Ɛsekeɛl 42:14 - mzwDBL

¹⁴ Sɔfore la baa jo Korowii Dea dɛ ɛ ba toma tonaa, ba bɛ le kaa habɔɔ dembaah bela. Bá foo laala baa doa ɛ toma la bil deene la bini, dɛkalkɛ a do ɡoroŋ. Bá do laala pɛɛne mɔɔ dɛ́ le kaa nɛra la bini.”

Ɛsekeɛl 42:14 ပူးပေါင်းရင်းမြစ်များ

Aesaya 61:10

N dɛ hɛɡre kohona waa Korowii maa dɛ tomɔ aa ɛa nɔ wa. O kpɔ laala ne waa aa toɡra ɛ batakaare do mɛ dɛ lɛɛ mɛ. N wer kɛŋɔ hanfale ne o jaa aa kpɔ ba te kɛrɛdɛ dɛɛ kaa ba cheremibɔr ken.

Ɛsekeɛl 44:1

Belaa baa la lawɛ men Ɛsekeɛl ba Korowii Dea la wee leebɔr doonyoa la ta, dɛ o tɔɔ.

Ɛsekeɛl 44:19

Mɔɔ ba le ka jo habɔɔ dembaah la ta bela nɛra aa lole la, bá foo laala baa doa ɛ toma la bil deene aa do ɡoroŋ la bini. Bá kpɔ laala pɛɛne do, ásɛ a bɛ waa kpɔ ba ta nɛra la nɛ.

Lewi Dea Tena 16:23

Arɔn tonaa, ó berɛ jo n Dea Cheremibɔr la bini, dɛ́ ka foo sɔfo laala waa kpɔa do mɔɔ dɛ jo Boɡoroŋ Tenten bela la bil.

Lewi Dea Tena 16:24

A chɛ kɛ ó ka sɔ nee bɔr waa do ɡoroŋ, dɛ́ berɛ kpɔ laalafala do. Ásɛ dɛ le ka kpɔ o ne Israel tena saraha kwaa baa fuah la fuh, dɛ́ soŋe o ne Israel tena bwa wechɔɡa, ásɛ n kpɔ kɛ ba.

Lewi Dea Tena 8:13

Mosis berɔ lawɛ Arɔn bibaala la ba che o sie, dɛ do ba batakaani Arɔn aa dɛ doo mun ta la dɔŋa, dɛ kpɔ kirisore vɔwɛ ba chara dɛ kpɔ yale vɔwɛ ba nyuune ta, ɡɛ Korowii aa doo la.

Lewi Dea Tena 8:7

Dɛ kpɔ batakaare baa dɛ doo mun ta ne onjaŋ la do Arɔn, dɛ kpɔ o kiriso vɔwɛ o chara. Dɛ berɛ kpɔ batakaarebora efɔd la doo, dɛ lawɛ kon baa nyarɔ kwaa do o ta kɛrɛdɛ, dɛ do batakaarebora efɔd la nyoo la vɔwɛ Arɔn chara a che kɛrɛdɛ.

Amanesoma Luk Aa Chwera Tɔn 9:62

Anee Yeesu ŋɔ o ɡe be ŋɔ, “Nomɛlbwa waa pa mun dɛɛ ba para dɛ ka kpɔ par, o nyu bini berɛ dɛɛ ɛo anɛnɛ la aa won parɛ a maɡre. Gɛɛ a do kɛŋɔ nomɛlbwa waa kpɔ o te kɛŋɔ wɛɛ ja Korowii Kora la taa la bɛ berɛ dɔ liire anɛ kpa.”

Tɔn Pɔɔl Aa Chwerɛ Rom Tena 13:14

Hé kpɔ ya Dɔɔ Yeesu Kristo waa ɛ dɔmkwa, dɛ́ laa sie kpɔ he nɛwɛnyini mar wechɔɡa aa suu nɔ tetoowaa ta.

Tɔn Pɔɔl Aa Chwerɛ Rom Tena 3:22

Yeesu Kristo yaradae taa a che nɛra wa ɛɛ su Korowii siwi. Nomɛlbwa waa dɛ yarada Yeesu waa la, o waa dɛ su Korowii siwi, dɛkalkɛŋɔ nɛwɛnyini bwa beŋkpoŋ Korowii be.

Galaasia 3:27

He banɔ la ba fa aa sɔ heyaa Korowii nee asɛ he ne Yeesu Kristo ɛ beŋkpoŋ la, Yeesu Kristo daa he kpɔ ɡɛ la.

1 Pita 5:5

He bonɔɔna ɡe la, hɛ́ɛ tɛ he nomonome duure. Hé bwa pwɛr he te dɛɛ tɛ dɔŋa, dɛɛ cha dɔŋa, dɛkalkɛŋɔ Korowii Tɔn bolɔ ŋɔ, “Korowii ne mbarafo tena aa jo, kɛ o dɛ sune nɛra baa dɛ pwɛr ba te nɛɛ dɛɛ cha ba.”