Ɛsekeɛl 42:20 - mzwDBL

²⁰ Gɛɛ o maɡɛ baŋne anaarɛ la bwa. Danjwɛɛ baro, asɛ o jaŋne ɛ naɡale lafraanuanɛ fifraanue, o paɡri ɡe ɛ naɡale lafraanuanɛ fifraanue, dɛ pere bɔr waa do ɡoroŋ la le bɔr waa wola ɡoroŋ doe la ta.

Ɛsekeɛl 42:20 ပူးပေါင်းရင်းမြစ်များ

Yelsom 2:9

N sɛnodɛɛɡe ɡbaŋre kɛŋɔ chwae kɛɛ kweɡlibale, onee ka cheɡa pɛl danjwɛɛ dɛɛ nyiŋi tokorore ta la.

Aesaya 25:1

N Naa Korowii, henee mɛɛ tomɛ, mɛɛ tɛɛ sɔnee dɛ́ kpɛɛre. He ɛ nyokpowa, waa haa maɡla bil saŋ la, he ɛa kasinteŋ ne.

Aesaya 26:1

Tɔpere bɛl dɛ ba, ásɛ Juda harɛ nɛra ɡo yel nɔ harɛ la ta. Ya dɔ bwɛjen danjwɛkpeɡ aa baro name, Korowii ɡbabirii cheɡɛ ya habɔɔ, dɛɛ nyiŋi danjwɛɛ waa baro ta.

Aesaya 60:18

Haa yoi ɡbɔɡaa no he harɛ ta kpa, wobɛlbwa aa chɔɡ he harɛ ta kpa bwa. Mɛɛ tɔe ɡbemɡbee kɛŋɔ danjwɛɛ ken dɛ́ lɛɛ, ásɛ he kpɛɛ mɛ, lɛɛ maa lɛɛ ta la wa.

Ɛsekeɛl 22:26

Sɔfore ɡe vɛh me Mmarare ta teŋa. Baa waa aa do ɡoroŋ, ne anɔ la aa wola ɡoroŋ bini peɡri. Baa waa aa wera, ne anɔ la aa wola were ɡe baɡle, dɛ ɡel n Ona Tɔpera ɡe dii, a che a ta Israel tena vɛɛh mɛ.

Ɛsekeɛl 40:5

N na danjwɛɛ waa bar Korowii Dea la cheme. Baa la kpɔ o daa la o jaŋne aa ɛ naɡale anuanaarɛ maɡɛ danjwɛɛ la. O bare lɔ naɡale anuanaarɛ, o jaŋne dɛ́ kaa nyundua ɡe lɔ naɡale anuanaarɛ.

Ɛsekeɛl 42:19

Belaa o berɛ sie chaɡɛ wee cholibɔr pera ɡe dɛ maɡɛ. O ɡe ɛ naɡale lafraanuanɛ fifraanue.

Ɛsekeɛl 43:12

Mmara waa chɔ le dɛ tɛ Korowii Dea laanee teŋa nɔ. Bwejen la doa ne bɔr waa baro bwa chɛ kɛŋɔ ó do ɡoroŋ kohona.

Ɛsekeɛl 44:23

A chɛ kɛ sɔfore la chaɡle n nɛra wa, dɛ́ ɡel ba jemɛ kwaa aa do ɡoroŋ ne kwaa aa wola ɡoroŋ doe, dɛ́ pere kwaa doŋa aa lɔ a ta le kwaa doŋa aa wola toole a ta.

Ɛsekeɛl 45:2

A ɡɛ bɔr la jaŋne ne o paɡri ɛ naɡale kaɡboŋa lafraanuanɛ lafraanue, ásɛ n Dea la che o baah ta, ásɛ harɛ chɔ dɛ́ ɛ naɡale fifraanuanɛ dɛ anue dɛ́ baro.

Ɛsekeɛl 48:15

Harɛ la kabora o paɡri aa ɛ naɡale kaɡboŋa anuanɛ lafraanue, o jaŋne ɡe ɛ naɡale kaɡboŋa fifraatoro dɛ anuanɛ lafraanue la ɛ nomɛlbwa bɔr harɛ la ta tena aa do deene, ne bela ba kondɛɛra aa dɛɛ di, ásɛ bwɛjen la do baah ta.

Ɛsekeɛl 48:20

Harɛ la bwa ɛ fɔɔskwɛɛ. Naɡale kaɡboŋa fifraatoro dɛ anuanɛ lafraanue baŋ bɛlbwa ta. A chɛ kɛ bá le n Dea la harɛ ó korɛ ja bwɛjen la kon ta.

Lewi Dea Tena 10:10

A chɛ kɛŋɔ hé pere kwaa aa do ɡoroŋ le anɔ la aa wola ɡoroŋ doe ta, ne kwaa doŋa bɛlbwa aa wola toole o ta le anɔ la doŋa aa lɔ o ta,

Maeka 7:11

Jerusalam tena, tɔpere bɛl dɛ ba ásɛ he berɛ kwaa ma he bwɛjen danjwɛɛre la, dɛ́ paɡri he harɛ jwɛhre kaa sie.

Sekaria 2:5

Korowii ŋɔ wɛɛ ɛo kɛŋɔ nii, dɛ́ bar bwɛjen la kɛŋɔ danjwɛɛ ken, dɛɛ daah bwɛjen la, ásɛ dɛ so o baah ta o jirima ne.”

Amanesoma Luk Aa Chwera Tɔn 16:26

Hale n ŋɔ o ba bela kwaraa noo, waa won ba, dɛkalkɛŋɔ bɔjen bɛl lɔ ya ne he baah ta, nomɛlbwa waa lɔ bonɔ dɛɛ nyin o ba bela haa lole la aa wola won ba, asɛ nɛra baa lɔ he be bela dɛɛ nyin dɛ ba bonɔ la ɡe aa won ba.’

2 Kɔrent 6:17

Anomanta, n bolɔ ŋɔ, ‘Hé le ba bini! Hé pere he te le ba nɛɛ kwara! He bɛ komɛlbwa waa kah doŋa leɡe, ásɛ n lɛ heya,