Ɛsekeɛl 42:13 - mzwDBL

¹³ Baa la ŋɔ men Ɛsekeɛl be ŋɔ, “Deene aa lɔ weekaŋle nyunduabɔr, ne anɔ la aa lɔ weekaŋle harɛbɔr a sie chaɡɛ Korowii Dea dembaah bela la, ɛ sɔfore deene. Belaa sɔfore baa dɛ ba men Korowii sie la ɛɛ ba saraha kwaa aa do ɡoroŋ kohona la dɛɛ dii. Deene la aa do ɡoroŋ kohona nomanta, a binii baa ba saraha kwaa aa do ɡoroŋ kohona kɛŋɔ mea sarahare, ne wechɔɡa kpɔe dɛ kɛ sarahare, dɛ bolchɔɡe dii saraha kwaa kpɔe dɛɛ cheɡ.

Ɛsekeɛl 42:13 ပူးပေါင်းရင်းမြစ်များ

Nehemia 13:5

Asɛ Eliasib kpɔ dejen ba fa aa dɛ cheɡ mea baa kpɔa ba ɛ saraha ne daawiile, ne laala bwa soo siwi aa lɔ Korowii Dea, ne mea baa bɔne a bini bɔre fi bini bɔrbeŋkpoŋa, ne senfala dɛ ɔleve noo aa chɛ kɛ ba kpɔ tɛ Lewi dea tena, ne Korowii Dea yelɡoola dɛ nɛra baa dɛ nyiŋi doonyoo ta, dɛ anɔ la baa kpɔ tɛ sɔfore bwa, do Tobia nɔn ta.

Kaala 29:31

Kpɔ pebal la baa kpɔ doo sɔfore toma ta la, dɛ́ daalo bɔr waa do ɡoroŋ.

Ɛsekeɛl 40:38

Dea bɛl pɛl bela baa cheɡa dɛɛ jo, doonyoo aa lɔ dem waa lɔ bini la bɛlbwa, belaa baa yaɡle saraha kwaa baa dɛ fuah la.

Ɛsekeɛl 40:46

asɛ onɔ la o ɡe sie aa chaɡɛ weekaŋle nyunduabɔr la ɛ sɔfore baa dɛ nyiŋi kon baa dɛ ɛ saraha o ta la kon. Banee Sadɔk naanar, ba ɡboo ɛ Lewi dea tena baa dɛ ba wona la Korowii sie dɛ́ kaa tomɔ.”

Ɛsekeɛl 41:12

Dea o sie aa chaɡɛ Korowii Dea dembaah wee cholibɔr pera la paɡri lɔ naɡale lafa dɛ anue. Danjwɛɛ la bare lɔ naɡale anuanɛ ne tama dɛ bar, o jaŋne ɡe lɔ naɡale lafa fifraatoro dɛ anue.

Ɛsekeɛl 42:1

Baa la tɔ men Ɛsekeɛl sie, dɛ la n ne Korowii Dea weekaŋle nyunduabɔr o habɔɔ dembaah la ta, dɛ kpɔ mɛ jo deene a sie aa chaɡɛ Dea la dembaah, ne danjwɛɛ waa lɔ o baŋ bɛl weekaŋle nyunduabɔr pera.

Ɛsekeɛl 42:10

Habɔɔ dembaah weekaŋle harɛbɔr la, danjwɛɛ le bela dɛ ba Korowii Dea dembaah la ta. O lɔ danjwɛɛ waa lɔ o habɔɔ la baŋ bɛl, asɛ deene do bela,

Lewi Dea Tena 10:17

“Ɛrɛɛ he ta wechɔɡa kpɔe dɛ kɛ saraha kon la ka dii Korowii Dea nɔɔ? O do ɡoroŋ kohona ba kpɔ tɛ heyaa kɛŋɔ hé kpɔ soŋe nɛra la wechɔɡa Korowii sie ó kpɔ ba wechɔɡa kɛ ba.

Lewi Dea Tena 10:3

Ate, Mosis ŋɔ Arɔn be kɛŋɔ anɔ waa Korowii fa bol ŋɔ, “Nɛra baa dɛ ba n sie bwa la mɛɛ ɡeloo ba jemɛ kɛŋɔ n do ɡoroŋ. Baa dɛɛ duu mɛ nɛra la bwa siwi taa.” Asɛ Arɔn hel.

Lewi Dea Tena 14:13

Ó teŋe pee la baŋa boɡoroŋ bela baa dɛ kpoo wechɔɡa kpɔe dɛ kɛ saraha kwaa ne saraha kwaa baa fuah dɛɛ tɛ mɛ la. Gɛɛ chɛ kɛŋɔ ó ɛ, dɛkalkɛ bolchɔɡe dii saraha ne wechɔɡa kpɔe dɛ kɛ saraha kwaa la ɛ sɔfo la kwa. A ɛ kwaa aa do ɡoroŋ kohona.

Lewi Dea Tena 2:10

Men baa kpɔa ba ɛ saraha la kar ɛ Arɔn ne o bibaala kwa. A do ɡoroŋ kohona dɛ ɛ kwaa baa kpɔa ɛ saraha dɛ fuh tɛ mɛ.

Lewi Dea Tena 2:3

Men baa kpɔa ba ɛ saraha kar la ɛ Arɔn ne o bibaala kwa. A do ɡoroŋ kohona dɛ ɛ kwaa baa kpɔa ba ɛ saraha dɛ tɛ mɛ la bini ane.

Lewi Dea Tena 21:22

Kɛ wɛɛ won di saraha kwaa baa kpɔa ba tɛo la, anɔ la aa do ɡoroŋ kohona dɛ ɛ o kwaa la ne anɔ la aa do ɡoroŋ la bwa,

Lewi Dea Tena 24:9

Paanoo la ɛ Arɔn ne o bibaala kwa aa chɛ kɛ bá dia bela waa do ɡoroŋ, dɛkalkɛ paanoo laanee ɛ saraha kwaa aa do ɡoroŋ kohona, dɛ le saraha kwaa baa fuah dɛɛ tɛ Korowii dɛ ɛ Arɔn ne o bibaala dibɔr la ta.

Lewi Dea Tena 6:19

Korowii berɔ ŋɔ Mosis be ja ŋɔ,

Lewi Dea Tena 6:29

Baa bɛlbwa waa le sɔfore dea la dɔ ŋwɛnɛ kɛŋɔ o di ane. A do ɡoroŋ kɛrɛdɛ.

Lewi Dea Tena 7:1

Korowii berɔ ŋɔ, “Ŋwɛnɛre aa chɔ le tɛ bolchɔɡe dii saraha ɡee nɔ. A do ɡoroŋ kɛrɛdɛ.

Lewi Dea Tena 7:6

Baa te bɛlbwa waa le sɔfore dea la te won a dii. Kɛ bɔr waa do ɡoroŋee chɛ a dii, a do ɡoroŋ kɛrɛdɛ.

Nɛra Kura 16:40

ɡɛ Korowii aa cheɡɛ Mosis nɛɛ dɛ baɡle Eliasa la. Anɔɔ dɛ́ ja Israel tena kɛ nomɛlbwa waa wola Arɔn naa mun leɛ ta chɛ kɛ ó la Korowii sie ka fuh daawiile. Bɛlbwa ɛ ɡɛ naa, Kora ne o bala waa aa puu ba laanee wɛɛ ba nae.

Nɛra Kura 16:5

Belaa o ŋɔ Kora ne o bala baa ja o nɛɛ la bwa be ŋɔ, “Kere chɔɔ Korowii ɛɛ ɡeloo yá jemɛ naate waa ɛ o nɛn, dɛ́ ɡel naate ba o sie. Nomɛlbwa waa leo laanee dɛɛ ba wona la o sie.

Nɛra Kura 18:7

He ne he bibaala la ɡboo chɛ kɛ hé ɛ sɔfore toma kon baa dɛ ɛ saraha o ta ne pateesan la bini toma. N kpɔ sɔfore toma la dɛɛ kɛ heya. Nɛmpɛɛ bɛlbwa waa ba Boɡoroŋ la jwɛɛh la chɛ kɛ bá kpoo.”

Mmarare 21:5

Lewi dea tena baa ɛ sɔfore la tɔ sie, dɛkalkɛŋɔ Korowii haa dɛ tomɔ nɔɔ lee ba ŋɔ baa ɛ o toma dɛ́ soŋe andɛɛɡa dɛɛ tɛ nɛra o sɔn ta. Ba nyoa wobol taa bá che dɛ́ bol wobɛlbwa aa lɔ nɛra baah ta, ne dɔŋa lɔɔra waa bɛlbwa ta.