Ɛsekeɛl 43:19 - mzwDBL

¹⁹ A chɛ kɛ he lawɛ nabale ɛ wechɔɡa kpɔe dɛ kɛ saraha tɛ Lewi dea tena baa ɛ sɔfore dɛ ɛ Sadɔk naanar. Banee dɛɛ ba n sie dɛ baa tom mɛ. Men Nemenɛ Korowiirii bola.

Ɛsekeɛl 43:19 ပူးပေါင်းရင်းမြစ်များ

1 Koranar 2:27

Gɛɛ a do Kooro Solomɔn le Abiata sɔfore dii ta, dɛ ɡel waa Korowii aa bola Silo, a ɛ sɔfo Eli dem waa la ɛ kpela.

1 Koranar 2:35

Kooro kpɔ Bɛnaya chiɡ Joab naa ta kɛŋɔ laa sitɔɔ, dɛ kpɔ Sadɔk chiɡ sɔfo Abiata ɡe naa ta.

Aesaya 61:6

Baa yerɛ heyaa Korowii sɔforee, ne Korowii haa dɛ tomɔ la bonɔɔna. Harɛre nɛra kondɔɔh ɛɛ ɛ he kwaa, ásɛ he koh a waa dɛɛ ɛ mbarafo.

Aesaya 66:22

Korowii ŋɔ, “Gɛ harɛfale la ne nyundufale maa dɛ́ ba tae a che n kpeɡri ta dɛ́ che kiŋkiŋ la, ɡɛɛ he ne he naanar sɔna ɛɛ ba cheɡa.

Ɛsekeɛl 40:46

asɛ onɔ la o ɡe sie aa chaɡɛ weekaŋle nyunduabɔr la ɛ sɔfore baa dɛ nyiŋi kon baa dɛ ɛ saraha o ta la kon. Banee Sadɔk naanar, ba ɡboo ɛ Lewi dea tena baa dɛ ba wona la Korowii sie dɛ́ kaa tomɔ.”

Ɛsekeɛl 43:23

Haa laa doŋa bɛlbwa kpɔ saraha kon la ta tonɛ la, kpɔ nabale ne pebal a bɛlbwa aa wola kirihiah dii le he kondɛɛra bini ba tɛ mɛ.

Ɛsekeɛl 44:15

Kɛ Sadɔk naanar baa ɛ Lewi dea sɔfore dɛ kpɔ kasinteŋ ba tom mɛ n Dea bela, ɡɛ saŋ Israel tena aa le n habɔɔ la, banee ba n sie bela dɛ ba tom mɛ. Kɛ taraken, bá ba che n sie dɛ́ kpɔ ola noorare ne a chale ɛ sarahare dɛɛ tɛ mɛ. Men Nemenɛ Korowiirii bola.

Ɛsekeɛl 45:4

Belaa dɛ́ ɛ bɔr tɛ sɔfore baa ba n sie dɛ́ baa tom mɛ. Belaa ba deene ne n Dea waa ɛ boɡoroŋ la ɛɛ ba cheɡa.

Ɛsekeɛl 48:11

Wɛɛ ɛ sɔfore la konee, Sadɔk naanar baa tom mɛ kasinteŋ ne, ba ta n ŋwɛnɛ ta leɛ, kɛŋɔ Lewi dea tena la bane aa ɛa ɡɛ saŋ Israel tena aa berɛ habɔɔ kpo mɛ la.

Nɛra Kura 16:40

ɡɛ Korowii aa cheɡɛ Mosis nɛɛ dɛ baɡle Eliasa la. Anɔɔ dɛ́ ja Israel tena kɛ nomɛlbwa waa wola Arɔn naa mun leɛ ta chɛ kɛ ó la Korowii sie ka fuh daawiile. Bɛlbwa ɛ ɡɛ naa, Kora ne o bala waa aa puu ba laanee wɛɛ ba nae.

Nɛra Kura 16:5

Belaa o ŋɔ Kora ne o bala baa ja o nɛɛ la bwa be ŋɔ, “Kere chɔɔ Korowii ɛɛ ɡeloo yá jemɛ naate waa ɛ o nɛn, dɛ́ ɡel naate ba o sie. Nomɛlbwa waa leo laanee dɛɛ ba wona la o sie.

Nɛra Kura 18:5

He ɡbabir chɛ kɛŋɔ hé nyiŋi Boɡoroŋ la ne kon baa dɛ ɛ saraha o ta la ta, ásɛ n baah bɛ Israel tena la nɛɛ ba di kpa.

2 Kɔrent 5:21

Dɛ wechɔɡa bɛlbwa toole Yeesu Kristo nɛ, kɛ ya kɛrɛdɛ nomanta, Korowii ɡelɔ o lɛ ya wechɔɡa che, ásɛ dɛ ya ne o pɛo waa, ya waa won su Korowii siwi ó lɛ yaa kɛ nɛndɛɛɡaa yan.

Hibru 7:27

O ta doe kɛŋɔ Lewi dea Sɔfonomonome la baa dɛ ɛ wechɔɡa saraha tɔpere bɛlbwa la. Ba te chɛ kɛ ba tɔ sie ɛ ba ɡbaɡba wechɔɡa saraha mɔɔ dɛ ɛ nɛra la ɡe wechɔɡa saraha. Saraha beŋkpoŋ ɡboo Yeesu ɛ, bɛl ta jae kpa. O kpɔ o te ɡbaɡba ɛ saraha.

1 Pita 2:5

he ɡe do kɛ bwea aa dɔ mkpa. Hé ɡel o kpɔ heyaa ma Korowii Dea ásɛ he ɛ Korowii sɔfore haa do ɡoroŋ, ásɛ dɛ che Yeesu Kristo nɛɛ dɛɛ tomɛ Korowii bambile bwa ne a ɛ saraha dɛɛ su o siwi.

1 Pita 2:9

Kɛ he te la, Korowiirii le heya. O Kora sɔforee heya. He do ɡoroŋ. He ɛ o nɛra waa le heyaa ŋɔ hɛ́ɛ bol o nyokpowaa waa ɛa. On le he ne biro ta dɛ ba he ne o bochaah waa wera kohona la ta.