Ɛsekeɛl 39:8 - mzwDBL

⁸ Tɔpere la ta dɛ ba, wɛɛ bao kpela. Men Nemenɛ Korowiirii bola.

Ɛsekeɛl 39:8 ပူးပေါင်းရင်းမြစ်များ

Ɛsekeɛl 38:17

He waa laa n faa che n bonɔɔna baa ɛ Israel keamere nɛɛ dɛ bol la aa? A ɡɛ saŋ la, n bol waa aa dɛ ba bala biɡri kɛŋɔ mɛɛ ɡeloo nomonjen Gɔɡ ba yoo ba.

Wepila 21:6

Asɛ dɛ ŋɔ, “A tonɔ! Menee komɛlbwa Sitɔɔ ne a Muŋkaa, menee wobɛlbwa Mumpar ne a Jaɡa. Dɛ nomɛlbwa dɛ wi nyɔɡre aa, mɛɛ ɡeloo o la bela mkpa nee aa bula dɛɛ le, dɛ́ ka nyɔ ane pɛɛpɛɛ.

Wepila 16:17

Asɛ nyundua torome waa teŋa nuanɛ la ɡe fuɡe o kwaa do peu ta. N no takpeɡ bɛl le kookara la te be Korowii Dea bela, o ŋɔ, “A tonɔ.”

2 Pita 3:8

N dandɛɛɡa, he jemɛ kɛŋɔ tɔpebeŋkpoŋ ne bene kaɡboŋ bwa beŋkpoŋ Korowii be. Beŋkpoŋii a bwa o te be.

Ɛsekeɛl 39:7

Mɛɛ ɡeloo n nɛra Israel tena jemɛ kɛ n sɔn do ɡoroŋ, dɛ bɛ doŋa kpɔ kah n sɔn kpa. Ásɛ harɛre ta nɛra jemɛ kɛŋɔ menee Israel Nɛŋɡoroŋ la.

Ɛsekeɛl 39:9

Nɛra baa soɡe Israel bwɛɛre ta la ɛɛ leo ka pa dɔmkwaa la, dɛ́ kpɔ ɛ damara. Dɔmkwaa kɛŋɔ kwaa baa kpɔa dɛɛ tɔ ba te ɡbemɡbe laa ta, anjena ne anjeɡre, tori ne hɛma, ne koŋkwaa baa dɛ yo a ne laa bwa soo siwi, dɛ lampeare. Bene anuanɛ dɛ ba ta dɛ mara.

Aesaya 46:10

N bol waa aa dɛ ba chiɡa mɔɔ a ba, saŋ la bwaa n le baɡle anɔ la a taa dɛ ba bala. N ŋɔ waa maa maɡla bil bwa ɛɛ ɛo, mɛɛ ɛ anɔ la bwa n tea aa tooraa.

Ɛsekeɛl 33:33

He waa nɔ bwa ɛɛ ɛo, aa bao kpela ɡe. Ásɛ ba jemɛ kɛŋɔ Korowii keame bɛl fa lɔ ba bini.”