Ɛsekeɛl 40:39 - mzwDBL

³⁹ Bela baa cheɡa dɛɛ jo doonyoa ta la, teeburre anɛ cheɡɛ baŋ bɛlbwa ta. A taa baa kpoo saraha kwaa baa dɛ fuah, ne wechɔɡa kpɔe dɛ kɛ saraha, dɛ bolchɔɡe dii saraha kwa.

Ɛsekeɛl 40:39 ပူးပေါင်းရင်းမြစ်များ

Aesaya 53:10

Korowii ŋɔ, “Men Korowii tetooraa ba doo bol, o na wahala. O seo la ɛ bolchɔɡe dii saraha, dɛ kpɔ nɛra wechɔɡa baa ɛa dɛɛ kɛ ba. Waa wona ɛ ɡɛ la, wɛɛ dɔ mkpajaŋee dɛ́ na o naanar, ásɛ a che o nɛɛ waa men Korowii aa maɡla bil la ɛ kɛrɛdɛ.

Aesaya 53:5

Ya wechɔɡa waa ba doo bol, ya wechɔɡa waa ba lɔɔro. Gɛ aa ɛ yá dɔ bosɔɔhna waa o dɔ deŋnetɛra, á che a ta ya dɔ bokpeɡa.

Ɛsekeɛl 40:40

Bela baa cheɡa dɛɛ jo danjwɛɛ la habɔɔ, weekaŋle nyunduabɔr doonyoa, teeburre anɛ cheɡɛ baŋ bɛl dɛ bɛne kwaa baa cheɡɛ a ta dɛɛ teeh la, asɛ anɛ ɡe che a baŋ bɛl.

Ɛsekeɛl 40:41

Gɛɛ a do asɛ teeburre anaarɛ che doonyoa la baŋ bɛlbwa ta, a bwa ɛ teeburre anuatoro, baa kpoo kwaa baa kpɔa baa ɛ saraha a ta.

Ɛsekeɛl 40:42

Ba sɛh bwea ɛ teeburre anaarɛ ɡe tɛ saraha kwaa baa fuah dɛɛ ɛ sarahare. Bɛlbwa jaŋne ka tama o ɡwaa naɡale anɛ, o paɡri ɡe ka tama o ɡwaa naɡale anɛ, asɛ o daŋa ɡe ɛ naɡale beŋkpoŋ ne tama. A taa ba yon kpɔ kwaa baa kpɔa dɛɛ kpoo, dɛɛ kwaa saraha kwaa baa fuah, dɛɛ dawɛ.

Ɛsekeɛl 41:22

Ba kpɔ daa kwaa kon baa dɛɛ ɛ saraha o ta. O daŋa lɔ naɡale anaarɛ ne tama, dɛ dɔ baŋne anaarɛ. Bɛlbwa lɔ naɡale atoro. Asɛ baa la ŋɔ n be ŋɔ, “Teebur waa cheɡɛ Korowii sie laanee la.”

Ɛsekeɛl 42:13

Baa la ŋɔ men Ɛsekeɛl be ŋɔ, “Deene aa lɔ weekaŋle nyunduabɔr, ne anɔ la aa lɔ weekaŋle harɛbɔr a sie chaɡɛ Korowii Dea dembaah bela la, ɛ sɔfore deene. Belaa sɔfore baa dɛ ba men Korowii sie la ɛɛ ba saraha kwaa aa do ɡoroŋ kohona la dɛɛ dii. Deene la aa do ɡoroŋ kohona nomanta, a binii baa ba saraha kwaa aa do ɡoroŋ kohona kɛŋɔ mea sarahare, ne wechɔɡa kpɔe dɛ kɛ sarahare, dɛ bolchɔɡe dii saraha kwaa kpɔe dɛɛ cheɡ.

Ɛsekeɛl 44:16

Ba ɡboo dɔ ŋwɛnɛ dɛ́ jo n Dea la ta, banee dɛ́ suuh tel n saraha kon la, dɛ́ɛ ɛ n Dea bela toma bwa.

Ɛsekeɛl 46:2

Kooro la chɛ kɛ ó che habɔɔ dembaah bela jo, dɛ kpɔ ŋwɛnɛ baa kpɔ o ta dɛɛ jo, dɛ́ ba che doonyoa ɡbera la jwɛh. Ásɛ sɔfore la kpɔ o saraha kwaa baa fuah, ne deŋnesɔɔhna saraha kwaa ba ɛ saraha tɛ mɛ. Ó tomɛ men Korowii doonyoa bela, dɛ́ berɛ le kaa. A ta chɛ kɛ ba tɔ ɡbera la nemenɛ jɔmɔra.

Lewi Dea Tena 5:15

“Dɛ nomɛlbwa ɛ wechɔɡa o ta kwaa a fe aa chɛ kɛŋɔ ó kpɔ ba ɛ saraha tɛ mɛ ɡɛ aa chɛa dɛ o laa saahna aa, ó lawɛ pebal waa wola kirihiah bɛlbwa dii ba ɛ saraha, dɛ́ kpɔ bɔ o wechɔɡa kem. O yoɡ chɛ kɛ ó do ɡɛ baa maɡa bil Korowii Dea la aa doa. O ɛ bolchɔɡe dii saraha.

Lewi Dea Tena 5:19

Anɔɔ ɛ bolchɔɡe dii saraha. Naate la ɛ wechɔɡa dɛ jo men Korowii nɛɛ dɛ di bolchɔɡe.”

Lewi Dea Tena 6:6

A chɛ kɛ naate lawɛ pebal waa wola kirihiah bɛlbwa dii o yoɡ do ɡɛ baa maɡa la ba tɛ sɔfo la, ásɛ o kpɔ ba ɛ bolchɔɡe dii saraha tɛ men Korowii dɛ́ kpɔ bɔ o wechɔɡa la kem.

Malakae 1:12

Kɛ he sɔfore dɛ chɔɡ n sɔn dɛ ŋɔ n saraha kon la kah doŋa. He ŋɔ kondikwaa baa kpɔa dɛɛ ba o ta la ɡe ta jirima dɔe, dɛ ɛ konsale.

Malakae 1:7

Korowii ŋɔ, “He kpɔ kondikwaa aa kah doŋa dɛɛ ba n saraha kon ta. He berɔ ŋɔ, ‘Ŋwɛnɛ besoo taa ya kpɔ doŋa kah he saraha kon laɔ?’ He ŋɔ Korowii saraha kon la ta jirima kon ɛɛ.”

Amanesoma Luk Aa Chwera Tɔn 22:30

N ne hɛɛ pɛ nɔnee di kwaa n kora ta, ásɛ he so kookane ta dɛ bol Israel deene fi dɛ anɛ la bwa waa dɛ́ pa ba bole.”

2 Kɔrent 5:21

Dɛ wechɔɡa bɛlbwa toole Yeesu Kristo nɛ, kɛ ya kɛrɛdɛ nomanta, Korowii ɡelɔ o lɛ ya wechɔɡa che, ásɛ dɛ ya ne o pɛo waa, ya waa won su Korowii siwi ó lɛ yaa kɛ nɛndɛɛɡaa yan.