Ɛsekeɛl 39:24 - mzwDBL

²⁴ Ba wedoŋa ne wechɔɡa kohona nomanta, n laa sie kpɔ ba nɛ, dɛ ɡel ba dɔ deŋnetɛra ɡɛ aa chɛa.’ ”

Ɛsekeɛl 39:24 ပူးပေါင်းရင်းမြစ်များ

Aesaya 1:20

Kɛ dɛ he vɛoh dɛ ta do he kpaŋa la ta te naa, laa nyoa hɛɛ ba kae. Men Korowiirii bola.”

Aesaya 3:11

Wechɔɡ-ɛɛra bwɛɛlɛ! Aa do kpeɡrii tɛɛ ba taeh. Waa ba ɡbaɡba aa ɛa la kembɔree baa ba dɔe.

Aesaya 59:2

He wechɔɡaa tɔ heyaa ŋwɛnɛ, a do kɛ waa he be no la, anee pere he ne o baah he dɛ soŋo waa, waa wola chaŋe, dɛ kpɔ o te dɛɛ sɔh heyaa la.

Jeremia 2:17

Haa vɛh men Korowii haa dɛ tom mɛ, ɡɛ saŋ maa tɔ he sie kpɔ heyaa dɛɛ kaa la, a waa laa ɡɛ waa nɔ bwa ba he nɛɛ nɔ naa?

Jeremia 2:19

Hé ɡbabir nyubinikpeɡii dɛ́ ɡel he dɔ deŋnetɛra. Vɛɛh haa vɛɛh mɛ la ɡe ɡel he di bolchɔɡe. He ɡbabir nyiŋi dɛ́ na ɡɛ haa ɛ wechɔɡa he tea bini chɔɡ, ɡɛ saŋ haa vɛh men Korowii haa dɛ tom mɛ, haa wola men ɔmɛ la wa. Men Korowii, Koranar Bwa Kooroo bola.

Jeremia 4:18

Juda tena, he we-ɛɛla ne he liiree ɡela anɔ bwa ba he nɛ. Deŋnetɛra aa chɛ heyaa laanee. A dɛ we kɛrɛdɛ. Na ɡɛ aa jo he bini.”

Jeremia 5:25

Anomanta, ɡɛ waa aa wera nɔ paŋɛ heya, he wechɔɡa haa ɛa la wa.

Ɛsekeɛl 36:19

N lɔ ba peɡre harɛre ane ta, ba do harɛre ta bobɛlbwa, asɛ n pa ba bolchɔɡe ba we-ɛɛla la wa.

Ɛsekeɛl 7:22

Mɛɛ laa sie kpɔ ba be, ásɛ ŋwɛɛra ba jo n Dea bela laala a yoɡ aa kpeɡa aa lole la, dɛ́ kpɔ doŋa kaoh.

Lewi Dea Tena 26:24

n ɡbabir ɛɛ beɡre sie he nɛɛ, dɛ́ tɛr he deŋne kohona a ɡwaa loɡla kwaa la bele anuanɛ ja.

Mmarare 31:17

A ba ɡɛ naa, n baah ɛɛ di ba nɛɛ, ásɛ n laa sie kpɔ ba nɛ ba chɔɡ. Wechɔɡa ne wahala ɛɛ ba ba nɛɛ taeh, ásɛ ba sɛh ŋɔ, ‘Waa nɔ aa pu yaa nɔ, Korowii ya fa aa dɛ tomɔ la laa nɔn kpɔ ya nɛ.’