Ɛsekeɛl 41:22 - mzwDBL

²² Ba kpɔ daa kwaa kon baa dɛɛ ɛ saraha o ta. O daŋa lɔ naɡale anaarɛ ne tama, dɛ dɔ baŋne anaarɛ. Bɛlbwa lɔ naɡale atoro. Asɛ baa la ŋɔ n be ŋɔ, “Teebur waa cheɡɛ Korowii sie laanee la.”

Ɛsekeɛl 41:22 ပူးပေါင်းရင်းမြစ်များ

1 Koranar 6:20

Korowii Dea la bini tenten la paɡri lɔ naɡale fifraatoro, o jaŋne dɛ kaa nyundua lɔ naɡale fifraatoro, asɛ o jaŋne ɡe naɡale fifraatoro. Ba kpɔ suuɡaswɛm tenten kwaa o bini bwa, dɛ kpɔ peleme daa pɛɡle kon baa dɛ ɛ saraha o ta la bwa.

1 Koranar 6:22

Korowii Dea la bini bwa ne kon baa dɛ ɛ saraha o ta o do o bini tenten bela la, o kpɔ suuɡaswɛm ɛ a bwara bwa.

1 Koranar 7:48

Kooro Solomɔn berɔ kpɔ suuɡaswɛm ɛ Korowii Dea la bini laala. Anee, suuɡaswɛm kon baa dɛ ɛ saraha o ta, ne teeburre baa kpɔ paanoo baa bil o ta Korowii sie,

2 Webena 4:19

Kooro Solomɔn berɔ kpɔ suuɡaswɛm ɛ Korowii Dea la bini laala. Anee, suuɡaswɛm kon baa dɛ ɛ saraha o ta, ne teeburre baa kpɔ paanoo baa bil o ta Korowii sie,

Kaala 25:23

Kpɔ akaasia daa kwaa teebur, dɛ́ ɡel o jaŋne ɛ naɡale atoro, o paɡri ɛ naɡale beŋkpoŋ ne tama, ásɛ o daŋa ɡe ka tama ó ɡwaa naɡale anɛ.

Kaala 30:8

A chɛ kɛ ó berɛ ɛ ɡɛ tenten jɔmɔra bɛlbwa waa baa choŋi kandere la, ásɛ daawiile la ɛɛ fuh tɔperee te bwa men Korowii sie, ka tel ba naanar baa ka ba nɛ.

Sɛɡla 9:2

O kpo ol dɛ kpɔ ɛ kondikonjena, dɛ kpɔ konsɔɔhsoma ane koo sen ta, dɛ pa chɔŋre teebur ta.

Yelsom 1:12

N kooro taa chɔ o kara ta la, n nosɔɔhsoma sɔɔh lɛ bɔr bwa.

Ɛsekeɛl 23:41

Ba yon so kane aa wera ta, asɛ teebur che ba sie, ba kpɔ daawiile a sɔɔh aa soma, ne ɔleve noo aa ɛ n kwaa la chɔŋɛ o ta.

Ɛsekeɛl 44:16

Ba ɡboo dɔ ŋwɛnɛ dɛ́ jo n Dea la ta, banee dɛ́ suuh tel n saraha kon la, dɛ́ɛ ɛ n Dea bela toma bwa.

Lewi Dea Tena 24:6

Kpɔ paanoo la bil teebur waa cheɡɛ Korowii sie ba kpɔ suuɡaswɛm tenten ɛo la ta. A chɛ kɛ hé bila bɔre anɛ, anumɛl teŋɛ dɔŋa nɛ do baŋ bɛl, ásɛ anumɛl ɡe do baŋ bɛl ɡɛ tenten.

Malakae 1:12

Kɛ he sɔfore dɛ chɔɡ n sɔn dɛ ŋɔ n saraha kon la kah doŋa. He ŋɔ kondikwaa baa kpɔa dɛɛ ba o ta la ɡe ta jirima dɔe, dɛ ɛ konsale.

Malakae 1:7

Korowii ŋɔ, “He kpɔ kondikwaa aa kah doŋa dɛɛ ba n saraha kon ta. He berɔ ŋɔ, ‘Ŋwɛnɛ besoo taa ya kpɔ doŋa kah he saraha kon laɔ?’ He ŋɔ Korowii saraha kon la ta jirima kon ɛɛ.”

1 Kɔrent 10:21

Haa won nyɔ sen la yaa dɛ nyɔ dɛɛ lii ya Dɔɔ waa la, dɛ́ berɛ ka nyɔ Bɔnsam toroma la kwa. He ne ya Dɔɔ aa won pɛ nɔn di kwa, ásɛ he ne Bɔnsam toroma la ɡe berɛ pɛ nɔn di kwa. Aa ɡɛɛ maɡre!

Wepila 3:20

Hɛ́ɛ no! N cheɡɛ doonyoa dɛɛ lɔ ɡbera. Naate waa no n taa dɛ́ ba yaa mɛ la, mɛɛ jo o bee, n ne o pɛ nɔn di kwa.

Wepila 8:3

Nyundua torome bɛl balɔ dɛ kpoŋe suuɡaswɛm kon baa kpɔa dɛɛ fuh daawiile a sɔɔh aa soma, dɛ ka che bela baa fuh kwaa ɛ saraha dɛɛ tɛ Korowii la. Ba kpɔ konsɔɔhsoma la kohona tɛo o kpɔ ja Korowii nɛra ba wa aa toɡra wesoŋa la ta, dɛ fuah konsɔɔhsoma la fuih bɔr baa kpɔ suuɡaswɛm ɛo o che kookara la sie la.