Ɛsekeɛl 44:5 - mzwDBL

⁵ Korowii ŋɔ n be ŋɔ, “Nɛwɛnyini bie, cheɡ deŋne kɛrɛdɛ, dɛ́ no n mmarare ne waa bwa aa chɔ le tɛ n Dea la. Do sie dɛɛ nyiŋi doonyoo ne bɔra baa cheɡɛ a ta jo dɛɛ le a ta bwa.

Ɛsekeɛl 44:5 ပူးပေါင်းရင်းမြစ်များ

1 Webena 22:19

Name, le fini kpɔ he bambile ne liire bwa ne dɛɛ tomɛ Korowii. Pa mun ma Korowii Dea la, ásɛ dɛ won kpɔ Korowii Ne Nɛwɛnyina Fɔo Daka la ne laala aa do ɡoroŋ ba kpɔ dɛɛ tomɔ la bwa ba cheɡ o bini.”

2 Webena 11:16

Nɛra baa le Israel deene bwa bini dɛ le ba bambile bini ŋɔ, baa tomɛ Korowii Israel tena aa dɛ tomɛ la teŋɛ Lewi dea tena nɛɛ ba Jerusalam, dɛ ba kpoo kwaa ɛ sarahare tɛ Korowii ba naawa aa toma.

Yela 119:4

N Naa Korowii, he kpɔ he Mmarare tɛ yaa, dɛ ŋɔ yá kpɔ kasinteŋ dɛɛ teŋɛ a ta.

Yela 24:3

Umee dɔ ŋwɛnɛ dɛ́ teeh kaa Korowii Dea, bela waa do ɡoroŋ ba le cheɡ dɛɛ tomɔ la ta nɔ?

Kaala 9:21

Kɛ banɔ la baa taŋ deŋne Korowii waa la ta la te ɡel ba nɛndɔɔla ne ba kondɛɛra kooni ta.

Sɛɡla 24:32

N nyiŋi koo la jeiih ken, dɛ lii waa kɛrɛdɛ, dɛ kpɔ hweli wa.

Ɛsekeɛl 40:4

Baa la ŋɔ n be ŋɔ, “Nɛwɛnyini bie, nyiŋi kɛrɛdɛ, dɛ́ cheɡ deŋne no waa maa dɛ ba he be bola nɔ kɛrɛdɛ, dɛkalkɛ a waa n ba he ne bonɔ. Ásɛ dɛ ka bol wobɛlbwa haa naa Israel tena be.”

Ɛsekeɛl 42:9

Nɛn le habɔɔ dembaah la ta dɛɛ ba naa, doonyoo aa lɔ harɛ deene ta la lɔ wee leebɔr.

Ɛsekeɛl 46:19

Baa la berɔ kpɔ men Ɛsekeɛl jo deene aa sie chaɡɛ weekaŋle nyunduabɔr dɛ bɛne weekaŋle harɛbɔr doonyoa, bini dembaah la bɔr. A ɛ deene aa do ɡoroŋ dɛ tɛ sɔfore la. O baɡ mɛ bobɛl waa lɔ deene aa lɔ wee cholibɔr pera.

Ɛsekeɛl 47:6

O bɔɔ mɛ ŋɔ, “Nɛwɛnyini bie, he na waa nɔ kenɛ?” Asɛ dɛ berɛ tɔ n sie dɛ kpɔ mɛ le ba moo la nyoa.

Daneɛl 10:12

Ate, o ŋɔ n be ŋɔ, “Daneɛl, dɛɛ berɛ ɔma, le awola haa ɛ he liire kɛ he pwɛr he te tɛ Korowii haa dɛ tomɔ, dɛ no waa nɔ mun la taa o no he wa. N balɔ dɛ́ ba chae he wesoŋa la wa.

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

We-ɛɛla 8:36

Baa kpɔ ŋwɛnɛ la ta dɛɛ kaa la, ba kaa le nee bɛl ta, anee nomoa la ŋɔ Felep be ŋɔ, “Nee la. Den sɔ mɛ Korowii ne. Kɛ waane lole ja?”

Mmarare 12:32

Hé do sie dɛ́ ɛ waa maa do heyaa a ta nɔ, he bɛ waane kpɔ ja a ta, he bɛ ane ɡe laa kpɔ le a ta.”

Mmarare 32:46

o ŋɔ ba be ŋɔ, “Hé nyiŋi kɛrɛdɛ kɛŋɔ hɛɛ teŋɛ ɡɛ waa maa dɛ do heyaa a ta fini nɔ taa. Hé kpɔ do he bii ásɛ ba ɡee teŋɛ Korowii webaɡla la ta kɛrɛdɛ.