii ta te, a chɛ kɛŋɔ hé pilu.

Lewi Dea Tena 4:27

Dɛ dansaa bɛlbwa ɛ wechɔɡa, dɛ jo waa maa do ba ŋɔ ba bɛ ɛ la bini bɛlbwa ta dɛ o laa saahna aa, dɛ o di bolchɔɡe.

Nɛra Kura 29:29

Tɔpenumɛl wee, hé kpɔ nabali anuatoro ne pebala anɛ dɛ pebali fi dɛ anaarɛ aa dɔ benanyoa bɛlbwa aa wola kirihiah dii ba ɛ saraha.

Amanesoma Jɔn Aa Chwera Tɔn 1:16

Korowii chao kohona asɛ o ɡe na ya sum dɛɛ tɛ yaa andɛɛɡa saŋ bɛlbwa, waa wola ɡel bwa.

Ɛfesos 5:2

A wer kɛŋɔ he so dɔŋa nyina ne kɛŋɔ Yeesu Kristo aa nyin yaa dɛ sewɛ lɛ yaa a ɛ sarahadɛɛɡe dɛ tɛ Korowii la.

Kolosi 3:17

Wobɛlbwa haa dɛ ɛ ne anɔ la bwa haa dɛ bol la, hɛ́ɛ ɛa ya Dɔɔ Yeesu sɔn ta, dɛ́ che o nɛɛ dɛ́ɛ jam o Mɛɛ Korowii.

Hibru 13:10

Juu tena sɔfore baa dɛ ɛ toma Korowii Tɛnte Dea bini la ta ŋwɛnɛ dɔe kɛŋɔ ba di ya saraha kwaa yaa dɛ di la ane.

Hibru 13:15

Anomanta, a chɛ kɛ ya che Yeesu nɛɛ dɛ ɛ ya saraha dɛɛ tɛ Korowii saŋ bɛlbwa. Saraha yaa dɛ ba ɛɛ laanee kɛŋɔ yáa dɛɛ kpɛɛroo dɛɛ yerɛ o sɔn.

1 Pita 2:24

O ɡbaɡba lɛ ya wechɔɡa dawɛ o nɛ, dɛ na wahala daɡaɡre ta, ásɛ ya bɛ so tɛ wechɔɡa, dɛ́ so tɛ wedɛɛɡa ɛɛ. Bola baa doo la taa a che he dɔ bokpeɡa.

1 Pita 3:18

Yeesu Kristo ɡbaɡba sewɔ tɛ heyaa dɛ bɔ wechɔɡa kem. Kerabeŋkpoŋii o sewɛ, waa wola berɛ sewɛ kpa. O ta wechɔɡa ɛɛ bwa, kɛ o sewɔ tɛ wechɔɡ-ɛɛra. Gɛ waa ɛ ya ne Korowii pɛ waa o ɛ ɡɛ. Baa kpoo la, o bwadabii sewa, kɛ o lileo te dɔ mkpafale.