Ɛsekeɛl 41:18 - mzwDBL

¹⁸ ba ɛ Kerobim ne bambie daa dawɛ a ta. Bambie daa tɔ sie, asɛ Kerobim la teŋɛ, ɡɛɛ a do dɛ bar dea la bini. Kerob la bɛlbwa dɔ siebɔra anɛnɛ.

Ɛsekeɛl 41:18 ပူးပေါင်းရင်းမြစ်များ

1 Koranar 6:35

O ɡelɔ ba sɛh Kerobim ne bambie daa ne kwaa aa do kɛŋɔ daa fee dɛ dia ɡwine dawɛ ɡɛ ɡbeni la ta, dɛ kpɔ suuɡaswɛm ɛ a bwara kɛrɛdɛ ken.

1 Koranar 7:29

ba di kwaane kɛŋɔ nyujentena ne nabala dɛ kena kwaa ɡwine dawɛ a ta.

1 Koranar 7:36

Kerobim ne nyujentena ne bambie daa nee ba di ɡwine dawɛ kwaa aa do kɛ torɔɡo la bobɛlbwa bar cheme.

2 Webena 3:5

O kpɔ peleme daa marɛ dejen la bini danjwɛɛre ta, dɛ kpɔ suuɡaswɛm tenten ɛ a ta, dɛ ɛ kwaane kɛŋɔ bambie daa ne jɔɡrɔre dawɛ a ta.

2 Webena 3:7

O kpɔ suuɡaswɛm ɛ dawɛ daa baa kpɔa ɡo Korowii Dea la, ne o ɡbeni daa ne danjwɛɛre ne ɡbeni la ta, dɛ sɛh Kerobim dawɛ danjwɛɛre la ta.

Ɛsekeɛl 1:10

Siebɔra hweera kwaa anaarɛ la aa dɔa la kokoɡrɔ. Gɛ aa doa teŋa nɔ. Nɛn siebɔr lɔ o sie, nyujente siebɔr do diɡ, nabal siebɔr do ɡal, asɛ kee siebɔr do habɔɔ.

Ɛsekeɛl 10:14

Kerobim la bɛlbwa dɔ siebɔra anaarɛ. Onla waa tɔ sie do kɛŋɔ nabal siebɔr, nɛɛte do kɛŋɔ nɛn siebɔr, toorote do kɛŋɔ nyujente siebɔr, naarɛte la ɡe do kɛŋɔ kee siebɔr.

Ɛsekeɛl 10:21

Bɛlbwa dɔ siebɔra anaarɛ ne kena anaarɛ. A kena la bɛlbwa do kɛŋɔ nɛn nɔn aa lɔ o lɔɡa ken.

Ɛsekeɛl 40:16

Bɔjeɡre lɔ dejeɡre la habɔɔ danjwɛɛ ne bini danjwɛɛ la ta. Ba ɛ bambie daa maɡre bini danjwɛɛre aa chaɡɛ bɔr waa chɔa kaa la ta.

Ɛsekeɛl 40:22

Dea la bɔjeɡre ne bela baa cheɡa dɛɛ jo la, dɛ bambie daa baa ɛa dawɛ danjwɛɛ la ta o do wer la bwa, ba maɡa a ɛ kɛrɛdɛ, kɛŋɔ doonyoa waa chaɡɛ wee leebɔr la. Kwaa baa cheɡɛ a ta teeh dɛɛ kaa o ta anuanɛ lɔ bela, a sie chaɡɛ bela baa cheɡa dɛɛ jo la.

Ɛsekeɛl 41:17

Danjwɛɛre aa lɔ Korowii Dea la bini tenten la, ba ɛ kwaa dawɛ daa ta, dɛ kpɔ bɔle le nyundua ba ɡbeni la ta bwa,

Ɛsekeɛl 41:20

dɛ le Dea la harɛ kaa ɡbeni la nyundua.

Ɛsekeɛl 41:25

Korowii Dea la bini la, ba ɛ Kerobim ne bambie daa dawɛ a ɡbeni ta kɛŋɔ anɔ la baa ɛa dawɛ danjwɛɛre la ta la ken, asɛ daa bɛl saɡɛ bela baa cheɡa dɛɛ jo la sie.

Wepila 7:9

Anɔ la habɔɔ la, n nyiŋo dɛ na nɛnlaa nomɛlbwa aa wola won kur ba bela. Ba le wobol te bɛlbwa nɛra baa lɔ harɛ nɔ ta bobɛlbwa ta. Ba bwa do batakaarepoŋa, dɛ kpoŋe bambie daa a papooni do a ta, dɛ che kookara la ne Pebie la sie,