Ɛsekeɛl 41:2 - mzwDBL

² Doonyoa la ɡbaɡba paɡri lɔ naɡale fi dɛ anue, asɛ o danjwɛɛre aa vaah le baŋ la paɡri ɛ naɡale anuanɛ ne tama. O berɔ maɡɛ Dea la bini ɡe. O jaŋne lɔ naɡale fifraanumɛl, asɛ o paɡri ɡe naɡale fifraatoro.

Ɛsekeɛl 41:2 ပူးပေါင်းရင်းမြစ်များ

1 Koranar 6:17

Dea waa lɔ Boɡoroŋ Tenten la sie jaŋne lɔ naɡale fifraanumɛl.

1 Koranar 6:2

Korowii Dea la sie jaŋne lɔ naɡale fifraanuanaarɛ, o paɡri naɡale fifraatoro, asɛ o jaŋne dɛ kaa nyundua ɡe lɔ naɡale fifraanaarɛ dɛ anue.

2 Webena 29:7

Ba berɔ laa Korowii Dea la ɡbeni tɔɔɡe, dɛ ɡel kandere la dirimi, dɛ vɛh daawiile a sɔɔh aa soma, kɛɛ saraha kwaa baa dɛ fuah fueh Korowii Israel tena aa dɛ tomɔ la Dea bini.

2 Webena 3:3

Korowii Dea Kooro Solomɔn aa pa o mun la, o jaŋne lɔ naɡale fifraanuanaarɛ, asɛ o paɡri ɡe naɡale fifraatoro.

2 Webena 3:7

O kpɔ suuɡaswɛm ɛ dawɛ daa baa kpɔa ɡo Korowii Dea la, ne o ɡbeni daa ne danjwɛɛre ne ɡbeni la ta, dɛ sɛh Kerobim dawɛ danjwɛɛre la ta.

Kaala 26:36

Korowii Tɛnte Dea doonyoa bela la, kpɔ jiseburum ne jisekɔl ne jiseswɛm dɛ jisepondɛɛɡe nyarɛ pateesan, dɛ́ ɡel nɛn waa dɔ kwaa sɔeh wejema ɛ kwaa dawɛ o ta, dɛ́ kpɔ saɡɛ o ta.

Kaala 36:37

Korowii Tɛnte Dea doonyoa bela la, ba kpɔ jiseburum ne jisekɔl ne jiseswɛm dɛ jisepondɛɛɡe nyarɛ pateesan, dɛ ɡel nɛn waa dɔ kwaa sɔeh wejema ɛ kwaa dawɛ o ta,

Ɛsekeɛl 47:1

Baa la berɔ kpɔ men Ɛsekeɛl ba Korowii Dea doonyoa la ta, asɛ n na nee aa pala le doonyoa bela dɛɛ kaa wee leebɔr pera, bela Korowii Dea la sie aa chaɡa la. Dɛ nee la palɔ le Korowii Dea la lɔɡa weekaŋle harɛbɔr pera, dɛɛ kaa saraha kon la weekaŋle harɛbɔr.

Amanesoma Jɔn Aa Chwera Tɔn 10:7

Yeesu berɔ ŋɔ ba be ja ŋɔ, “Kasinteŋ, n dɛ ŋɔ he be, n do kɛŋɔ peera leɡ doonyoa la.

Amanesoma Jɔn Aa Chwera Tɔn 10:9

Menee doonyoa la, ɡɛ peera aa cheɡɛ doonyoa dɛ jo dɛɛ le, dɛ dɔ kwaa dɛɛ di la, ɡɛɛ nomɛlbwa waa yarada mɛ la ɛɛ ba mkpa dɔe.