Ɛsekeɛl 43:22 - mzwDBL

²² Tɔɔ perɔ aa, a chɛ kɛ he lawɛ bombal waa wola kirihiah bɛlbwa dii, ba ɛ wechɔɡa kpɔe dɛ kɛ saraha, ásɛ dɛ kpɔ o chal laa doŋa kpɔ saraha kon la ta, ɡɛ haa kpɔ nabale la ɛ la.

Ɛsekeɛl 43:22 ပူးပေါင်းရင်းမြစ်များ

Ɛsekeɛl 43:20

Kpɔ o chal la ane ɛ kwaa anaarɛ aa do kɛŋɔ nyeɡlare dɛ paaɡe saraha kon la loŋkoni ta la ta, dɛ́ kpɔ ane ɛ o doa bela waa kana la, ne kon waa bar o nyoo ta bwa bar. Gɛɛ hɛɛ ba ɛɛ dɛ́ laa doŋa bɛlbwa kpɔ saraha kon la ta, ó do ɡoroŋ.

1 Pita 1:19

Yeesu Kristo waa do kɛ saraha pebie doŋa bɛlbwa aa wola toole o nɛ, waa wola kirihiah bobɛlbwa dii la, o ɡbaɡba chal nee Korowii yawɛ heya.

Aesaya 53:10

Korowii ŋɔ, “Men Korowii tetooraa ba doo bol, o na wahala. O seo la ɛ bolchɔɡe dii saraha, dɛ kpɔ nɛra wechɔɡa baa ɛa dɛɛ kɛ ba. Waa wona ɛ ɡɛ la, wɛɛ dɔ mkpajaŋee dɛ́ na o naanar, ásɛ a che o nɛɛ waa men Korowii aa maɡla bil la ɛ kɛrɛdɛ.

Aesaya 53:6

Ya bwa do kɛ peera aa kpaŋa ken, bɛlbwa ɛɛ kaa bela waa dɛ nyin, asɛ Korowii ɡel deŋnetɛra a fe aa chɛ yaa la bwa ba o nɛ.

Lewi Dea Tena 1:10

Dɛ nomɛlbwa saraha kon ɛ kondɛɛre kɛŋɔ pee, kɛɛ booh naa, o ɛ ombal waa wola kirihiah bɛlbwa dii.

Lewi Dea Tena 16:18

Wɛɛ berɔɔ le ba saraha kon la ta bela n sie, dɛ́ ba laa doŋa bɛlbwa kpɔ o ta. A chɛ kɛ ó kpɔ nao la chal la ane ne booh la chal ane, dɛ́ kpɔ ɛ kwaa aa paaɡe saraha kon la loŋkoni bwa ta.

Ɛsekeɛl 45:18

Waa Nemenɛ Korowii aa dɛ bol laanee nɔ. Korobiloɡle la tɔpere waa tɔ sie ta, a chɛ kɛ he lawɛ nabale waa wola kirihiah bɛlbwa dii dɛ́ kpo, dɛ́ ba laa doŋa kpɔ n Dea la ta.

Lewi Dea Tena 4:23

Dɛ o berɔ ba na kɛŋɔ o ɛ wechɔɡa aa, a chɛ kɛ o lawɛ bombal waa wola kirihiah bɛlbwa dii ba ɛ saraha.

Lewi Dea Tena 4:26

Ó kpɔ o noo la bwa, ásɛ dɛ fuah saraha kon la ta ɡɛ baa ɛa dɛɛ fuh deŋnesɔɔhna saraha kwaa la. Gɛɛ sɔfo la ɛɛ ba ɛɛ, dɛ́ soŋe naate la wechɔɡa n be, ásɛ n kpɔ kɛo.