Ɛsekeɛl 39:21 - mzwDBL

²¹ Mɛɛ ɡeloo harɛre ta nɛra na n jirima, dɛ́ na n deŋnetɛra maa kpɔa dɛɛ ba ba nɛ, ne ɡɛ maa cheɡɛ n kpeɡri ta dɛɛ ɛ, ne ɡɛ n liire aa wera.

Ɛsekeɛl 39:21 ပူးပေါင်းရင်းမြစ်များ

Yela 32:4

N Naa Korowii, chɔɔ ne jwaana bwaa he tɛr n deŋne, asɛ n bokpeɡa bwa tonɛ, kɛŋɔ wee yon lɔ bobɛlbwa hol hwel saŋ la.

Yela 94:10

Korowii waa dɛ kah nɛra la aa won tɛr ba deŋne aa? Nɛn waa dɛ baɡle nɛra waa la, o nya liire kɛɛ?

Kaala 14:4

Mɛɛ ɡeloo o deŋne do kpeɡri o ŋɔ wɛɛ ti baa. Mɛɛ pɔ o ne o laa tena nɛɛ dɛ́ dɔ jirima. Ásɛ Ijipt tena bwa jemɛ kɛŋɔ menee Korowii kpela.” Anomanta, ɡɛɛ Israel tena ɛ.

Kaala 7:4

Waa wola he bee no nomanta, mɛɛ kpɔ deŋnetɛraa ba harɛ la ta dɛ́ do ba sibeɡra kohona dɛ́ lawɛ n nɛra Israel tena bwa le bela.

Kaala 8:19

Anee dobodobo tena la ŋɔ kooro la be ŋɔ, “Korowii we-ɛɛlaa nɔ noo!” Kɛ ane a bwa, dɛ Ijipt kooro deŋne ta kpeɡri o vɛh waa la noe, ɡɛ Korowii aa bola la.

Kaala 9:16

Kɛ n ɡelɔ he do le, ásɛ he na ɡɛ maa dɔ kpeɡri, ásɛ nɛwɛnyina bwa che he nɛɛ dɛɛ yerɛ n sɔn harɛ nɔ ta bobɛlbwa.

Aesaya 26:11

N Naa Korowii, he dɔma aa jemɛ kɛŋɔ he dɛ ba ba deŋne tɛra. Gel ba na ɡɛ haa dɛ nyin he nɛra, ásɛ sihiih kpo ba. Kpɔ deŋnetɛra haa maɡla bil ba la chɔɡ ba.

Aesaya 37:20

Korowii yaa dɛ tomɛ, lɛ yaa le Asiiria koojen Senakerib nɔn ta, ásɛ harɛre bwa nɛra jemɛ kɛŋɔ he ɡboo Korowii.”

Ɛsekeɛl 36:23

Mɛɛ baɡle ɡɛ n sɔnjen la aa do ɡoroŋ, n sɔn haa chɔɡo tɛ harɛre nɛra la. Ásɛ harɛre nɛra la bwa jemɛ kɛŋɔ menee Nemenɛ Korowii. He nɛɛ mɛɛ ba cheɡa, dɛ́ chaɡle kɛŋɔ n do ɡoroŋ ba siwi ta.

Ɛsekeɛl 38:16

Hɛɛ ba tɔ n nɛra Israel tena nɛɛ kɛŋɔ bam yon tɔ harɛ ta la. Awola tɔpere la, mɛɛ ɡeloo hen nomonjen Gɔɡ ba yo n nɛra Israel tena, ásɛ harɛre ta nɛra jem mɛ, maa ba che he nɛɛ dɛ́ baɡle kɛŋɔ n do ɡoroŋ ba siwi ta la.

Ɛsekeɛl 38:23

Gɛ taa mɛɛ ba ɡela harɛre ɡalɡa nɛra na ɡɛ maa kana dɛ do ɡoroŋ. Ásɛ ba jemɛ kɛŋɔ menee Korowii.’ ”

Ɛsekeɛl 39:13

Nomɛlbwa waa lɔ harɛ la ta la ɛɛ jao dɛɛ huɡ ba. Awola tɔpere la, baa tɛ mɛ jirimaa, ásɛ o ɛ tɔpere baa kpɔ dɛɛ lii a ɡɛ waa nɔ. Men Nemenɛ Korowiirii bola.

Maeka 2:9

He dɛ doŋi n nɛra haahna dɛɛ le ba deremi aa wera ta. He laa wedɛɛɡa maa sweera tɛ ba bii saŋ bɛlbwa la dɛɛ kpɔ.

Malakae 1:11

Harɛre nɛra ɛɛ duu mɛ kohonaa, le wee leebɔr ba kaa wee cholibɔr. Baa fuh daawiile a sɔɔh aa somaa, dɛ́ kpɔ saraha kwaa aa wera le harɛ bɛlbwa ta ba, dɛ́ kpɔ dɛɛ duu mɛ.

Malakae 1:5

Israel tena siwi ɛɛ na ɡɛ waa nɔɔ dɛ́ ŋɔ, “Korowii kan, hale dɛɛ di kpeɡri harɛfala aa bar Israel harɛ bwa!”

1 Samoɛl 5:11

Anomanta, ba yerɛ Filisti koranar la bwa cheme dɛ ŋɔ, “Hé berɛ kpɔ Korowii Israel tena aa dɛ tomɔ Ne Nɛwɛnyina Fɔo Daka la ka cheɡ o buɡ ta, ásɛ o bɛ ya ne ya bii ba kpoo.” Dɛ deŋnetɛra Korowii aa kpɔa ba ta ba nɛɛ la ɡelɔ sibeɡra chole ba nɛɛ kɛrɛdɛ bwɛjen la ta.

1 Samoɛl 5:7

Asdɔd tena aa na waa aa dɛ chiɡ la, ba ŋɔ, “Korowii Israel tena aa dɛ tomɔ Ne Nɛwɛnyina Fɔo Daka la ta chɛ kɛ ó che ya be kpa, dɛkalkɛ o dɛ tɛr ya ne ya voɡ Daɡɔn deŋne.”

1 Samoɛl 6:9

dɛɛ nyiŋi a kaala bini. Hé nao kɛŋɔ a kpɔ sie chaɡɛ bwɛɛ Bɛt Sɛmɛs pera dɛɛ kaa laa, amɔ dɛ Korowiirii kpɔ wahala kohona nɔ ba ta ya nɛ. A ta sie kpɔe chaɡɛ bela bɔr ɡe aa, yaa jemɔɔ kɛŋɔ Korowii be laa aa le, ya nyuchɔɡee ɡelaa a ba ɡɛ.”