Korowii ŋɔ, “Sɔfore, hé no! Israel tena, hé cheɡ deŋne! Koobii ɡe, hé no! N dɛ ba he waa bola dɛ́ pa bole. He do kɛŋɔ baa harɛ bel Mispa, dɛ do kɛŋɔ asau baa taa bɔle Tabɔ Bwejen ta.
N nɛra aa wola men Korowii jemɛ nomanta, ba dɛ serewe. He sɔfore, haa wola n waa ta teŋɛ nomanta, n ɡe vɛh heya. Haa vɛh men Korowii haa dɛ tom mɛ webaɡla ta teŋa nomanta, n ɡe ɛɛ vɛh he biirii.
Ba bɛ n sie ba, dɛ́ ba tom mɛ kɛŋɔ sɔfore, kɛɛ dɛ́ ŋɔ baa tuuhnu tel kwaa aa do ɡoroŋ, ne saraha aa do ɡoroŋ kohona la bɛlbwa. A chɛ kɛ sihiih kpo ba, baa dɔ deŋnetɛraa waa maa kia ba ɛ la wa.
N laɡ ba ba harɛ maa ŋwɛɛra ŋɔ mɛɛ kpɔɔ tɛɛ ba la ta. Ba baa na deŋɡarejaŋa ne dajena aa dɔ papooni kohona dɛ ka ɛ sarahare bela. N baah di daawiile baa fuah a sɔɔh do som, ne sen sarahare baa ɛa tɛ voɡa la ta.
Wɛɛ ɛ sɔfore la konee, Sadɔk naanar baa tom mɛ kasinteŋ ne, ba ta n ŋwɛnɛ ta leɛ, kɛŋɔ Lewi dea tena la bane aa ɛa ɡɛ saŋ Israel tena aa berɛ habɔɔ kpo mɛ la.