Ɛsekeɛl 4:14 - mzwDBL

¹⁴ Asɛ men Ɛsekeɛl ŋɔ, “Akai Nemenɛ Korowii, le n bechale saŋ ba le fini, n ta konlale kɛɛ kon olchɔɡa aa kpoo kpɔe leɡe n nyoa bwa. Kondikwaa aa ɛ kii kwaa ta n nyoa joɛ bwa.”

Ɛsekeɛl 4:14 ပူးပေါင်းရင်းမြစ်များ

Kaala 22:30

Gɛ tentenee chɛ kɛŋɔ hé ɛ he nae ne peera bwa ta. Hé ɡel a do a nyare be yawanyoa, ásɛ tɔpenuatoro ta la, hé kpɔa ba ɛ saraha tɛ mɛ.

Kaala 22:31

A chɛ kɛ hé ɛ n nɛra haa do ɡoroŋ. Anomanta, he bɛ ol kpɔɡ bini olchɔɡaa aa kpoo la dɛɛ chwe. Nyootenaa chɛ kɛŋɔ hé kpɔa tɛ.”

Aesaya 65:4

Ba dɛ la bwebɔɔne bini ne lala huɡribɔr, dɛ ka yerɛ lala jwaana, dɛ́ ka so ŋwama ta dɛɛ were. Ba dɛ chwe parakoo ola, dɛɛ di dɛɛ nyɔ ola baa kpoora tɛ voɡa dɔr, ne kwaa maa kia.

Aesaya 66:17

Korowii ŋɔ, “Saŋ telo kɛŋɔ n kpoo banɔ la baa laa doŋa kpɔ ba nɛɛ dɛɛ la voɡa ta daa mune, ne banɔ la baa dɛ chwe parakoo ne mari, dɛ kondikwaa bwa soo siwi maa kia la.

Jeremia 1:6

Anee n chaŋe ŋɔ, “Nemenɛ Korowii, n ta ɛ bechala, maa wobol jemɛ.”

Ɛsekeɛl 20:49

Belaa men Ɛsekeɛl ŋɔ, “Nemenɛ Korowii, ba dɛ bol n waa ŋɔ baa waa maa dɛ bol nɔ mun no, a do kɛŋɔ molbie.”

Ɛsekeɛl 4:15

Ate, Korowii berɛ ŋɔ, “N kpɔ nabena chiɡ nɛn kwaa la naa ta, he kpɔ wɔɔ paanoo la.”

Ɛsekeɛl 44:31

Sɔfore ta chɛ kɛ ba di jumbie kɛɛ ol bɛlbwa waa sewa ta baŋa, kɛɛ onɔ la kpɔɡ bini olchɔɡa aa kpoo.”

Ɛsekeɛl 9:8

Ba lɔ nɛŋkpoa la ta, asɛ a ka n ɡbo che. Belaa n kpɔ sie pi harɛ dɛ do lɔŋɔre ŋɔ, “Oo! Nemenɛ Korowii, amɔ he dɛ ba Israel tena baa kaa nɔ bwa kpoora, dii he baah aa dia Jerusalam tena nɛɛ kohona nɔ wa aa?”

Daneɛl 1:8

Kooro kondikwaa ne sen waa ŋɔa ba kpɔ dɛɛ tɛɛ ba la, Daneɛl ɛ o liire kɛŋɔ waa ɡɛ kondikwaa la ne sen laanee nyɔ, ásɛ dɛ kpɔ o te kah doŋa. Asɛ dɛ soŋe Aspenas waa ɛ koodem nomoa la a wa, dɛ bɛ doŋa kah.

Lewi Dea Tena 17:15

Nomɛlbwa waa ɛ bwɛɛlembie kɛɛ hɔɔh dɛ di ol waa sewa, kɛɛ kpɔɡ bini olchɔɡe aa lawɔ o ka kpɔ o kabora ba di la chɛ kɛŋɔ ó chɛɡɛ o laala dɛ́ sɔ ne. O kah doŋa ka tel jɔmɔra mɔɔ o doŋa la bwa le o nɛ.

Lewi Dea Tena 19:7

Nomɛlbwa waa di ol la tɔpetooro wee la, maa o saraha waa ɛa tɛ mɛ laanee lɛ. A ɛ waa maa kia.

Lewi Dea Tena 22:8

A ta chɛ kɛ ó di konlale waa kaa piu, kɛɛ onɔ la kpɔɡ bini olchɔɡe aa lawɔ á che a ta ó kah doŋa. Men Korowiirii bola.

We-ɛɛla 10:14

Asɛ Pita ŋɔ, “Ei! N Dɔɔ, ɡɛ aa won maɡre. N ta a ɡɛ koŋkiila dii bwa.”

Mmarare 14:21

He bɛ ol waa sewa ta baŋa la di. Hé kpɔ tɛ nɛra baa ɛ nɛŋhɔɔhra dɛ so he baah ta. Gɛ laa ɡe aa, hé yoɡ tɛ nɛn waa wola he nɛɛ jae. He ɛ Korowii nɛra dɛ do ɡoroŋ. He bɛ pebie kɛɛ bombie daa o nya elnee ne.”

Mmarare 14:3

He bɛ komɛlbwa Korowii aa ŋɔa waa were ne dii la ba di.