Ɛsekeɛl 40:29 - mzwDBL

²⁹ O dejeɡre ne danjwɛɛre aa lɔ bini la, ne bela baa cheɡa dɛɛ jo o ta la bwa, ba maɡa a ɛ kɛrɛdɛ kɛŋɔ anɔ la ken. Doonyoa la ne bela baa cheɡa dɛɛ jo o ta la dɔ bɔjeɡre a bwa ta. O jaŋne lɔ naɡale fifraanuanɛ dɛ anue, o paɡri ɡe ka tama o tel naɡale fifraatoro dɛ anuatoro.

Ɛsekeɛl 40:29 ပူးပေါင်းရင်းမြစ်များ

Ɛsekeɛl 40:25

Doonyoa la ne bela baa cheɡa dɛɛ jo la, bɔjeɡre lɔ a ta kɛŋɔ bɔɔne aa lɔ anɔ la ta la. O jaŋne lɔ naɡale fifraanuanɛ dɛ anue, asɛ o paɡri ɡe ka tama a tel naɡale fifraatoro dɛ anuatoro.

Ɛsekeɛl 40:16

Bɔjeɡre lɔ dejeɡre la habɔɔ danjwɛɛ ne bini danjwɛɛ la ta. Ba ɛ bambie daa maɡre bini danjwɛɛre aa chaɡɛ bɔr waa chɔa kaa la ta.

Ɛsekeɛl 40:7

Dejeɡre atoro lɔ bela nɛra che a bini dɛɛ daah bɔr. A bɛlbwa paɡri lɔ naɡale anuanaarɛ, asɛ a jaŋne ɡe lɔ naɡale anuanaarɛ. Ba ma danjwɛɛ o bare aa ɛ naɡale anuanɛ ne tama dɛ teŋni a baahna. Baa la maɡɛ bɔr waa chɔa kaa dejeɡre la doonyoa, asɛ o ɛ naɡale anuanaarɛ.

Ɛsekeɛl 40:10

Wee leebɔr doonyoa la bini bela, dejeɡre atoro lɔ baŋ bɛlbwa ta, a bwa kɛrɛdɛ, asɛ danjwɛɛre aa lɔ a baŋ bɛlbwa ta la ɡe kɛrɛdɛ.

Ɛsekeɛl 40:12

Dejeɡre la bɛlbwa sie, ba ma danjwɛɛ o jaŋne aa kaa nyundua dɛ ɛ naɡale beŋkpoŋ ne tama, asɛ dejeɡre la bɛlbwa bini paɡri ne o jaŋne lɔ naɡale anuananaarɛ.

Jeremia 36:10

Gemaria mɛɛ Safan waa ɛ koodem karake dea belaa Baruk che dɛ kure waa bwa maa bol o be o chwerɛ do tɔn bini la. O dea la lɔ nyunduabɔr dɛ bɛne Korowii Dea doonyoa bɛl baa dɛ yerɔ Doonyofale la bɔr.

Nehemia 13:9

Ate, n ɡel ba ɛ we-ɛɛla a ɡel deene la do ɡoroŋ, asɛ n berɛ kpɔ Korowii Dea laala la bwa ne mea sarahare, dɛ daawiile a sɔɔh aa soma la ka cheɡ o bini.

Nehemia 13:5

Asɛ Eliasib kpɔ dejen ba fa aa dɛ cheɡ mea baa kpɔa ba ɛ saraha ne daawiile, ne laala bwa soo siwi aa lɔ Korowii Dea, ne mea baa bɔne a bini bɔre fi bini bɔrbeŋkpoŋa, ne senfala dɛ ɔleve noo aa chɛ kɛ ba kpɔ tɛ Lewi dea tena, ne Korowii Dea yelɡoola dɛ nɛra baa dɛ nyiŋi doonyoo ta, dɛ anɔ la baa kpɔ tɛ sɔfore bwa, do Tobia nɔn ta.

2 Webena 31:11

Ate, Kooro Hɛsɛkea ɡel ba kwaa deene baa dɛɛ cheɡ laala a bini Korowii Dea bɔr bela.

Ɛsekeɛl 40:33

O dejeɡre ne o bini danjwɛɛre, dɛ bela baa cheɡa dɛɛ jo, ne anɔ la bwa maɡa kɛrɛdɛ. Doonyoa la ne bela baa cheɡa dɛɛ jo la, bɔɔne lɔ a bwa ta. A jaŋne lɔ naɡale fifraanuanɛ dɛ anue, a paɡri ɡe ka tama o ɛ naɡale fifraatoro dɛ anuatoro.

Ɛsekeɛl 40:36

ɡɛɛ o dejeɡre ne bini danjwɛɛre, dɛ bela baa cheɡa dɛɛ jo la, bɔɔne do a bwa ta. O jaŋne lɔ naɡale fifraanuanɛ dɛ anue, o paɡri ɡe ka tama o ɛ naɡale fifraatoro dɛ anuatoro.

1 Koranar 7:4

Tokorore aa lɔ o ta teŋɛ dɔŋa nɛ bele atoro a sie chaɡɛ dɔŋa.