Ɛsekeɛl 39:4 - mzwDBL

⁴ Israel bwejena taa hɛɛ ba sewa, he ne he laa tena bwa, ne harɛre ta laa tena baa ja he nɛɛ bwa. Mɛɛ kpɔe tɛ jumbii ne kpɔɡ bini olchɔɡa aa di konlala, he ɛ a kondikwa.

Ɛsekeɛl 39:4 ပူးပေါင်းရင်းမြစ်များ

Aesaya 14:24

Koranar Bwa Kooro ŋwɛɛrɔ ŋɔ, “Waa maa vɔrɔwa la, anee dɛɛ ba ɛɛ, anɔ la aa dawɛ n sie la ɡee mɛɛ ba ɛɛ.

Aesaya 14:25

Mɛɛ chɔɡ Asiiria tenaa le n harɛ ta, mɛɛ tiɡri ba nɛɛ Israel harɛ bwejena ta, dɛ́ lawɛ n nɛra le Asiiria tena kpeɡri baa dɛ di ba nɛ, kɛŋɔ baa kpɔ daa dawɛ nae anɛ baŋa ta a pɛ dɛɛ ɛ toma la.

Jeremia 15:3

Men Korowii ɛ n liire kɛŋɔ wekpeɡa bele anaarɛɛ mɛɛ ba ɡela ba na. Baa kpoo ba laa taa, ásɛ nyootena tuɡ ba ka ta. Jumbii ne kpɔɡ bini olaa dɛ́ di ba ola kabora.

Jeremia 25:33

Gɛ saŋ la, nɛra baa kpoo ba laa ta la ɛɛ warɔɔ chɔ harɛ nɔ ta bobɛlbwa, le harɛ baŋ bɛl ba kaa o jaɡa. Nomɛlbwa aa ba lwee ɛ, a ba ɛ kɛŋɔ ba huɡ ba. Ásɛ ba chɔɡ, dɛ́ do kɛŋɔ nabena aa ɡela harɛ ɛɛ do wer ken.

Ɛsekeɛl 29:5

Mɛɛ ɡelee ta pua hɛŋle ɡbo harɛ la ta, he ne pɛŋa la bwa. Hɛɛ chɔ pɛɛpɛɛ harɛ la taa, nomɛlbwa aa wola hen kpɔ. Mɛɛ kpɔe tɛ harɛ la ta olchɔɡa ne jumbii á di he ol.

Ɛsekeɛl 33:27

Ŋɔ men Nemenɛ Korowii ŋɔ, ‘Ń ŋwɛɛrɔ kɛŋɔ n taa lole nɔ, baa kpoo nɛra baa kaa dɛ ta so bwɛjena aa paɡra la ta bwaa. Banɔ la baa chwaa ka so kpɔɡ bini la, kpɔɡ bini olchɔɡaa dɛ́ di ba ola, ásɛ weechɔɡa kpoo banɔ la ɡe baa chwaa ka so dekpeɡa ne bwebɔɔne bini.

Ɛsekeɛl 35:8

Mɛɛ ɡeloo lala su bwejena dor bwa, ásɛ banɔ la baa kpoo ba laa ta chɔɔɡe deŋɡarere ta, dɛ́ su nenabɔɔne bwa bini.

Ɛsekeɛl 38:21

Wenaale bɛlbwa soo siwii mɛɛ ba kpɔe ba ta nomonjen Gɔɡ nɛ. Ba bini bɛlbwa ɛɛ berɛ o keree ba o dɔŋ nɛɛ dɛ́ kpoo. Men Nemenɛ Korowiirii bola.

Ɛsekeɛl 39:5

Kpɔɡ binii hɛɛ ba sewa chɔ. Men Nemenɛ Korowiirii bola.

Neehum 3:3

Laa tena soɡe jaɡre ta dɛɛ chwa dɛ́ ka yo, dɛɛ beɡre kerele fal fal, lampeare ɛɛ nyɛɡle al-al ken. Nɛra serewɔ pirim, lala daŋɛ chɔ ba ta nyoa dɔe, nɛra ɛɛ laala.