Ɛsekeɛl 39:2 - mzwDBL

² ‘Mɛɛ sɔɔh he nyoa dɛ́ tuuɡi harɛ le he ne bojaŋ weekaŋle nyunduabɔr le, dɛ́ kpɔe ka ta Israel bwejena la dor.

Ɛsekeɛl 39:2 ပူးပေါင်းရင်းမြစ်များ

Yela 40:14

Gel nɛra baa dɛ nyin mɛ dɛ́ kpo la, sihiih kpo ba, bá wili. Nɛra ba sie aa dɛ lɛ n wenaale ta la, ber ba kaa, dɛ́ ɡel sihiih kpo ba.

Yela 68:2

Gɛ peu yon ta dɛ́ kpɔ ninchuu kaa la, ɡɛɛ he kpɔ ba kaa ta. Gɛ ba yon kpɔ nii dɛɛ mwɛɛ tohkel la, ɡel nɛnchɔɡa sewɛ he sie ɡɛ.

Aesaya 37:29

N no he deŋnekpeɡ we-ɛɛla, ne he mbarafo haa dɛ ɛ, a chole n deŋna ta. Mɛɛ kpɔ ɡoŋaa do he mee ta, dɛ́ kpɔ kabaɡrare do he nyoa, dɛ́ berɛ kpɔe kpɔ ŋwɛnɛ haa kpɔ o ta ba la ta kaa.’ ”

Ɛsekeɛl 32:30

Koranar baa le weekaŋle nyunduabɔr, ne Sidon tena bwa chɔ bela. Kɛ ba kpoo ba ba di sihiih, ba kpeɡri ba fa aa dɔa dɛ kpɔ ɔmee kohona ta nɛra nɛɛ la habɔɔ. Ba chɔ nɛra ba fa aa wola men tomɛ la baah ta lalabwɛ.

Ɛsekeɛl 38:15

Hɛɛ le bojaŋ le weekaŋle nyunduabɔree, dɛ́ tɔ harɛre laa tena baa wara dɛ so jaɡre ta sie dɛ́ ba. Ba ɛ laa tena baa wara dɛ do kpeɡri kohona.

Ɛsekeɛl 39:1

Nemenɛ Korowii ŋɔ men Ɛsekeɛl be ŋɔ, “Nɛwɛnyini bie, bol waa aa dɛ ba koonomoa Gɔɡ waa ɛ koonomoa dɛɛ nyiŋi Mɛsɛk ne Tubal be ŋɔ, n ne o dɔɔ. Kenii men Nemenɛ Korowii bol,

Ɛsekeɛl 39:3

Mɛɛ lɔ he to waa lɔ he nɔŋɡal taa ta, ásɛ dɛ ɡel he hɛma le he diɡ ta lee.

Daneɛl 11:40

Aa ba ka tama Siiria kooro waa ba a jaɡa la, Ijipt kooro ɛɛ ba yoo laalee, ásɛ Siiria kooro la kpɔ kwaa aa do kɛ torɔɡore, ne laa tena baa soɡe jaɡre ta, ne stiimaere aa wara, o kpeɡri bwa ne dɛ́ ka puu yo. Wɛɛ lɔɔ ka tɔ harɛre ɡalɡa nɛra nɛɛ kɛŋɔ nee yon su dɛɛ kpɔ bobɛlbwa la ken, dɛ́ ba lɛ harɛre dɔɔh.