Ɛsekeɛl 43:15 - mzwDBL

¹⁵ Saraha kon la nyundua bela baa kpo kwaa dɛɛ fuah la lɔ naɡale anumɛl, asɛ kwaane aa do kɛŋɔ nyeɡlare anaarɛ paaɡe o loŋkoni ta.

Ɛsekeɛl 43:15 ပူးပေါင်းရင်းမြစ်များ

Kaala 27:2

Sɛh o loŋkoni anaarɛ la bwa á kaa nyundua tama kɛŋɔ nyeɡlare ken. Daa beŋkpoŋii chɛ kɛ he kpɔ ɛ saraha kon la ne o nyeɡlare bwa, kpɔ ayaawa ɛ o bwara.

Yela 118:27

Korowii beŋkpoŋ ɡboo lole, on sune ya nɛɛ dɛ lɛ yaa. Hé pa he tɔpejen dii la mun, dɛ́ kpoŋe bambie daa, dɛ́ ka valɛ bar kwaa aa do kɛ nyeɡlare, dɛ do Korowii saraha on la bɔr la.

Lewi Dea Tena 9:9

Asɛ o bibaala kpɔ chal la ba tɛo, o kpɔ nonii do a ta dɛ ɛ ane ɛ kwaa aa paaɡe saraha kon la loŋkoni ta la ta. Dɛ fuɡe chal la kabora ta saraha kon la mun ta.

Aesaya 29:7

Harɛre nɛra baa wara, dɛ pu Jerusalam dɛɛ yo, dɛ ka kuuɡi o dekpeɡa, dɛ baro dɛ tɔ o nɛra do la, ba bwa waa ɛɛ kaaloo kɛŋɔ, haa na waane dɛ deera jwaana ken.

1 Koranar 2:28

Joab aa wola Absalɔm chae o di kora dɛ cha Adonija la, waa noa kɛŋɔ ba kpo Adonija la, o chwao ka jo Korowii Tɛnte Dea la bini, dɛ ka lawɛ kwaa aa do kɛŋɔ nyeɡlare dɛ paaɡe kon baa dɛ ɛ saraha o ta loŋkoni la kpoŋe.

1 Koranar 1:50

Dɛ Adonija ɡbabir dɛ ɔmɛ Kooro Solomɔn, anomanta, o iro jo Korowii Dea Cheremibɔr la bini, dɛ ka lawɛ kwaa aa paaɡe saraha kon la loŋkoni ta kɛŋɔ nyeɡlare la kpoŋe.

Ɛsekeɛl 43:20

Kpɔ o chal la ane ɛ kwaa anaarɛ aa do kɛŋɔ nyeɡlare dɛ paaɡe saraha kon la loŋkoni ta la ta, dɛ́ kpɔ ane ɛ o doa bela waa kana la, ne kon waa bar o nyoo ta bwa bar. Gɛɛ hɛɛ ba ɛɛ dɛ́ laa doŋa bɛlbwa kpɔ saraha kon la ta, ó do ɡoroŋ.

Kaala 27:1

Korowii berɔ ŋɔ Mosis be ŋɔ, “Kpɔ akaasia daa kwaa kon baa ɛ saraha o ta dɛɛ tɛ mɛ. Gel o jaŋne ne o paɡri bwa ɛ beŋkpoŋ. O jaŋne ɛ naɡale anuanɛ ne tama, o paɡri ɡe naɡale anuanɛ ne tama. O daŋa ɡe ɛ naɡale anaarɛ ne tama.