Ɛsekeɛl 44:3 - mzwDBL

³ Kooro ɡboo dɔ ŋwɛnɛ dɛ́ jo ka di kondikwaa aa do ɡoroŋ n sie bela. Bela baa cheɡa dɛɛ jo laanee chɛ kɛ o che jo, dɛ́ berɛ che o ta le.”

Ɛsekeɛl 44:3 ပူးပေါင်းရင်းမြစ်များ

Ɛsekeɛl 46:2

Kooro la chɛ kɛ ó che habɔɔ dembaah bela jo, dɛ kpɔ ŋwɛnɛ baa kpɔ o ta dɛɛ jo, dɛ́ ba che doonyoa ɡbera la jwɛh. Ásɛ sɔfore la kpɔ o saraha kwaa baa fuah, ne deŋnesɔɔhna saraha kwaa ba ɛ saraha tɛ mɛ. Ó tomɛ men Korowii doonyoa bela, dɛ́ berɛ le kaa. A ta chɛ kɛ ba tɔ ɡbera la nemenɛ jɔmɔra.

Ɛsekeɛl 37:25

Harɛ maa kpɔa tɛ n bonɔɔ Jekɔb la taa baa ba soɡa, harɛ ba naawa fa aa soɡe o ta la. Ba ne ba bii ne naanar, dɛ ba ɡe bii ɛɛ so o taa saŋ bɛlbwa dɛɛ la, ásɛ kooro waa do kɛ n bonɔɔ Kooro Devid ɛ ba kooro saŋ bɛlbwa dɛɛ la.

Ɛsekeɛl 34:24

Men Korowiirii dɛ́ ɛ Korowii baa tom mɛ, ásɛ kooro waa do kɛ n bonɔɔ Kooro Devid ɛ ba kooro. Men Korowiirii bola.

Mumpar 31:54

O ɛ saraha deŋɡarere harɛ baa soɡa la ta, dɛ yerɛ o lolanar la ba ba di kondikwaa la. Baa dia tonɛ la, ba chɔ bela awola jwaana.

Ɛsekeɛl 40:9

o lɔ naɡale fi dɛ anɛ, o doonyoa daa la ɡe bare lɔ naɡale atoro. Bela baa cheɡa dɛɛ jo la sie chaɡɛ Korowii Dea la.

Wepila 3:20

Hɛ́ɛ no! N cheɡɛ doonyoa dɛɛ lɔ ɡbera. Naate waa no n taa dɛ́ ba yaa mɛ la, mɛɛ jo o bee, n ne o pɛ nɔn di kwa.

2 Webena 34:31

Kooro Josia cheɡɛ o koochebɔr pila bɛl jwɛh, o ne Korowii berɛ kwaa fɔwɛ fɔo ŋɔ wɛɛ teŋɛ Korowii nɛɛ, dɛɛ teŋɛ waa waa bola ne o Mmarare ta o bambile ne o liire bwa ne.

Aesaya 62:9

He banɔ la haa du mea dɛ koma laanee dɛɛ ba a dii, dɛ́ kpɛɛ men Korowii. He banɔ la haa pa ɡrepo nɔna laanee dɛɛ ba a sen nyɔe n Dea dembaahna.”

Aesaya 23:18

Ba tɔnɔ baa dɔ ne ba suuɡa baa dɔa la, baa a taa tɔ. Baa kwaaraa cheɡ á ɛ Korowii kwa, ásɛ nɛra baa dɛ tomɔ la kpɔ yawɛ kondikwaa kohona dɛ́ di dɛ́ yawɛ ba bwara laaladɛɛɡa baa dɛ nyin bwa.

2 Webena 23:13

O baa na kɛŋɔ kooro la cheɡɛ Korowii Dea la sie pila bɛl jwɛh ɡɛ ba nawee wa aa doa. Asɛ laa sitɔɔla ne bɛlhoohla che kooro jwɛh. Asɛ harɛ la ta nomɛlbwa sie lɛ, baa hoh bɛle, dɛɛ lɔ kwaa bwa soo siwi baa kpɔa dɛɛ hɛlɛ, asɛ yelɡoola ɡo yela tɔ ba sie. Belaa haŋkooro Atalia laa o batakaare kɛɛ, a baɡle kɛ o baah diu kohona, dɛ ŋɔ, “He bwa lee mɛ tɛ! He ɛɛ mɛ dɔm!”

Mmarare 12:7

Korowii sie belaa he ne he dem tena ɛɛ ba kwaa dii, dɛ́ɛ lɛ sie toma haa dɛ tomɔ nɔ wa.

Ɛsekeɛl 46:12

Kooro la dɛ ba ba ɛ saraha aa le o bambile ta, dɛ saraha kwaa baa fuah kɛɛ dɛ deŋnesɔɔhna sarahare dɛ kpoa tɛ mɛ naa, bá pili doonyoa o sie aa chaɡɛ wee leebɔr la tɛo ó jo. A chɛ kɛ ó ɛ saraha kwaa baa fuah kɛɛ deŋnesɔɔhna saraha kwaa la ɡɛ waa dɛ ɛ Ona Tɔpere ta la. Ásɛ dɛ o baa le kaa laa, ba laa ɡbera la tɔ.

2 Koranar 16:18

Asiiria koojen nomanta, Kooro Ahas laa Korowii Dea baa dɛ tomɔ o bini Ona Tɔpere la kpɔ. Dɛ tɔ doonyoa Juda harɛ koranar aa kpɔ o ta dɛɛ jo Korowii Dea la.