Ɛsekeɛl 39:6 - mzwDBL

⁶ Mɛɛ kpɔ niinii ba fuh Maɡɔɡ harɛ ne nɛra baa soɡe deŋnesɔɔhna ta mpo nyoo, ásɛ ba jemɛ kɛŋɔ menee Korowii.

Ɛsekeɛl 39:6 ပူးပေါင်းရင်းမြစ်များ

Yela 72:10

Taases harɛ koranar, ne nɛra baa soɡe mpo nyoa bojaŋa ɛɛ kpɔ ba harɛre kwaa ba tɛo. Seeba ne Seba koranar ɡee kpɔ koŋkɛɛlaa ba tɛo.

Aesaya 66:19

Mɛɛ ɛ waane ba binii, dɛ́ tomɛ banɔ la baa le a nyoa la, ásɛ ba la bojaŋa harɛre nɛra baa wola n waa noɛ dɛ na n jirima ne n kpeɡri la be. Harɛre nɛra kɛŋɔ, Taases ne Lebya dɛ Lidia tena. Lidia tena nɔ jemɛ to tae taeh, ne Tubal ne Grik tena harɛ. Gɛ harɛre nɔ nɛra bee baa ba laŋa dɛ́ ka bol n kpeɡri maa dɔa la waa baɡ ba.

Jeremia 25:22

ne koranar baa lɔ bwɛjena Taaya ne Sidon bwa, ne harɛre aa lɔ ba lɔɡa dɛ do mpo la baŋ bwa,

Ɛsekeɛl 30:16

Mɛɛ fuh Ijipt harɛɛ, ásɛ lokua chole bwɛjen Pɛloseɔm tena nɛ. Baa kuuɡi bwɛjen Tebes danjwɛɛre aa baroo la, ásɛ bwɛjen Mɛmfes tena ɛɛ na weweele saŋ bɛlbwa.

Ɛsekeɛl 30:8

N ɡelɔ nii ba chɔɡ Ijipt harɛ dɛ kpoo nɛra baa dɛ chao waa, anee baa ba jema kɛŋɔ menee Korowii.

Ɛsekeɛl 30:9

Awola tɔpere, mɛɛ tomɛ toromaa bá kpɔ stiimaere ba, dɛ́ ba aah Itiopia tena, dɛ́ le ba ne ba bosɔɔhna ta. Lokua ɛɛ chole ba nɛɛ awola Ijipt aa chɔɡ la. Tɔpere la ɛɛ bao kpela.”

Ɛsekeɛl 37:6

Mɛɛ ɡeloo dɛɛhne ba he nɛ, dɛ́ tɛ heyaa bo-ol, dɛ́ kpɔ tɔn bɔle, dɛ́ tɛ heyaa hweera hé dɔ mkpa. Ásɛ he jemɛ kɛŋɔ menee Korowii.’ ”

Ɛsekeɛl 38:11

Hɛɛ ŋɔɔ hɛɛ ka yo Israel harɛ ta bwɛɛre baa dɛ lii kɛŋɔ ba soɡe deŋnesɔɔhna ta, baa wola danjwɛjena mae bara, a ba ɛ kɛ aa dɔ doonyoo ba kpɔ bune dɛɛ kaɡra laanee.

Ɛsekeɛl 38:13

Korowii berɔ ŋɔ, “Seeba ne Dedan, dɛ bonadiire baa le Taases ne o bwɛjeɡre ta ɛɛ bɔɔ heyaa ŋɔ, ‘Hɛɛ boa he laa tena nyoa, dɛ́ ba yo dɛ́ pa suuɡaswɛm ne suuɡapoŋa, kondɛɛra ne laala kɛŋɔ laa ta kwaa dɛ́ kaa kɛɛ?’ ”

Ɛsekeɛl 38:2

“Nɛwɛnyini bie, eɡle sie ta koonomoa Gɔɡ waa lɔ Maɡɔɡ harɛ ta, dɛɛ nyiŋi Mɛsɛk ne Tubal harɛre ta. Bol waa aa dɛ ba o nɛɛ bala

Ɛsekeɛl 38:6

Laa tena bwa baa le Goma, ne Bɛt Toɡama waa lɔ weekaŋle nyunduabɔr bwa baa ja o nɛ, ɡɛɛ harɛre kɛrɛdɛ bwa laa tena ɡe ba ja.

Ɛsekeɛl 39:5

Kpɔɡ binii hɛɛ ba sewa chɔ. Men Nemenɛ Korowiirii bola.

Emɔs 1:10

Anomanta, mɛɛ ɡeloo nii ba fuh danjwɛjena aa bar bwɛjen Taaya, dɛ́ fuh o dekpeɡa, dɛ́ chɔɡa.”

Emɔs 1:4

Mɛɛ ba fuh koodem Kooro Hasael aa doo laanee, dɛ́ ba fuh Kooro Bɛn Hadad dekpeɡa la, dɛ́ chɔɡa.

Emɔs 1:7

Anomanta, mɛɛ ɡeloo nii ba fuh danjwɛjena aa bar bwɛjen Gasa la, dɛ́ fuh o dekpeɡa bwa, dɛ́ chɔɡa.

Neehum 1:6

O baah diu waa, umee dɛ́ won che a nyoa ɔ? Umee dɛ́ won ba o sie o bandichɔɡe ta nɔ? O baah diu kohona naa, a do kɛŋɔ baa fuɡe nii ta ken, bwea bwa dɛ peɡri burbur ken o sie.

Sefania 2:11

Korowii ɛɛ ɡeloo ɔmee kohona chole ba nɛ, dɛ́ chɔɡ ba voɡare aa lɔ harɛ la ta bwa. Ásɛ harɛ bɛlbwa ta nɛra ɛɛ tomɔ, bɛlbwa ɛɛ dɛɛ tomɔɔ o ɡbaɡba harɛ taa.

Wepila 20:8

O leɔ waa, wɛɛ ba neɡre nɛra baa lɔ harɛ nɔ ta bobɛlbwaa, Gɔɡ tena ne Maɡɔɡ tena, dɛ́ pona ba, bá warɛ kɛŋɔ mpo nyoa hɛŋle ken, dɛ́ kpɔ ba yo laa.

Wepila 20:9

N na ba ba wur ba tɔ harɛ bwa, dɛ bar bwɛjen Korowii aa dɛ nyinu o nɛra do o ta la. Asɛ nii le nyundua, dɛ ba le ba nɛɛ dɛ fuh ba bwa kwaraa.

Sitɔɔla 18:7

Anomanta, baala banue la leɔ dɛ kaa Lais harɛ. Belaa ba ka na kɛŋɔ bela nɛra la soɡe deŋnesɔɔhna ta kɛŋɔ Sidon tena ken, dɛ so kɛrɛdɛ, dɛɛ lii kɛŋɔ wobɛlbwa aa ban pu. Komɛlbwa lɔ ba harɛ la ta, ba dɔ ba te. Ba ne Sidon tena baah jaŋne, ba ne nomɛlbwa aa chamene di.