Ɛsekeɛl 44:1 - mzwDBL

¹ Belaa baa la lawɛ men Ɛsekeɛl ba Korowii Dea la wee leebɔr doonyoa la ta, dɛ o tɔɔ.

Ɛsekeɛl 44:1 ပူးပေါင်းရင်းမြစ်များ

Ɛsekeɛl 43:1

Baa la kpɔ men Ɛsekeɛl ba Korowii Dea wee leebɔr doonyoa la ta,

Ɛsekeɛl 42:14

Sɔfore la baa jo Korowii Dea dɛ ɛ ba toma tonaa, ba bɛ le kaa habɔɔ dembaah bela. Bá foo laala baa doa ɛ toma la bil deene la bini, dɛkalkɛ a do ɡoroŋ. Bá do laala pɛɛne mɔɔ dɛ́ le kaa nɛra la bini.”

Ɛsekeɛl 40:17

Baa la kpɔ mɛ jo habɔɔ dembaah la bini. Bela la, n na deene fifraatoro baa maa pɛl danjwɛɛ la, ne ŋwɛnɛ bɛl baa mao bwea ne o ir nyundua, dɛ bar dembaah la cheme.

Ɛsekeɛl 40:6

Belaa o kaa doonyoa waa chaɡɛ wee leebɔr la ta, dɛ ka che kon baa cheɡɛ o ta dɛɛ teeh la, dɛ teeh kaa nyundua dɛ ka maɡɛ doonyoa waa lɔ bela ɡe, o ɡe lɔ naɡale anuanaarɛ.

Ɛsekeɛl 46:1

Nemenɛ Korowii ŋɔ, “Doonyoa waa lɔ bini dembaah o sie chaɡɛ wee leebɔr la chɛ kɛŋɔ ó tɔ tɔpera anumɛl baa dɛ ɛ toma la, kɛ Ona Tɔpere ne Korobifale Tɔpejena dii ta te, a chɛ kɛŋɔ hé pilu.

Ɛsekeɛl 43:4

Korowii jirima la cheɡɛ wee leebɔr doonyoa la ta, dɛ ba su o Dea la bini.

2 Webena 33:5

Korowii Dea dembaahna anɛ la bini la, o ɛ kwaa baa dɛ ɛ saraha a ta, baa tomɛ kwaa aa lɔ nyundua kɛŋɔ wee ne korobie, dɛ weweela.

2 Webena 20:5

Ate, Kooro Jehosafat ir che nɛra baa le Juda ne Jerusalam bwa sie, Korowii Dea dembaah onfale la sie,

2 Webena 4:9

Kooro Solomɔn ɡelɔ ba ɛ dembaah Korowii Dea la bini ne o baŋ tɛ sɔfore. Gbeni aa lɔ dembaah doonyoo la baahna la, ba kpɔ ayaawa ɛ a bwara.

1 Webena 9:18

dɛ so doonyoa bɛl nyoa baa yerɔ Kooro Doonyoa wee leebɔr. Dɛ banɔɔ dɛɛ daah bela Lewi dea tena aa soɡa la doonyoo a ɡɛ saŋ.

Ɛsekeɛl 46:12

Kooro la dɛ ba ba ɛ saraha aa le o bambile ta, dɛ saraha kwaa baa fuah kɛɛ dɛ deŋnesɔɔhna sarahare dɛ kpoa tɛ mɛ naa, bá pili doonyoa o sie aa chaɡɛ wee leebɔr la tɛo ó jo. A chɛ kɛ ó ɛ saraha kwaa baa fuah kɛɛ deŋnesɔɔhna saraha kwaa la ɡɛ waa dɛ ɛ Ona Tɔpere ta la. Ásɛ dɛ o baa le kaa laa, ba laa ɡbera la tɔ.