Ɛsekeɛl 39:26 - mzwDBL

²⁶ Baa soh ba sihihwaa ne kasinteŋ bɛ dɔe dɛ tɛ mɛ ɡɛ saŋ baa soɡe deŋnesɔɔhna ta ba harɛ ta, nomɛlbwa aa wola ban aah la.

Ɛsekeɛl 39:26 ပူးပေါင်းရင်းမြစ်များ

Maeka 4:4

Bɛlbwa ɛɛ so deŋnesɔɔhna taa, asɛ daa kooni ne fiɡ daa kooni baro cheme, nomɛlbwa aa wola won ba aah ba kpa. Koranar Bwa Kooroo bola.

1 Koranar 4:25

O ta aa soɡe le la, dɛ nɛra baa soɡe Juda ne Israel harɛ bwa ta ɡɛ saŋ lɔ bosɔɔhna ta. Le Dan dea harɛ waa lɔ weekaŋle nyundua, dɛ́ ba kaa Beɛseeba o ɡe aa lɔ weekaŋle harɛbɔr. Dɛ dea bɛlbwa nɛra dɔ bosɔɔhna, dɛ dɔ fiɡ ne ɡrepo daa kooni.

Ɛsekeɛl 16:63

Mɛɛ kpɔ waa haa ɛa bwaa kɛɛ, kɛ hɛɛ ba liiraa, ásɛ sihiih kpoe kohona he pili nyoa kahonɛ.” Nemenɛ Korowiirii bola.

Daneɛl 9:16

N Naa Korowii, ɡɛ aa cheɡɛ he we-ɛɛla aa toɡra ta he cha yaa wubwa la, laa he bwaawee ne bandia kohona la kpɔ he bwɛjen Jerusalam, he Saayɔn Bwejen la ta. Ya ne ya naawa wechɔɡaa ɡela nɛra baa soɡa bar yaa la ɛɛ mamɛ Jerusalam ne he nɛra.

Ɛsekeɛl 34:25

N ne baa fɔwɛ deŋnesɔɔhna fɔwee, dɛ́ le kpɔɡ bini olchɔɡa ne harɛ la ta, ásɛ n peera la do pua kpɔɡbaah ta, dɛ́ chɔ kɔne bini deŋnesɔɔhna ta.

Ɛsekeɛl 32:30

Koranar baa le weekaŋle nyunduabɔr, ne Sidon tena bwa chɔ bela. Kɛ ba kpoo ba ba di sihiih, ba kpeɡri ba fa aa dɔa dɛ kpɔ ɔmee kohona ta nɛra nɛɛ la habɔɔ. Ba chɔ nɛra ba fa aa wola men tomɛ la baah ta lalabwɛ.

Ɛsekeɛl 32:25

Elam harɛ ta nɛra ja nɛra baa kpoo ba laa ta la nɛ, o laa tena ŋwama baro cheme. Ba bwa ɛ nɛra baa wola men Korowii tomɛ, ba kpoo ba laa ta. Ba fa aa soɡe le la, ba kpɔ ɔmee ta nɛra nɛ. Ba serewɔ, ba ne banɔ la baa kpoo ba laa ta la di sihiih.

Ɛsekeɛl 16:52

He ne he sihiih so, he ɡelɔ he nimanar waa do wer ɡwaale, dɛkalkɛ he wechɔɡa kan ɡwaa ba kwa. A do kɛŋɔ ba waa toɡrɔ kɛrɛdɛ ɡwaale. Sihiih kpoe, he di ncho, he nimanar waa berɔ toɡre ɡwaale.’ ”

Jeremia 30:11

Mɛɛ ja he nɛɛ, ásɛ dɛ lɛ heya. Mɛɛ chɔɡ harɛre nɛra maa lɔ heyaa peɡre ba bini bwaa, kɛ he te, maa den chɔɡ heyaa kwaraa. Mɛɛ tɛr he deŋnee, kɛ mɛɛ sune he nɛɛ dɛ́ nyiŋi heya kɛrɛdɛ. Men Korowiirii bola.”

Aesaya 17:2

Bwɛjena aa lɔ Siiria harɛ dɛ́ ba dimɡbia bera dɛ chɔ. Aa berɛ peera ne nae dibɔraa, nomɛlbwa aa lee do dɛ́ doŋa.

Yela 99:8

N Naa Korowii yaa dɛ tomɛ, he no he nɛra wesoŋa. A lole kɛ he tɛr ba deŋne te, kɛ he ɡelɔ ba jemɛ kɛ he kpɔ wechɔɡa dɛɛ kɛ.

Ɛsekeɛl 20:27

Nemenɛ Korowii berɔ ŋɔ men Ɛsekeɛl be ŋɔ “Nɛwɛnyini bie, berɛ ŋɔ Israel tena be kɛŋɔ, anɔ ɡe taa ba naawa ɛɛ mɛ nɛnhɛlwa dɛ le n habɔɔ.

Ɛsekeɛl 20:43

Belaa hɛɛ ba we-ɛɛla ne liire aa ɡela he kpɔ he te kah doŋa la nae, ásɛ he hah he ɡbaɡba kɛŋɔ haa ɛ a ɡɛ wedoŋa nɔ la.

Ɛsekeɛl 36:31

Belaa hɛ́ɛ ba he wechɔɡa ŋwɛnɛre ne he nyubinikpeɡ we-ɛɛla bwa liira, ásɛ he baah di he ɡbaɡba nɛɛ wechɔɡa ne kii waa haa ɛa la.

Ɛsekeɛl 38:8

Bene ane habɔɔ la, mɛɛ ɡeloo o nyin dɔmkwa, dɛ́ ka bar Israel harɛ ba fa aa yoo o chɔ pɛɛ la. O nɛraa ba boa ba nyoa le harɛre ta, ba ba so deŋnesɔɔhna ta la.

Ɛsekeɛl 44:13

Ba bɛ n sie ba, dɛ́ ba tom mɛ kɛŋɔ sɔfore, kɛɛ dɛ́ ŋɔ baa tuuhnu tel kwaa aa do ɡoroŋ, ne saraha aa do ɡoroŋ kohona la bɛlbwa. A chɛ kɛ sihiih kpo ba, baa dɔ deŋnetɛraa waa maa kia ba ɛ la wa.

Ɛsekeɛl 15:8

Mɛɛ ɡeloo harɛ la chɔ pɛɛ, dɛkalkɛ ba waa ta kasinteŋ dɔe tɛ mɛ. Men Nemenɛ Korowiirii bola.”