Ɛsekeɛl 39:18 - mzwDBL

¹⁸ Hɛɛ di laa tena olaa, dɛ́ nyɔ koranar baa lɔ harɛ nɔ ta chale kɛŋɔ pebala ne pebiiri, kɛɛ boohna ne nabala a bwa aa dɔ bo-ola kɛrɛdɛ dɛ le Basan harɛ ken.

Ɛsekeɛl 39:18 ပူးပေါင်းရင်းမြစ်များ

Yela 22:12

Dɔma warɔ dɛ bar mɛ cheme, kɛŋɔ Basan harɛ nabala a bwara aa kpeɡa ken.

Yela 68:30

Tɛr Ijipt nɛra baa do kɛŋɔ kpɔɡ bini ola, aa chɔ nee nyoa la deŋne. Tɛr harɛre nɛra baa do kɛŋɔ nabala, dɛ koo nabii bini la deŋne, ka tel saŋ baa ba ɡuŋi harɛ, dɛ́ kpɔ ba suuɡapoŋa ba tɛɛ. Lɔ harɛre nɛra ba sie aa dɛ lɛ laa yoi ta la bwa peɡre.

Aesaya 34:6

Chal ne noo ɡboo tɔ Korowii kere la bwa, kɛŋɔ baa kpo pebiiri ne boohna dɛ ler a kporombie ɛ saraha ken. Korowii dɔ saraha ɛɛ bwɛjen Bosra. Nɛra ɛɛ serewoo kɛrɛdɛ kere la nyoa, Edom harɛ ta.

Aesaya 34:7

Wɛɛ kpoo nɛra baa dɔ kpeɡri kɛŋɔ kpɔɡ bini nae, ne banɔ la baa do kɛŋɔ nabali bwaa, ásɛ harɛ la bwa sɔ chal ne no.

Jeremia 46:5

Bɔkwaa mɛɛ na nɔɔ? Ɔmee kohona chole Ijipt laa tena nɛɛ ba le habɔɔ chwa dɛɛ kaa. Babelɔn laa tena yoo ba dɛ pɔ ba banyoola nɛ. Ba kpɔ bochela chwa dɛɛ le, bɛlbwa aa kee dɛɛ nyiŋi, ɔmee kohona su ba bwa. Men Korowiirii bola.

Jeremia 50:11

Korowii ŋɔ, “Babelɔn harɛ tena, he baa pa n nɛra laala laa ta kaa, asɛ he sie lɛ hɛɛ hɛɡre kɛŋɔ nao waa dɛ tiɡri mea, kɛɛ jaɡ-bala aa dɛ dooɡe lɔŋɔre ken.

Jeremia 50:27

Hé kpoo ba laa tena bwa. Babelɔn tena bwɛɛlɛ! Ba deŋnetɛra tɔpere telo.”

Jeremia 51:40

Mɛɛ ɡeloo ba laɡ ba, kɛŋɔ ba yon lawɛ peloni kɛɛ boohna kɛɛ pebala, dɛ́ ka kpoora la ken.”

Ɛsekeɛl 29:5

Mɛɛ ɡelee ta pua hɛŋle ɡbo harɛ la ta, he ne pɛŋa la bwa. Hɛɛ chɔ pɛɛpɛɛ harɛ la taa, nomɛlbwa aa wola hen kpɔ. Mɛɛ kpɔe tɛ harɛ la ta olchɔɡa ne jumbii á di he ol.

Ɛsekeɛl 34:17

Nemenɛ Korowii ŋɔ, “N peera, mɛɛ nyiŋi he binii dɛ́ pere pedɛɛɡa le anchɔɡa bini, dɛ́ pere pebala le boohna bini.

Ɛsekeɛl 34:8

Men Nemenɛ Korowii taa lole nɔ, n ŋwɛɛrɔ kɛŋɔ, n peera nya teɡre, a che a ta kpɔɡ bini olchɔɡa lawa dɛɛ di. N peteɡra la ta a bɔr ɡaaɡɛ, ba ɡbaɡba waa hiah ba.

Ɛsekeɛl 39:19

Saraha maa dɛ ba ɛɛ tɛ heyaa la, hɛɛ di ola aa dɔ noo a ba pe heya, dɛ́ nyɔ chal kohona a dɛɛ heya.

Emɔs 4:1

Hé no, haahna haa lɔ Samaria dɛ do bwara kɛ nae aa lɔ Basan harɛ ta, he dɛ fiiɡi nyaara ne nɛŋɡwɛɡra, dɛɛ ŋɔ he jaranar be ŋɔ, “Hé kpɔ sen baa tɛ yaa.”

Mmarare 32:14

Ba dɔ nae ne boohna elnee kohona, ba peera ne boohna ne nae do wer, dɛ dɔ Basan harɛ pebala aa wera tɛɛ ba la ane. Ba dɔ mendɛɛɡa ne sen baa dɛ nyin dɛɛ nyɔ.

Wepila 19:21

Naate waa soɡe jaaɡɔ ta la kpɔ tokobinyɛɡ waa le o nyoa ta la kpoo olchɔɡe la nɛra baa kaa la, asɛ jumbii la bwa di ba ola ɡɛ aa wona.