Ɛsekeɛl 44:10 - mzwDBL

¹⁰ Korowii ŋɔ n be ŋɔ, “Mɛɛ tɛr Lewi dea tena ba ne Israel tena aa le n habɔɔ dɛ kaa tomɛ voɡa la deŋnee.

Ɛsekeɛl 44:10 ပူးပေါင်းရင်းမြစ်များ

Ɛsekeɛl 48:11

Wɛɛ ɛ sɔfore la konee, Sadɔk naanar baa tom mɛ kasinteŋ ne, ba ta n ŋwɛnɛ ta leɛ, kɛŋɔ Lewi dea tena la bane aa ɛa ɡɛ saŋ Israel tena aa berɛ habɔɔ kpo mɛ la.

Ɛsekeɛl 22:26

Sɔfore ɡe vɛh me Mmarare ta teŋa. Baa waa aa do ɡoroŋ, ne anɔ la aa wola ɡoroŋ bini peɡri. Baa waa aa wera, ne anɔ la aa wola were ɡe baɡle, dɛ ɡel n Ona Tɔpera ɡe dii, a che a ta Israel tena vɛɛh mɛ.

1 Timoti 5:22

Bɛ totoo kpɔ nɔɔra dawɛ nomɛlbwa nɛɛ dɛ leo ŋɔ ó ɛ Korowii toma, ásɛ dɛ naate ta ba wone kpoŋe tom la bini dɛ ka ɛ wechɔɡa aa, a ba maali. Nyiŋi he te kɛrɛdɛ dɛ bɛ ɡel wedoŋa bɛlbwa maali.

Ɛsekeɛl 44:15

Kɛ Sadɔk naanar baa ɛ Lewi dea sɔfore dɛ kpɔ kasinteŋ ba tom mɛ n Dea bela, ɡɛ saŋ Israel tena aa le n habɔɔ la, banee ba n sie bela dɛ ba tom mɛ. Kɛ taraken, bá ba che n sie dɛ́ kpɔ ola noorare ne a chale ɛ sarahare dɛɛ tɛ mɛ. Men Nemenɛ Korowiirii bola.

Sefania 3:4

O keamere waa ta kasinteŋ dɔe, ba dɔ mbarafo. O sɔfore kpɔ doŋa dɛɛ kah kwaa aa do ɡoroŋ, dɛɛ ɡole Korowii Mmara ɡɛ baa dɛ nyin.

Jeremia 23:11

Korowii ŋɔ, “Keamere la ne sɔfore bwa aa men duu, hale n Dea bela, ba dɛ ɛ wechɔɡa.

Aesaya 53:11

O soɡa bini wahala waa baa na habɔɔ la, wɛɛ berɔɔ dɔ mkpa, dɛ́ jemɛ kɛŋɔ o ta wahala nae pɛɛpɛɛ. N bonɔɔ o waa aa toɡra, o lɛ nɛndamanta wechɔɡa che nomanta, mɛɛ che o seo la taa, dɛ́ kpɔ ba wechɔɡa kɛ ba.

Yela 38:4

N wechɔɡa ɡwaa n nɛɛ kohona, a do kɛ bontɔɡa maa wola won che.

Nehemia 9:34

Ya koranar ne nomonome ne sɔfore, dɛ ya naawa ta he Mmarare ta teŋɛ. Ba ta waa haa do ba a ta ne waa haa kah ba ta teŋɛ.

Nɛra Kura 18:23

Lewi dea tenaa chɛ kɛŋɔ báa ɛ n Dea Cheremibɔr bela toma, ásɛ dɛ toma ane ta aŋwɛnɛ ta kpɔe yaa, banee dɛ́ dɔ a deŋnetɛra le n be. A ɡɛ waa nɔ ɛɛ chɔ lee dɛɛ la, hale naanar baa ka ba bwa bini. Ba te ta kapɛrɛ bɛlbwa dɔe Israel tena bini.

Nɛra Kura 5:31

Baa la te aa bolchɔɡee di a ɡɛ waa nɔ ta, dɛ haah la di bolchɔɡe aa, o ɡboo dɛ́ dɔ deŋnetɛra o wechɔɡa la wa.”

Lewi Dea Tena 19:8

Nomɛlbwa waa di ɡɛ ol la chɛ kɛ bá tɛr o deŋne, dɛkalkɛ o chɔɡ kwaa aa do ɡoroŋ dɛ tɛ men Korowii. A chɛ kɛ ba pere naate le o nɛra bini.

Mumpar 4:13

Anee Keen ŋɔ Korowii be ŋɔ, “N wechɔɡa maa ɛa nɔ kembɔr ɡwaa n nɛɛ kohona to.

Ɛsekeɛl 14:11

Anee dɛ́ ɡel Israel tena berɛ ba n be, dɛ́ ɡel wechɔɡa ta teŋa, dɛ bɛ doŋa kpɔ kah ba te. Baa ɛɛ n nɛraa, ásɛ n ɛ Korowii baa dɛɛ tom mɛ. Men Nemenɛ Korowiirii bola.’ ”

Ɛsekeɛl 44:12

Baa tomɛ voɡa dɛ ɡel Israel tena ɛ wechɔɡa nomanta, n ir nɔn dɛ ŋwɛɛ kɛŋɔ a chɛ kɛ ba dɔ deŋnetɛra ba wechɔɡa la wa. Men Nemenɛ Korowiirii bola.

Malakae 2:8

Kɛ he sɔfore le ŋwɛnɛdɛɛɡe la ta, he webaɡla ɡelɔ nɛra ɡalɡa lɔ naa dɛ nyoɡre, dɛ chɔɡ fɔo n ne Lewi dea tena aa fɔwa la.

Sɛɡla 11:31

Nɛndɛɛɡa dɛ dɔ ba wedɛɛɡa kembɔr harɛ nɔ ta naa, ɡɛɛ wechɔɡ-ɛɛra baa wola Korowii ɔmɛ la, ɛɛ ba ba wechɔɡa kembɔr dɔe.

Hosia 4:9

Gɛ maa dɛ ba nɛra la ɛɛ laanee mɛɛ ba he sɔfore ɡe ɛɛ. Men Korowii ɛɛ tɛr he bwa deŋnee, dɛ bɔ heyaa kem a wa.