Ɛsekeɛl 40:2 - mzwDBL

² Korowii kpɔ mɛ kaa Israel harɛ ta ka chɔŋɛ bwejen bɛl waa kaa nyundua kohona doa chaahna ta. Bwejen la weekaŋle harɛbɔr, n na deene ane bela kɛŋɔ bwɛjen bɛl ken.

Ɛsekeɛl 40:2 ပူးပေါင်းရင်းမြစ်များ

1 Webena 28:12

O kpɔ ɡɛ dea la mar aa dɛ ba doe tɛo ɡɛ Korowii Doma la aa kpɔa do o liire bini. O dembaahna ne deene aa baro baa kpɔ laala a yoɡ aa kpeɡa, ne koŋkɛɛla baa kpɔa baa tɛ Korowii dɛɛ cheɡ a bini bwa.

1 Webena 28:19

Kooro Devid ŋɔ, “Anɔ bwa, Korowiirii tɛ mɛ ɡɛ o Dea la mar aa doa wejema, n won no a mun, dɛ chwera bil.”

Yela 48:2

Korowii Saayɔn Bwejen wer, dɛ do jaŋne kohona, koojen la bwɛjen kpɔ silɛɛ baa tɛ harɛ nɔ ta nɛra bwa.

Aesaya 14:13

He fa liiro ŋɔ, ‘Mɛɛ teehnoo kaa nyundua. Korowii weweela baŋ lee mɛɛ ba n kookara kpɔe ka cheɡ, dɛ́ so kɛŋɔ kooro weekaŋle nyunduabɔr bwejen la ta, bela kwaa aa bea baa wola an na aa dɛ cheme la.

Aesaya 48:2

He dɛ́ maŋkura he te ŋɔ he le bwɛjen Jerusalam, dɛ ŋɔ he kpɔ he te dawɛ men Koranar Bwa Kooro, Israel tena aa dɛ tom mɛ la nɛ.

Ɛsekeɛl 1:1

Waa aa lɔ tɔn nɔ bini nɔ, Korowiirii pila baɡle men Busi bie sɔfo Ɛsekeɛl. Baa lawɛ n ne Juu tena laa ta kaa Babelɔn harɛ ta ka so Keba Moo nyoa, bene fifraatoro korobie anaarɛ tɔpenue taa a ɡɛ waa nɔ chiɡ.

Ɛsekeɛl 20:40

Saayɔn Bwejen waa do ɡoroŋ dɛ do Jerusalam la taa he Israel tena la bwa ɛɛ ba men toma. Belaa mɛɛ ba he saraha kwaa aa do ɡoroŋ, ne anɔ la aa le he bambile ta he kpɔ dɛɛ ba ba tɛ mɛ la lɛɛ. Men Korowiirii bola.

Ɛsekeɛl 37:22

Mɛɛ lɔ baa pɛ bá ɛ harɛ beŋkpoŋ nɛra, dɛ́ so Israel bwejena dor. Kooro beŋkpoŋ ɛɛ nyiŋi ba nɛ, ásɛ ba bini aa pere dɛ́ ɛ harɛ anɛ nɛra kpa.

Ɛsekeɛl 41:1

A habɔɔ la, baa la laɡ mɛ ba Korowii Dea la bini waa do ɡoroŋ, dɛ ba maɡɛ o doonyoa daa la. Baŋ bɛlbwa paɡri lɔ naɡale anuanaarɛ.

Ɛsekeɛl 43:12

Mmara waa chɔ le dɛ tɛ Korowii Dea laanee teŋa nɔ. Bwejen la doa ne bɔr waa baro bwa chɛ kɛŋɔ ó do ɡoroŋ kohona.

Ɛsekeɛl 8:3

O tɛr komɛl kɛŋɔ nɛn nɔn dɛ lawɛ n nyumpona, asɛ Korowii Doma ɡɔɔ mɛ n do harɛ ne nyundua baah ta. A ɡɛ wepila nɔ ta la, Korowii kpɔ mɛ kaa Jerusalam o Dea la dembaah doonyoa waa lɔ weekaŋle nyundua pera, dɛ voɡ Korowii aa kiu kɔkɔkɔkɔ lɔ bela.

Daneɛl 7:1

Babelɔn Kooro Bɛlsasa aa di kora benanyoa beŋkpoŋ ta la, men Daneɛl deero dɛ na wepila ane ɡɛ saŋ maa chɔ mpa ta jwaana. Asɛ n chwerɛ waa maa naa deera la ta jwaana la bil.

Daneɛl 7:7

A habɔɔ, n na oljen waa teŋa naarɛ. O ɔma o waa dɔ nyokpoa o do kpeɡri ɡe kohona. O nyena ɛ bune dɛ do kan, komɛlbwa waa lawɛ la, o dɛ di o ola, dɛ́ tiɡri o kabora do harɛ. O korɛ oljena la bwa bini, dɛ dɔ nyeɡlare fi.

Maeka 4:1

Tɔpera ane dɛ ba, ásɛ Korowii Bwejen Dea aa chɔŋɛ o ta la do jaŋne ɡwaa bwejena bwa. Wɛɛ kpeɡuu ɡwaa deŋɡarere bwa, ásɛ nɛra warɛ le harɛre ta dɛɛ ba o ta.

We-ɛɛla 16:9

Awola jwaana ne la, Pɔɔl na wepila ane. O nao kɛ Makidoonia harɛ te bɛl aa cheɡa dɛɛ soŋo dɛɛ ŋɔ, “Ba Makidoonia dɛ ba lɛ yaa.”

We-ɛɛla 2:17

‘Korowii ŋɔ, Harɛ chɔɡa tɔpera aa ka mun ta la, mɛɛ tɛ nɛra bwa soo siwi n Domadɛɛɡe la kohonaa, ásɛ he bibaala ne bihaahna bwa bol n waa aa dɛ ba chiɡa kerekere la, ásɛ he bonɔɔna na chaahna, ásɛ he banjeni dee deera.

Galaasia 4:26

Haah waa wola yom ɛɛ la ɡe cheɡɔ tɛ Jerusalam la waa lɔ nyundua la. Onee ya nya nɔ,